قواعد موتور الكريستاله

[ahmedomran]

حدعنده فكره عن اسعار قواعد موتور الكريستاله الاستيراد بكام ياجماعه اللي فوق واللي تحت ؟؟ مشكورين

[mohammedabdallh]

هاتهم جداد احسن وافضل

[M.Elgergawy]

المشكلة ان الجديد تايواني ومفيش ياباني غير في التوكيل
والتايواني بيعمل تنميلة + رعشة جامدة عند تبطيل المحرك
فا طبعا الافضل فعلا استيراد بس كاوتشه يكون سليم

[ahmedomran]

المشكلة ان الجديد تايواني ومفيش ياباني غير في التوكيل
والتايواني بيعمل تنميلة + رعشة جامدة عند تبطيل المحرك
فا طبعا الافضل فعلا استيراد بس كاوتشه يكون سليم

بالظبط يااستاذ محمد التوكيل سعره غالي جداااا فعلشان كده بدور علي الاستيراد

[abadawy]

المشكلة ان الجديد تايواني ومفيش ياباني غير في التوكيل
والتايواني بيعمل تنميلة + رعشة جامدة عند تبطيل المحرك
فا طبعا الافضل فعلا استيراد بس كاوتشه يكون سليم

استاذ محمد انا راى الشخصى عن تجربه الشهر الماض مع قواعد الموتور العالى والواطى بعد معاناه لمده اسبوعين عند الميكانيكى وقرفمن العربيه اللى شوفته فيها خلانى اكره العربيه فعلا العك اللى موجود فى قطع الغيار المضروبه اقوللك اطلع على التوكيل دون تردد وهات قطع غيار يابانى علشان تشترى نفسك.
الشهر الماض كنت بغسل الموتور واغير بوجيهات عند الميكانيكى قالى عندك القاعده العلويه مع الفتيس مقطوعه وشوفتها بنفسي صعب عليا اشترى قطعه غيار من المضروب المهم روحت التوكيل وسئلت عليها طلعت 600 جنيه للقاعده العلويه.
وللاسف روحت اشتريتها ب 100 جنيه من المضروب قالى تركى المهم روحت ركبتها فى ساعه
عند الميكانيكى وجيت ادور العربيه وكتنت المفاجاه
العربيه تحولت من لانسر الى لادا........ ازاى معرفش.
تخيل فرق قطعه الغيار من التركى الى اليابانى وايضا فرق الفلوس مش من فراغ
احاول اعدل العربيه وارجعها الى ما كانت عليه تخيل مجهود وخناقه عند الميكانيكى
وتغيير الميكانيكى ودخلنى فى تغير بليه العجل الامامى يمين وشمال
وتغير القاعده اسفليه والصوت زى ماهو صوت زنه فى جسم العربيه غريب وعالى
روحت للعفشجى حليت الاربع مساعدين وكشفت عليهم ورجعتهم مفيش مشاكل
روحت لبتاع الشكمان كان فى خرم قلل الصوت شويه ولم يضيعه
ميكانيكى تانى قالى المشكله فى القاعده الجديده ان هى قريبه من الماتور والخلوص قليل بين الفتيس والموتور وان صوت الموتور مسمع فى العربيه لقيت كلامه صحيح الى حد ما و كانت الافتكاسه الجديد اننا نخرط شويه من القاعده حوالى 3 او 4 م من القاعده حتى نبعد القاعده بين الفتيس والماتور وانا معه قلت اجرب او نغير القاعده باخرى خديد قبل العمليه الخرط
المهم علشان مطولش عليك خدت القاعده وروحت عند محل قطع غيار تانى وسئلت على قاعده تانى
اشوفها واقارنها بالقاعده القديمه وكانت المفاجاه.
القاعده اللى عندى اكبر من القاعده المفكوكه حوالى 4 مم بكام يا عم 130 جنيه االمهم اشتريتها وركبتها ضبطت العربيه والصوت راح ورجعت العربيه الى لانسر تانى بعد ما قعدت اسبوعين لادا

الخلاصه.
---------
قطع الغيار اللى فى السوق كلها مضروبه وصناعه تحت السلم
قطعت الغيار الاصليه فى التوكيل اغلى صحيح بس هتنساه وملهاش تاثير سلبى على العربيه
الموضوع ده انا صرفت فيه حوالى 700 جنيه علشان استغليت 600 هى التوكيل

ودى كانت ماساتى مع قاعده الموتور العلويه . للاستفاده

[mohammedabdallh]

انا مغير كل قواعد المتور ماعدا قاعده الجمل الى هى القاعده العلويه زى ما بيسموها
والحمد لله كله كويس وزى الفل وارخص من حضرتك قولته وكان تيوانى
المشكله لى قابلتنى انها مع بنزين 80 وانا ببطل بلاقى رعشه جامده
ولكن مع بنزين 92 الرعشه مش ملحوظه

