استفسار عاجل بخصوص استهلاك البنزين

[sherif309]

السلام عليكم ورحمه الله وبركاته.

اولا انا عربيتى لانسر بومه 2003 اوتوماتيك 1300ccعامله حوالى 130 الف كيلو
لاحظت كدة ارتفاع استهلاك البنزين من كام يوم ولما قست الاستهلاك لقيتها بتعمل 140 كيلو فى الصفيحه على السريع مع العلم بانى كنت ماشى 90-100 ومحرقتش خالص وكنت قافل كل ازاز العربيه ومكنتش مشغل التكييف.

يا ريت اهل الخبرة يفيدونى اعمل ايه واكشف على ايه وايه الاحتملات الممكنه عشان ملفش ويا ريت كمان توصفولى اصلحها عند مين.

معلومه انا عندى موبينه بتاعت بوجيه مكسورة بس انا لاففها بشيكرتون وهيا شغاله مش بتخلى العربيه تتلت ولما جيت اغيرها الصنايعى الى كان هيبعهالى قالى حرام تكلف نفسك 200 جنيه هيا العربيه مفيش فيها رعشه ولا اى حاجه فخليها لما العربيه تتلخبط وتحس انها بتخسع او بتلت ابئه اشتريها

هل فيه تاثير للموبينه دى وهل التاثير يكون اوى كدة يعنى المفروض ان السريع دة من 260 : 280 كيلو اما 140 دى صعبه اوى

يا ريت حد يفدنى لان كل استخدامى للسيارة داخلى يعنى مبتكلملش ال100 كيلو

شكرا وارجو سرعه الرد

[mohammedabdallh]

الكلام ده اليومين دول ولا بقالها فتره
لو اليومين دول جرب من بنزينه تانيه موثوق فيها لحسن الغش الى شغال اليومين دول فى البنزين
وربنا معاك

[aboharb]

انصحك تروح مركذ متخصص زى الصفا وان شاء الله تكون حاجه بسيطه بتكلفه قليله

[sherif309]

باشا شكرا لاهتمامك الكلام دة لسه انهارد وانا لسه ممون من بنزينه موبيل بتاعت صلاح سالم وانا نزلت وقفت جمب الراجل لحد اما العربيه اتفولت لحد الزور ادامى ولما رجعت افول تانى من البنزينه بتاعت العاشر من رمضان كانت شيل وبردو وقفت على ايد الراجل لحد اما فول لحد الزور من صلاح سالم لحد العاشر عملت 47 كيلو خت 6.5 لتر يعنى الاستهلاك تقريبا 144 كيلو فى الصفيحه

[sherif309]

هوا فين مركز الصفا دة مع العلم بانى ساكن فى العاشر من رمضان

[mody1221]

متابع بأهتمام عربيتى 1600 اوتوماتيك

[M.Al-Hefnawy]

طيب ايه اخبار فلتر البنزين عندك والرشاشات ؟ ممكن تنضفهم وتشوف.