لمبة الايرباج

[Ibrahim Nabil]

السلام عليكم
لانسر 2007 1600 ولمبة الايرباج احيانا تنور وترجع تطفى تانى ايه السبب والحل
وجزاكم الله خيرا

[bido600]

دي يا فندم ساعات بتبقي حزام الاير باج حسب ما قالولي في التوكيل بيغيرو وبيتكلف 800 جنية
حضرتك تكشف عليها كمبيوتر الاول بقت تمام يبقي كدا كويس فضلت بتبقي الاير باج نفسة
وممكن حضرتك لو مش عاوز الاير باج (لو طلعت منه ) عند اي حد بتاع كشف كمبيوتر بيفصلها
دا اللي انا عملتة
والاعضاء هنا بردة هيقدرو يفيدو حضرتك اكتر مني

[M.Al-Hefnawy]

لو الحزام مقطوع بعض الاعضاء قالو على كهربائية كويسين بيقدرو يلحموه وبيبقى تمام بس لازم يفصل حساس الايرباج وهو شغال او تفصل البطارية للأمان أكتر وبتكلف في حدود 40 - 50 جنيه

[m_elkhwalka]

انا عندي نفس المشكله وبالكشف على الكمبيوتر اتضح انه بسبب عطل فى وحده الكونترول بتاعت srs ومكانها فى كونسول الفتيس بس تمنها غالي جدا ..... وعليه اكتفيت بفصل الانذار وخلاص ...
المشكله انه ساعات لما يكون العيب من السوسته بتاعت الايرباج .. ممكن تفصل نعاها البوق ودي بقه المشكله الرئيسيه ولازم معاها تغير الشريط علشان يشتغل تاني

[flight]

شريط الايرباج الموجود في الدركسيون في الموديل ده معروف انه من العيوب الشائعه جدا انه بييبوظ بعد حوالي ال 80 الف الاولي و اللمبه بالتالي بتنور علي الدوام ولا تطفئ وساعات تطفئ مع حركة الدركسيون ثم تنير مرة ثانيه و تغيير الشريط اما استيراد معرفش بكام او جديد بحوالي 1300 جنيه في التوكيل و غير موجود حاليا و ساعات بيتلحم في الحرفيين و يكلف حوالي 50 جنيه وكثير لما يجوا يببيعوا العربيه بيلغوا اللمبه اصلا علشان ميبنش ان الشريط بايظ وارجو ان يكون المشكله عندك في اللمبه فقط تحياتي

[Ibrahim Nabil]

شريط الايرباج الموجود في الدركسيون في الموديل ده معروف انه من العيوب الشائعه جدا انه بييبوظ بعد حوالي ال 80 الف الاولي و اللمبه بالتالي بتنور علي الدوام ولا تطفئ وساعات تطفئ مع حركة الدركسيون ثم تنير مرة ثانيه و تغيير الشريط اما استيراد معرفش بكام او جديد بحوالي 1300 جنيه في التوكيل و غير موجود حاليا و ساعات بيتلحم في الحرفيين و يكلف حوالي 50 جنيه وكثير لما يجوا يببيعوا العربيه بيلغوا اللمبه اصلا علشان ميبنش ان الشريط بايظ وارجو ان يكون المشكله عندك في اللمبه فقط تحياتي

اشكرك ياباشا ولكن انا لاحظت ان اللمبة مش بتنور علطول لكن احيانا بتطفى وكمان مش مع حركة الدركسيون انا اتأكدت من الموضوع ده بملاحظتى ليها مع حلركة الدركسيون اتضح ليا ان مفيش علاقة بينهم وانا شاكك والله اعلم ان العيب مش من الشريط بس خايف اروح لحد ويقعد يلعب فيها ويفتى

[khaledmekawy2008]

الموضوع ده حصلي اول ما جبت العربية البوما في 2008 وكانت زيرو انصحك بلاش تعملها بره التوكيل
الموضوع انه بيحطها علي جهاز فالتوكيل وبيظبطها عشان تنور وتطفي معاك ويكون شغال تمام الموضوع مش ينفع تستهون بيه وهيكلفك حوالي 800 جنيه بس انا يوم ما عملتها كانت مشكلة بسيطة او حاجة معلقة واتعملت ودفعت 150 جنيه

[dr_darsh]

كانت فى عربية واحد صاحبى ورحنا بيها توكيل الرواس العجوزة وقالوا دايره الإيرباج اللى فى الدريكسيون وبتتكلف 800 ج وممكن تجيبها استيراد ب 400 ج وهما بيركبوها وديها التوكيل الأول ممكن تكون حاجه بسيطه ان شاء الله

[darkangel007]

غيرتها مرة ف التوكيل و رجعت تنور و تطفى تانى بعديها بفترة موضوع مقرف فعلا :@