برجاء المساعدة الفعالة

[Sleepy]

هل في مركز صيانة لللانسر في الهرم أو أكتوبر أو مكان تابع لصيانة التوكيل أو مكان مضمون يمكن أن يتم الصيانة الدورية لللانسر بشرط أن يكون له خبرة في اللانسر و مضمون؟ بسبب أن جميع الأماكن الموضحة بعيدة جداً و بتضع وقت كبير. وشكراً

[مصراوي جدا]

استاذ عماد اهلا بيك

عربية حضرتك 1600 اوتوماتيك هاف سبورت خليجي ، لو كان المعرض اللي اشتريت منه حدد لك مركز خدمة معين يجب عمل الصيانة الدورية عنده ويكون تبعه الضمان كمان يبقى الافضل الالتزام بمركز الخدمة ده للضمان (غالبا بيكون ضمان سنة)

اما لو العربية بدون ضمان يبقى حضرتك هتشوف اي مركز خدمة كويس جنبك لعمل الصيانات الأولى وهي

- صيانة الألف الأولي (بيتم فيها تغيير زيت وفلتر) ويفضل يكون زيت موبيل وان او مثيله من الشل علشان يقعد 10 آلاف كيلو لموعد الصيانة التانية

- صيانة الـ 10 آلاف وفيها بيتم تغيير زيت وفلتر برضه ومراجعة عامة على العربية والسيور والفلاتر والتيل

- صيانة الـ 20 ألف و صيانة الـ 30 ألف (مثل صيانة الـ 10 آلاف)

نيجي بأه للصيانة التقيلة الأولى وهي صيانة الـ 40 ألف ودي أفضل ان حضرتك تشرفنا في مركز خدمة التوكيل (أو مركز خدمة معتمد او انت بتثق فيه) لأن شغل صيانة الأربعين كتير شوية : غيار زيت وفلتر - زيت فتيس - فلتر بنزين - سير باور وتكييف - بوجيهات

بعدها صيانة الـ 50 ثم 60 ثم 70 ألف ودول مثل 10 و 20 و30 ألف (صيانة خفيفة)

ثم تأتي صيانة 80 ألف ودي صيانة تقيلة وبيتم فيها تغيير (سير الكاتينة والشداد والبلية )بالاضافة للي بيتم في صيانة الـ 40 ألف ودي برضه انصح انها تتعمل في التوكيل

أرجو ان كده يكون الموضوع واضح

[Sleepy]

شكرأ يا أستاذ طارق حقيقي كلامك فعلا مفيد و سهل و واضح وفعال.و أسلوبك من السهل الممتنع سهل التذكر
شكرا لمساعدتك و كرمك في المعلومة و عدم بخلك في الرد وإن كان السؤال أكيد كرر عليك مرات كثيرة
شكرا