الفرق بين البومة 2004 الى 2009

[dr_hady4447]

اية الفرق بين البوما من اول 2004 الى 2009 فى الشكل؟؟

يعنى افرق بينهم ازاى؟؟

[مصراوي جدا]

الفرق الخارجي الواضح هو ان من 2003 الى 2006 كان الاكصدام الأمامي مش بارز

ومن 2007 أصبح الاكصدام الأمامي بارز

أما عن كيفية التأكد تماما من سنة موديل اي عربية بومة او شارك فبيتم معرفتها من رقم الشاسيه الكامل المحفور على شاسيه العربية حيث ان سنة الموديل جزء من رقم الشاسيه

وللتوضيح اكتر فيه موضوعي القديم ده بيوضح تفاصيل رقم الشاسيه وفيه سنة الصنع

http://www.nilemotors.net/Nile/21266-1600-1500-a.html

JMYSTCS3A9U001234

علما بان 9 يعني 2009 و ِA يعني 2010 و B يعني 2011 و اكيد C هتكون 2012

[dr_hady4447]

شكرا جدا
مهندس / طارق

معلش سؤال كمان

لوعايز اكشف على عربية موديل قديم شوية مثا 2006 فى التوكيل

اية الخطواط اللى اعلمها ؟

[مصراوي جدا]

هو طبعا النصيحة اللي دايما انصحها لحد بيشتري عربية مستعملة انه يكشف عليها في التوكيل او مركز خدمة متخصص وليس في محطة بنزين عادية علشان يكون متأكد من كل حاجه في العربية

عندنا في شركة مصرية (التوكيل السابق لميتسوبيشي) الكشف على العربية بيتكلف 200 جنيه وبيشمل كل حاجه في العربية : سمكرة ودهان لمعرفة هل فيها حوادث سابقة او مرشوشة او خلافه وميكانيكا لتحديد حالة المحرك والتكييف والفتيس والعفشة واذا كان فيه اي قطع غيار مش اصلية راكبه في العربية واخيرا تحديد العربية محتاجة ايه يتغير (مثلا مساعد - قاعدة محرك ....)

المركز الرئيسي في قليوب طريق اسكندرية الزراعي ك 16
وفيه فرع جسر السويس عند سوق القنال الدولي وعمارات الفاروقية والبيانات والتليفونات في البانر الاعلاني في اعلى الصفحة

[salehgharib]

كمان الفرق فى فلتر التكييف فى موديلات مافيهاش فلتر تكييف والأخر فيه

[مصراوي جدا]

بالظبط

موديلات 2007 وما بعدها فيه فلتر تكييف

وفيه كمان اختلافات في شكل الشبكة احيانا

[dr_hady4447]

هو طبعا النصيحة اللي دايما انصحها لحد بيشتري عربية مستعملة انه يكشف عليها في التوكيل او مركز خدمة متخصص وليس في محطة بنزين عادية علشان يكون متأكد من كل حاجه في العربية

عندنا في شركة مصرية (التوكيل السابق لميتسوبيشي) الكشف على العربية بيتكلف 200 جنيه وبيشمل كل حاجه في العربية : سمكرة ودهان لمعرفة هل فيها حوادث سابقة او مرشوشة او خلافه وميكانيكا لتحديد حالة المحرك والتكييف والفتيس والعفشة واذا كان فيه اي قطع غيار مش اصلية راكبه في العربية واخيرا تحديد العربية محتاجة ايه يتغير (مثلا مساعد - قاعدة محرك ....)

المركز الرئيسي في قليوب طريق اسكندرية الزراعي ك 16
وفيه فرع جسر السويس عند سوق القنال الدولي وعمارات الفاروقية والبيانات والتليفونات في البانر الاعلاني في اعلى الصفحة

ربنا يبارك فيك ياهندسة

انا كمان مش ناوى اشترى اى عربية الا لما اكشف عليها فى التوكيل ان شاء الله

[VTC]

بالظبط

موديلات 2007 وما بعدها فيه فلتر تكييف

وفيه كمان اختلافات في شكل الشبكة احيانا

طيب معلش هوا الخليجي بينزل بفلتر تكيف والتوكيل لا ؟
لأن انا عندي موديل 2006 خليجي وفيها فلتر تكيف

[مصراوي جدا]

ممكن الفلتر بدأ في أواخر موديلات 2006 انما الفرق مش بين المصري والخليجي وانما موعد بدء انتاج العربية بالفلتر

[dr_hady4447]

طيب واية الفرق بين 2003 المكوة وال 2003 البومة ؟؟ الشكل بس وليه مودليين فى سنة واحدة؟

[مصراوي جدا]

شكل المكواة لم يكن ناجح من حيث الشكل (ناس كتير لم يعجبها) خاصة انه جاء بعد الكريستالة اللي اجمل منه ولذلك استمر 2001 و2002 وانتج منه في 2003 ثم في نفس العام تم الاعلان عن الشكل الجديد (البومة) ونزل اول انتاجها 2003 كذلك ثم استمرت بعد كده الى الآن

المكواة كانت كربراتير زي الكريستالة اما البومة انجكشن وده كان اول تعديل الى جانب الشكل الجديد المختلف وطبعا بدأت بمحرك 1300 (في مصر علشان الجمارك وقتها كانت معقولة حتى 1300 فقط) ثم في نهاية عام 2004 تعدلت قوانين الجمارك لتشمل الجمارك المعقولة موديلات 1600 كذلك فبدأت جميع الماركات في استيراد موديلات بمحركات 1600 ومنها البومة بالطبع

[dr_hady4447]

شكل المكواة لم يكن ناجح من حيث الشكل (ناس كتير لم يعجبها) خاصة انه جاء بعد الكريستالة اللي اجمل منه ولذلك استمر 2001 و2002 وانتج منه في 2003 ثم في نفس العام تم الاعلان عن الشكل الجديد (البومة) ونزل اول انتاجها 2003 كذلك ثم استمرت بعد كده الى الآن

المكواة كانت كربراتير زي الكريستالة اما البومة انجكشن وده كان اول تعديل الى جانب الشكل الجديد المختلف وطبعا بدأت بمحرك 1300 (في مصر علشان الجمارك وقتها كانت معقولة حتى 1300 فقط) ثم في نهاية عام 2004 تعدلت قوانين الجمارك لتشمل الجمارك المعقولة موديلات 1600 كذلك فبدأت جميع الماركات في استيراد موديلات بمحركات 1600 ومنها البومة بالطبع

جزاكم الله خيرا ياباش مهندس

طيب لية الفروق الكبيرة جدا جدا جدا فى اسعار اللانسر

يعنى فية لانسر 2004 ب 70 الف ولانسر 2007 ب 72 اللف
ولانسر 2007 ب 70 ولانسر 207 ب 80
ومكواه 2001 او 2 بـــــ 65 الف ولانسر 2003 ب 65 الف برضوة

انا اللانسر دى توهتنى

بس بحبها

[مصراوي جدا]

اسعار اللانسر المستعمل متفاونة لأن لها عوامل كتير :

- سنة الموديل

- حالة العربية وعاملة عداد قد ايه

- محرك 1300 ولا 1600

- مانوال ولا اوتوماتيك

- الكماليات : كلاسيك ولا هاف سبورت ولا سبورت كاملة

ولذلك ممكن مثلا 1600 موديل 2006 كاملة تكون اغلى من 1300 موديل 2009 كلاسيك...او ما الى ذلك

[dr_hady4447]

يعنى اية كلاسيك ؟