[M.Elgergawy]

أنا مكنش عندي حاجة خالص ولا رعشة ولا بتاع
وانا بعمل صيانة الميكانيكي قاللي عندك قاعدة القنطرة الامامية
عايزة تتغير قولتلوا ماشي المهم جبت واحدة تايواني وركبتها والمفاجأة في تنميلة خفيفة جدا بس مكنتش عندي بس انا طلعت ناصح في حاجة اني اخدت الاصلي بتاعتي وهو قاللي عايزها ليه ( شكله كان هينصب عليا فيها ) وروحت شايل التايواني تاني وركبت بتاعتي والحمدلله التنميلة راحت وطبعا مروحتش تاني عنده
المفاجأة في حاجة
ان الاصلي عندي فعلا كاوتشها مدمر
والجديدة كاوتشها زيرو
التنيميلة دي بتيجي من ايه مش عارف

[mohammedabdallh]

أنا مكنش عندي حاجة خالص ولا رعشة ولا بتاع
وانا بعمل صيانة الميكانيكي قاللي عندك قاعدة القنطرة الامامية
عايزة تتغير قولتلوا ماشي المهم جبت واحدة تايواني وركبتها والمفاجأة في تنميلة خفيفة جدا بس مكنتش عندي بس انا طلعت ناصح في حاجة اني اخدت الاصلي بتاعتي وهو قاللي عايزها ليه ( شكله كان هينصب عليا فيها ) وروحت شايل التايواني تاني وركبت بتاعتي والحمدلله التنميلة راحت وطبعا مروحتش تاني عنده
المفاجأة في حاجة
ان الاصلي عندي فعلا كاوتشها مدمر
والجديدة كاوتشها زيرو
التنيميلة دي بتيجي من ايه مش عارف

اكيد العربيه فيها سكر علشان كدا النمل بيتلم عليها

[M.Elgergawy]

اكيد العربيه فيها سكر علشان كدا النمل بيتلم عليها
:_alshmokh15[1]::_alshmokh15[1]::_alshmokh15[1]:

دا انت اللي سكر يا عسل انت :)

[ahmedomran]

طب حد يعرف اسعار الاستيراد كام ياجماعه ؟؟ ماهو الاستيراد يعتبر اصلي برضو ولو سليم يبقي ايه المشكلة

[yoga]

الجلد مع الركنه بيشقق وعليه الجلد تشترى جديد وحتى ان ظهر قدامك انو سليم بيطق بعدها بفتره ................. مجرد راى

[shriefcolt]

السلام عليكم
انا كان عندي نفس المشكله في القواعد الجديده تقفيل ردئ
والاستيراد بيبقي هلكان وعمره مش طويل
لغايه ما نزلت الحرفيين عند عادل وجدي tps
وسالته عن القواعد كان عنده قواعد اسبور الطقم عامل 1300 جنيه انا غيرت قعدتين اسفل العربيه الي علي القنطره الوحده ب325 جنيه بس بصراحه فرقوا في الموتور في التدوير ولم تيجي تبطل مفيش رعشه نهائي وحسيت زي مايكون الموتور (اتلجم) ملهاش تعبير تاني وحتي سحب العربيه بقي احسن مفيش اي فاقد في الطاقه اشتريهم وانت مطمن

[destinationx]

السلام عليكم
انا كانت عندى نفس المشكلة يا شباب ، بعد ما غيرت القواعد التايوانى العربية كانت فعلا زى اللادا او اصعب شوية، رعشة غريبة...
المهم بعد ما روحت للميكانيكى مرتين آخر ما زهق منى عمل حاجة جامدة جدا و حلت المشكلة... حط شوية زيت على القواعد الاربعة و قالى تجيلى كل كام يوم و نديهم شوية زيت كمان هاتظبط معاك...
بصراحة فرقت كتييير جدا فى الرعشة اللى كانت هاتجننى

[port_smoker]

بلاش مستعمل نهائى فى القواعد ولا العفشة

القاعدة الجمل وهى العلوية ثمنها 175 ج بس قبل ما تغير اكشف كويس جدا عشان ممكن تكون سليمة والاصل احسن من اى جديد ممكن جدا ال يكون متقطع هى قواعد الفتيس وهما 2 قاعدة ركبين على القنطرة
والثمن تقريبا 75 ج

[destinationx]

يا شباب المشكلة ممكن تكون ان القواعد اللى تحت متركبين بالمقلوب
انا روحت للميكانيكى النهارده و فكهم و قاللى انهم ليهم وضع معين بيبقى فيها فتحة فى الحديد بتبقى للأمام..