مشكلة خطيرة في عربية لانسر 2010

[eng/ahmed_go]

انا معايا لانسر 2010 ماشية 7 الاف كيلو بس
حصل النهردة موقف وجعلي دماغي لغاية دلوقتي ، انا كنت بجرش العربية وبجيب من d الى n وبعديها طبعا r بس الغريب اني لما جبت من n الا r الفتيس زي ميكون وقف في النص او موصلش لل r وفي نفس الوقت ولا هوا في n ولما بصيت في العدادات لقيت ولا n ولا r منورين يعني مفيش حاجة منورة وطبعا في احتمالين لا يكون ان منقلتش الفتيس كويس او يكون الفتيس هوا اللي علق وبصراحة مش عارف
المهم بعديها تقريبا رحت مرجع الفتيس لل n تاني وروحت جايب r تاني (او روحت مكمل الفتيس على r على طول من غير مرجع -مش فاكر اللي حصل بالضبط) في اللحظة دي سمعت زي صوت انفجار صغير او خبطة جامدة شوية تككككك
دلوقتي انا مش عارف المشكلة حصلت من ايه ؟؟؟
هل ممكن يكون في سن في الترس اتكسر وطبعا دي مشكلة رهيبة معناها ان الفتيس باظ كله ؟؟ ولا عادي
بصراحة انا من ساعتها قاعد قرفان من اللي حصل وقلت اكيد اخواني في المنتدي هيفيدوني ان شاء الله
وشكرا مقدما لكم جميعا

[eng/ahmed_go]

الصوت بيكون جاي من تحت (زي ميكون صوت خبطة من تحت)

[bmya]

العربيه 1600 ولا 1300
الصوت ده بيحصل حاليا يعني كل ما تنقل لل r ولا هو حصل مره وخلاص كده
و سؤال كمانهو انت كنت بننقل من ال d لل r او العكس و العربيه كانت بتبقى واقفه تماما ولا كانت بتتحرك
والفتيس دلوقتي عامل ايه معاك يعني جربته بعد الحوار ده كان كويس معاك ولا حاسس بخلل معين باختلاف

[eng/ahmed_go]

العربيه 1600 ولا 1300
الصوت ده بيحصل حاليا يعني كل ما تنقل لل r ولا هو حصل مره وخلاص كده
و سؤال كمانهو انت كنت بننقل من ال d لل r او العكس و العربيه كانت بتبقى واقفه تماما ولا كانت بتتحرك
الكلام ده حصل مرة واحدة بس والعربية -اللي انا فكره -انها كانت واقفة كويس ساعتها (العربية 1600)
والفتيس دلوقتي عامل ايه معاك يعني جربته بعد الحوار ده كان كويس معاك ولا حاسس بخلل معين باختلاف

انا جربتو النهردة في مشوار 30 كم تقريبا محستش بأي تغيير

[bmya]

1600 يعني الفتيس cvt بس العربيه ماشيه 7000 بس يعني لسه بدري انه مكن يكون حصله حاجه
عموما ياباشا طالما الحوارده مش مأثر في حاجه الحمد لله ومحصلش تاني يبقى خير ان شاء الله

[nice_bird]

1600 يعني الفتيس cvt بس العربيه ماشيه 7000 بس يعني لسه بدري انه مكن يكون حصله حاجه
عموما ياباشا طالما الحوارده مش مأثر في حاجه الحمد لله ومحصلش تاني يبقى خير ان شاء الله

متهيالي ال 2010 فتيس مختلف (تيب ترونيك زي رقم 3 في الصورة) مش CVT

[bmya]

ايوه صح من اول 2010 الفتيس استيب ترونيك مخدتش بالي شكر ياباشا للتوضيح

[mody1221]

لو دى اول مرة يحصل كدة معاك مايهمكش مفيش حاجة عادى جدااااا
اما لو حصل معاك الموضوع قبل كدة (ماعتقدش دة لان عربيتك ماشية 7000 و 2010)روح اكشف ع الفتيس ف التوكيل وان شاء الله مفيش حاجة
كل الحكاية بس ساعات الواحد بيبى متعصب وهو سايق ومابيحسش بأستخدامة للعربية ممكن يكون اعنف من الطبيعى عشان كدة علق وان شاء الله خير

[MARTINDALE]

طالما العربيه بحمد الله سليمه والامور مضبوطه واللي حصل ما اتكررش ماتوجعش دماغك واستمتع بعربيتك وماتفكرش كتير

ربنا يسعدك بيها ويريح بالك .

[eldell]

باشا حضرتك هتلقى العربيه مكنتش فى وضع وقوف خالص يعنى كانت بتمشى لقدام بسرعه قليله اوى وتيجى تجيب r فالتروس بتلف عكس فسمعت حضرتك الصوت ده تكتكه وياااااريت حضرتك متتكررش معاك تانى وتاخد بالك بس متقلقش هى مش مره واحد بيحصل حاجه

[eng/ahmed_go]

شكرا لحضراتكم جميعا ، بس الصوت مكنش صوت تكتكة دا كان صوت خبطة جامدة من تحت

[eldell]

شكرا لحضراتكم جميعا ، بس الصوت مكنش صوت تكتكة دا كان صوت خبطة جامدة من تحت

حضرتك جبت الr والعربيه بتمشى لقدام علشان كده سمعت الصوت ده انا حصلت معايا من فتره بس بعدها بقيت باخد بالى

[ahmed_bq]

ولا تشغل بالك خالص ... مش هيا الحمدلله ظبطت .... لو حصل حاجه لا قدر الله عليك وع التوكيل روح نط في كرشهم واقلعلهم ملط هناك لحد متطلع مرضي

[hany63]

حضرتك كنت يادوب لامس الفرامل وقبل العربيه ماتقف تماما قمت محرك الفتيس فحصل تحميل جامد على التروس
حصلت معايا و العربيه زيرو و اتعكننت ييجي يومين ومن ساعتها خليت بالي و العربيه حاليا عامله 85000 كم (كورولا 2006 اوتو)

[eng/ahmed_go]

حضرتك كنت يادوب لامس الفرامل وقبل العربيه ماتقف تماما قمت محرك الفتيس فحصل تحميل جامد على التروس
حصلت معايا و العربيه زيرو و اتعكننت ييجي يومين ومن ساعتها خليت بالي و العربيه حاليا عامله 85000 كم (كورولا 2006 اوتو)

شكرا يا باشا حضرتك فعلا طمنتني لاني كنت خايف جدا عشان الصوت كان جامد