صوت تكتكه في الفرمله

[ahmed_bq]

رجاله

انا عندي صوت تكتكه كده خفيف بيظهر لما بفرمل فرمله خفيفه لكن على الفرمله الجامده وانا مااشي سريع مفيش حاجه

الصوت ده بحس انه من الفرده الشمال اللي ناحيتي .... ده ممكن يكون ايه ... طنابير!!!
مع العلم ان الفرامل الحمدلله لوز اللوز

[devilishtigers]

مش عارف بصراحة
انا اعرف انها تبقى مشكلة طنابير لو في رعشة في الدريكسيون تبقى ساعتها عايزة تتخرط

[ahmed_bq]

مش عارف بصراحة
انا اعرف انها تبقى مشكلة طنابير لو في رعشة في الدريكسيون تبقى ساعتها عايزة تتخرط

منا عارف كده بردو :) بس مفيش رعشه الصراحه ... دي ايه بقى ؟

[shaker_alz]

وانا كمان برضو نفس الموضوع
ورحت للعفشجى وغيرت تيل الفرامل ونفس الموضوع وقالى ان الطنابير كويسة
الموضوع دة كالى دماغى ومش عارف اعمل اية

[M.Al-Hefnawy]

طالما الطنابير والتيل كويسين اكشف على المقصات ممكن تكون البيضة اللي راكبة في الطنبورة مبوشة ودي بتتغير وتمنها 100 جنيه.

[ahmed_bq]

مش عارف حاسس انها بتروح وتيجي مش دايما ... انا بدأ الموضوع ده ياكل دماغي ومش عايز اروح لعفشجي الا لما ابقى عندي فكره من الخبرا هنا بدل ماروح ويقعد يفتيلي وفي الاخر مفيش حاجه تتصلح

مستنين اراء الناس الخبراء في البومه

[Ibrahim Nabil]

دى مشكلة لقم كدة زى الصاجات بتبقى ماسكة فى التيل من الطرفين ودى اكيد مش محكومة كويس

[M.Al-Hefnawy]

ممكن فعلاً تكون السوست بتاعة التيل لو واحدة مش موجودة او مش راكبة كويس.