تصفير عداد لانسر بومه

[halika76]

ياجماعة إزاى أعرف إن عداد لانسر بومه متصفر قبل كده أو ملعوب فيه ... هل هناك طريقة لمعرفة العربية ماشيه كام كيلو حتى لو تم اللعب بالعداد ... ياريت حد يفيدنى ؟

[أبو إياد]

لا مش هاتقدر تعرف غير من حاله العربيه

[مصراوي جدا]

فعلا زي ابو اياد ما قال مفيش جهاز او حاجة تعرف منها ان عداد العربية ملعوب فيه و ان القراءة الصحيحة كذا ... الا ان خبراء شراء العربيات المستعملة لما بيعاينوا العربية بيكون ليهم نظرة فيها

اذكر مثلا انهم بيبصوا على طارة الدركسيون وهل هي ملساء من كتر الاستعمال ولا خشنة وان الخشنة تعني ان الكيلو متر قليل (طيب ما انت لو ركبت غطاء للطارة يبقى حافظت عليها)

بيبصوا كمان على عتب العربية من ناحية السائق تحت الباب... وحاجات تانية كتير وكل واحد منهم بيكون له فلسفته الخاصة في الموضوع ده انما انا رأيي الشخصي ممكن واحد عربيته عاملة 100 ألف ومحافظ عليها ومش باين عليها وممكن واحد عربيته عاملة 40 ألف ومبهدلها وشكلها عاملة 150 ألف

[halika76]

متشكر جداااا يا جماعة على الرد

[mi22do]

الطريقه الوحيدة اللي تخلي الواحد يعرف الكيلومتر بتاع اي عربيه حديثه
انه يروح التوكيل بتاع العربيه و يعرف كل التفاصيل , مثلا عمل صيانه ال100 الاف كيلو في يناير 2011 و عمل صيانه 110 الف كم في مايو 2011 و هكذا
علشان كدة دايما الواحد يشتري عربيه بيتي و مش متهانه و يكون لها ملف في التوكيل