مطلوب تقييم لانسر بومة 2012

[DrOsama]

السلام عليكم

اعضاء نايل موتورز
مافيش حد جرب لانسر بومة 2012 الجديدة ؟
انا شوفتها في معرض الطارق في مول العرب ولقيتها ستيبترونيك ودي نقطة عجبتني

ياريت لو حد اشتراها او جربها يقولي رأيه فيها وهل هي احسن ولا شارك ولا كورولا 2012 ؟

شكراً جزيلا

[nourannawar90]

مقارنة بالكيا ريو 2012

يا جماعة ممكن الناس اصحاب الخبرة تقول رأيها ولو هنقرنها بالكيا ريو 2012 الهاتش باك مين احسن لان السعر قريب جدا من بعض

[M.Al-Hefnawy]

المقارنة بالكيا في غير محلها لاختلاف فئة العربيتين.

أما بالنسبة للكرولا فالكرولا افضل.

الاستبترونك في اللانسر تقريبا نازل من 2010 وكويس جدا ما فيهوش اي مشاكل. حتى اللي جربوة قالو ان عزمو اقوى من cvt.

[Unendlich]

المقارنة بالكيا في غير محلها لاختلاف فئة العربيتين.

أما بالنسبة للكرولا فالكرولا افضل.

الاستبترونك في اللانسر تقريبا نازل من 2010 وكويس جدا ما فيهوش اي مشاكل. حتى اللي جربوة قالو ان عزمو اقوى من cvt.

أنا متفق مع كون الكورولا افضل
لكن موضوع إن الستيبترنيك افضل دي لأ لأن ال CVT معمول عشان يدي efficiency أحسن شوية من الاوتو التقليدي و بعدين ده ال CVT كوده INVECS III والستبترونيك INVECS II , يعني ال CVT يعتبر احدث انما الستيبرونيك ده ما هو الا فتيس ال 1300 متضافله خاصية ال + وال -

[eldell]

أنا متفق مع كون الكورولا افضل
لكن موضوع إن الستيبترنيك افضل دي لأ لأن ال cvt معمول عشان يدي efficiency أحسن شوية من الاوتو التقليدي و بعدين ده ال cvt كوده invecs iii والستبترونيك invecs ii , يعني ال cvt يعتبر احدث انما الستيبرونيك ده ما هو الا فتيس ال 1300 متضافله خاصية ال + وال -

كلام حضرتك كله سليم بس حكايه انه 1300 مشوفتش بومه استيبترونيك 1300 المفروض ان كله نازل 1600

[bmya]

كلام حضرتك كله سليم بس حكايه انه 1300 مشوفتش بومه استيبترونيك 1300 المفروض ان كله نازل 1600

ياباشا هو قصده ان لفتيس الاستيب ترونيك ما هو الا فتيس اتوماتيك عادي (زي اللي في ال 1300مش cvt يعني ) بس شايلين منه L,2,3 وحاطين مكانهم +و-
مش قصده ان في بومه 1300 استيبترونيك
وال cvt فعلا تكنولوجيا احدث من استيب ترونيك

[midobond]

طيب هو الاستيبترونيك ده نازل فى الشارك الجديدة ولا ف البومة بس؟؟؟

[devilishtigers]

في البومة بس

[midobond]

دايموند موتورز تطلق لانسر EX 2012 بمحرك وخواص جديدة
بص حضرتك الموضوع ده بيقول ان الفتيس الجديد cvt يعنى استيبترونيك