دريكسون لانسر بوما

[saasaa301]

لو سمحت يا جماعه انا معايا لانسر بوما 2008
فى حاجه كده بتحضل فى الديكسون وكنت عايز اهل الخبره او اى حد عارف الموضوع ده جى منين يريت يقولى
انا لما باجى الف الدريكسون كده وبيبقا فى حفر فى الارض او نقر او عيون القطط او كده
بلقى فى خبطه فى الديكسون كده بسمعها كأن حديد بيخبط فى بعض نقره كده فى الدريكسون
فممكن لو سمحت حد يقولى ايه ده وايه الحل
وشكرااااااااا جدااااااااااا لكم

[pounto2001]

بيحصل معايا فى المطبات وسالت قالولى دة عادى فى كل الانسر وبتروح التوكيل بيركبوا حاجة كدة علشان تمنع الصوت دة لكن مبياثر فى حاجة

[أبو إياد]

دى فبره موجوده على زور الاكس بتتغير عند الميكانيكى

[M.Al-Hefnawy]

دى فبره موجوده على زور الاكس بتتغير عند الميكانيكى

الفبرة دي بتتباع في محلات قطع الغيار ولا بتتعمل في مخرطة. لو أمكن صورة لمكانها بالظبط.

[ahmed_bq]

متابع

[sherif309]

شوف يا سيدى الموضوع دة لو بيحصل معاك كمان فى العدل يعنى الدركسيون بتحس فيه بنقرة كدة او نقرشه وتحس انه بيخبط معاك على الارض الخشنه او عين القطه دى بتبئه بارات الدركسون نعمت وعايزة تتغير وهيا ب 300 جنيه داخلى وخارجى انا غيرتهم عندى لاسر 2005 والحياة رجعت تانى ناعمه كانك ماشى على اسفنج وكمان خلى الراجل الى هيغيرهم يبص على صوابع الميزان دول الواحد ب 50 جنيه وبردو ليهم تاثير كبير على نقرشه الدركسيون

والله اعلم

[ZALABANY]

فعلا الموضوع ده غالبا بيبقى بارات أو تياش بارات هي اللي بتسبب القصه دي لو رحت لميكانيكي محترم هايكتشفها