العربية بتاكل بنزين

[mody1221]

بومة 2007 1600 cvt
بروح بيها مشوار 17 كيلو بحس ان الابرة نزلت كتير هل دة طبيعى ف اللانسر ولا انا عندى عيب ؟
فى ناس قالتلى ان الاوتوماتيك 1600 بتاكل بنزين الكلام دة صح ؟

[ahmed_h_g]

فعلا" بتستهلك شويه بس مش لدرجة ان الأبره تنزل بعد 17 كيلو !!!

[mody1221]

فعلا" بتستهلك شويه بس مش لدرجة ان الأبره تنزل بعد 17 كيلو !!!

استاذ احمد متشكر لردك بس دة بيحصل معايا والله بلاقى الابرة نزلت كتير ف مشوار صغير 17 كيلو !!
طيب اعمل اية لانى بصراحة كدة موضوع البنزين دة خرب بيتى ؟؟؟

[M.Al-Hefnawy]

باشا العربية عاملة كام كيلو؟ وايه اخبار الفلاتر البنزين والهوا والبوجيهات؟

[مصراوي جدا]

ممكن يكون عداد البنزين هو اللي مش مظبوط نتيجة ان عوامة البنزين محتاجة تتغير او تتصلح

انت الأول شوف العربية بتعمل كام على طريق سفر يفضل تحسب على مسافة لا تقل عن 40 كيلو وتمشي على سرعة 90 بدون تكييف لو المعدل كويس يبقى اما ان الاستهلاك جوه المدينة هو اللي كله انتظار في اماكن زحمة محور وكباري وخلافه او ان المشكلة في العوامة والعداد

[lanos2004]

ركب بوجيهات دينسو يابانى والله فرقت معايا جدا فى البنزين بس الاهم شوف كود البوجيه ومقاس ثغرة البوجيه

[mody1221]

ممكن يكون عداد البنزين هو اللي مش مظبوط نتيجة ان عوامة البنزين محتاجة تتغير او تتصلح

انت الأول شوف العربية بتعمل كام على طريق سفر يفضل تحسب على مسافة لا تقل عن 40 كيلو وتمشي على سرعة 90 بدون تكييف لو المعدل كويس يبقى اما ان الاستهلاك جوه المدينة هو اللي كله انتظار في اماكن زحمة محور وكباري وخلافه او ان المشكلة في العوامة والعداد

باشمهندس طارق كل الشكر والتقدير لحضرتك
انا حكشف على عوامة البنزين وحجرب قبلها اسافر ع 90 زى ماحضرتك قولت

[mody1221]

باشا العربية عاملة كام كيلو؟ وايه اخبار الفلاتر البنزين والهوا والبوجيهات؟

العربية ماشية 96
ولسة عامل صيانة ال80 مغير كل حاجة ف كل حاجة من فلاتر وزيوت وكهربا بس مش عارف اية المشكل ؟؟
ماتجيب عشيين جنى احط بنزين احسن اخوك بقى عالحميد المجيد بسبب الامورة ههههههه