مشكله غريبه بخصوص درجه حراره السياره

[FunnyMickey]

سلام عليكم يارجاله
يارب تكونوا كلكو بخير

عندي مشكله ملاحظها بقالي 4 ايام
وخصوصا اني اليومين دول بستخدم العربيه كتير

درجه حراره العربيه المعتاده عندي ان المؤشر يبقي في النص
او بعد النص بشرطه

بقالي 4 ايام اول ما ادخل في زحمه
الاقي مؤشر الحراره ارتفع
وممكن يوصل لفوق

الغريب اني اول ما ادوس بنزين جامد وانا واقف
المؤشر ينزل
ويوصل للنص
ويرفع تاني وهكذا الي ان اخرج من الزحمه
طول مانا ماشي في طريق عادي
مبيرفعش

انا لسه عامل دوره غسيل ريداتير وحاطط ميه موبيل
ومفيش تسريب

اذكر ساعتها بعد ما عملنا دوره الغسيل
العربيه اخدت وقت طويل اوي اوي علي ما المروحه اشتغلت
مش عارف ايه السبب

ملحوظه
من سنه غيرت صباع الترموستات بتاع المروحه واما لفيت عليه ملقيتش غير بتاع الهيونداي
يركب عندي
ملقيتش الاصلي
واما سألت عليه استيراد في الحرفيين لقيته ب120 جنيه عند ابو الهنا واستغليته اوي ومشتريتوش
هل ممكن يكون ده السبب ؟

[ahmed_mido1889]

مش ممكن تكون طرمبه الميه ضعيفه؟

[ahmed_h_g]

أعراض تلف طلمبة المياه

[mohammedabdallh]

اتاكد ان المروحه بتشتغل الاول ممكن تكون فصلت
وبعد كدا شيك على طرمبة الميه

[FunnyMickey]

انا لسه مغير الطرمبه السنه اللي فاتت
والمروحه بتشتغل بس متأخر

[mohammedabdallh]

انا لسه مغير الطرمبه السنه اللي فاتت
والمروحه بتشتغل بس متأخر

طب ما هو كدا عيب ترومثتات الحراره
كدا ما بيحسش بالحراره الا متاخر
فده الى بيخلى العربيه تسخن وشويه ويشتغل غيره كدا وشوف النتيجه

[mody1221]

الثرموستات ياباشا لانك لما تزود بنزين الحرارة بتزيد فبيفتح المروحة والمؤشر بينزل ودة مش طبيعى كدة عايز يتغير لان الطبيعى انة يفتح المروحة على درجة معينة ماتستناش علية وقبل ماتغيرة برضة عشان تطمن خلية يكشفللك ع طرمبة الماية
ونصيحة من اخوك بلاش تسترخص والغالى تمنة فية حيريحك بدل اللف ع الصنايعية لو جبت الرخيص يارب اكون افادتك

[FunnyMickey]

انا كل ما فيه اني عاوز اتأكد
اذا كان ترموستات المروحه ولا طرمبه الميه
مش عارف العيب من مين فيهم

[mohammedabdallh]

انا كل ما فيه اني عاوز اتأكد
اذا كان ترموستات المروحه ولا طرمبه الميه
مش عارف العيب من مين فيهم

غير الاتنين يا صبحى باشا
وخلص نفسك

[FunnyMickey]

هههههههههههه
حتنضرب في اول مقابله
:)

هات فلوس طيب

[M.Elgergawy]

عيب عليك لما تكون كريستالاوي قديم وتسأل الأسئلة دي :)
اولا عداد الحرارة بيكون اقل من النص بحاجة بسيطة المفروض دا الطبيعي انت كدا عندك مش طبيعي عشان انت بتقول ازيد من النص
ثانيا اعراض تلف طرمبة المياه هيا ان لما العربية بتبطل الموتور بتلاقي مياه بتنزل من عند فلتر الزيت لو دا بيحصل عندك يبقى طرمبة المياه ( ودا انا بستبعده تماما من الاعراض بتاعتك دي )
غالبا انت عندك مشكلة في الترموستات ودا بيوضح اللي انت قولته ان لما عملت دورة غسيل للعربية اخدت وقت على ما المروحة اشتغلت يبقى الترموستات عندك عالية بتقره درجة الحرارة العالية
الخلاصة انت محتاج تغير الترموستات ومتسمعش كلام محمد عبدالله :)

[FunnyMickey]

ياعم هيا دي فيها قديم وجديد
انا اول مره تعدي عليا دي :)
غالبا اول نزله للحرفيين حجيب ترموستات وخلاص
بس يارب تقف عليها ومتطلعليش طرمبه

محمد عبد الله جري اول ما قلتله هات فلوس :)

[mohammedabdallh]

هههههههههههه
حتنضرب في اول مقابله
:)

هات فلوس طيب

هيبقى ضرب وفلوس

[mohammedabdallh]

عيب عليك لما تكون كريستالاوي قديم وتسأل الأسئلة دي :)
اولا عداد الحرارة بيكون اقل من النص بحاجة بسيطة المفروض دا الطبيعي انت كدا عندك مش طبيعي عشان انت بتقول ازيد من النص
ثانيا اعراض تلف طرمبة المياه هيا ان لما العربية بتبطل الموتور بتلاقي مياه بتنزل من عند فلتر الزيت لو دا بيحصل عندك يبقى طرمبة المياه ( ودا انا بستبعده تماما من الاعراض بتاعتك دي )
غالبا انت عندك مشكلة في الترموستات ودا بيوضح اللي انت قولته ان لما عملت دورة غسيل للعربية اخدت وقت على ما المروحة اشتغلت يبقى الترموستات عندك عالية بتقره درجة الحرارة العالية
الخلاصة انت محتاج تغير الترموستات ومتسمعش كلام محمد عبدالله :)

م انا عمال اقوله الترومستات وهو ولا هو هنا
اعمله ايه يعنى فى مثل بيقولك الى يتعبك ريحه
علشان دا قولتله غير الاتنين