ازمة بنزين دبستنى فى بنزين 80 :(:(

[ma7oo]

النهارده نزلت الصبح ولقيت العربية فيها شوية بنزين يمشونى ويودونى الشغل ويجبونى انا بحط 92 وانا راجع بعد الشغل لقيت الدنيا زحمة جداجدا فقلت اروح وانا نازل بليل احط بنزين عادى يعنى روحت ونزلت بليل اول بنزينه جمبى لقتها مقفوله قلت بتحصل عادى تانى واحدة لقتها قافله برضه قلت فيه ايه تالت واحده ودى مشهورة جدا فى المنصورة مستحيل تكون قافلة لقتها قافله والراجل بيؤلى مش هتلاقى نقطة بنزين واحدة دلوقتى :(:( قلت اهلالالالالالالا دخلت فى حيطة وانا بعيد عن البيت والبلد زحمة والعربية refuel وارفانى وبتفضى ......طلعت اجرى على بنزين مستخبية كده الراجل قلى هديك شوية 80 فى جركن يمشوك قلتله لا لقيت الناس بتضرب بعض على حبة بنزين والعربية هتقف خدت 4 لتر فى جركن وحطتهم لحد ماروحت :(:( وبعدين دلوقتى لقيت بنزينه واحدة فيها 92 وعليها ضرب نااار خدت 6 او 7 لتر 92 وحطتهم وانا مقفول جدا من شوية ال 80 اللى حطتهم .........سؤال بس ياجماعه ال4 لتر ال80 دول يأثروا فى العربية او يبوزوا حساسات ولا فلتر ولا حاجة حد يقولى اعمل ايه عشان انا متضايق جدا جدا ومش طايق نفسى ويوم بجد اتبهدلت فيه اوى العربية شارك 2009

[yoko]

عادي متخفش

[bassem_sams]

لأ اطمن على اخر 4 لتر و مرة واحده ليس لها تأثير ابدا انما انا اعرف ناس بقالهم شهور بيمولوا بنزين 80 علشان مش عايزين يدفعوا فلوس زياده بقولوا مع استمرار غلط على موتور و هيقلل عمرة قالى و لا هوا دى مش بتكركر ههههههههههههههههه فمتقلقش هو استمرار عليه يأذى انما مرة مش فارقه طيب انت ليه مفولتش 92 حطت 7 لتر ليه و لا عايز تحرق 80 قبل ما تفول و لا بنزينه رفضت علشان يكفى ناس

[mohammedabdallh]

ولا هيعملوا حاجه متخفشى

[ma7oo]

ربنا يطمنكم يارجاله والله.....باسم باشا الراجل بتاع البنزينة رفض بصراحة يدينى اكتر من كده :(

[abumoh2000]

عادى جدا

[lad]

ولا اى حاجة

[bassem_sams]

ربنا يطمنكم يارجاله والله.....باسم باشا الراجل بتاع البنزينة رفض بصراحة يدينى اكتر من كده :(

من اسبوعين حصلت معايا مش لأقيت بنزين ام ركنتها وقضتها ميكروباسات لحد ما ممولت و شىء غريب مش شايف جرايد بتكلم عن ازمه او يمكن بيتكلموا و انا مش عارف بس اللى دايما بسمعه فى راديو ان وزير بترول ينفى خبر ارتفاع اسعار بنزين فى وقت راهن فقولت يمكن يا باسم يكون ده سبب مش هيرفعوا سعر بنزين فينزلوا كميه معينه فى يوم و لما تخلص تقفل بنزينه ليوم تانى لحد ما يجى كميه تانيه الله اعلم انا مش عارف

[ayman_omer2007]

متخافش مش هياثر ان شاء الله مين في مصر محصلوش كده ولف على بنزيات البلد وفى الاخر حط 80 ، كويس انك لقيت 80 كمان عمار يامصر

[Land_Cruiser]

ممكن تتابع الموضوع ده علشان تعرف ايه الازمه دى و ايه البنزينات اللى فيها ٩٢ الان و الناس مشكورين بيعملوا رصد للبنزينات فى المناطق كلها و بيقولوا لقوا فيها بنزين امتى و فين

http://www.nilemotors.net/Nile/263895-a-5.html

[KHALED AYMAN]

طريق المنصوره المحله ..
فى محطه توتال على ايدك اليمين
بنسبه 95% عنده بنزين
المحله هنا مكنش فيها نقطه بنزين
طلعت فولت من هناك
وفى عندك محطه اويليبنا ..وانت جاى من طريق المحله داخل على كوبرى الجامعه ...هتلاقيها على ايدك اليمين بس بنزين مش نضيف

[egyptiandiver]

عادى

[mody1221]

الازمة فى اسكندرية على 80 بيوقفو طابور مابيخلصش مش عارف ازاى ال92 ناقص؟
المهم حضرتك ولا تقلق فلتر البنزين حيقوم بالواجب تقبل مرورى

[bassem_sams]

ممكن تتابع الموضوع ده علشان تعرف ايه الازمه دى و ايه البنزينات اللى فيها ٩٢ الان و الناس مشكورين بيعملوا رصد للبنزينات فى المناطق كلها و بيقولوا لقوا فيها بنزين امتى و فين

http://www.nilemotors.net/Nile/263895-a-5.html

شكرا لأهتمامك