صيانة فتحة سقف البومة

[wahibmichael]

عندي مشكلة في فتحت السقف مش بتقفل للآخر وبتدخل تراب لو حد يعرف أصلحها فين يا ريت يدلني

شكرا

[أبو إياد]

قبل ما توديها لحد اشترى سبراى تنظيف wd 40 فى الجانبين وافتح واقفل كذا مره باذن الله هايتظبط بس امسح التراب الاول

[ahmed_bq]

وبعد التنظيف اعملها حاجه زي ريست كده ... بتقفل على الاخر وتخليك دايس شويه وبعد كده تفتح على الاخر وتدوس شويه على الفتح ... لاني لاحظت انه زي ميكون الترس بتاعها بيفوت او مش مظبط فبالحركه دي بتحاول تظبطها.
وممكن تفك فرش السقف من ورا (3 كلبسات) وتشوف ممكن يكون الموتور سايب ومحتاج ربط
دي تجربتي انا بصراحه وظبتها والحمدلله .. في حاله زي بتاعتك كده بس كل ده بعد التنظيف ونظفها كمان بكمبروسور هوا في المجرى بتاعتها ممكن يكون فيه تراب بيحوشها

[wahibmichael]

شكرا على الرد هجرب واقولكم النتيجة

[wahibmichael]

حاولت انظف المجرى وأعمل رسيت الفتحة بقت أسوأ وفيها حتة كبيرة مفتوحة. لو حد يعرف متخصص في الموضوع ده ياريت يفيدني

[أبو إياد]

يبقا تنزل على لاظوغلى واسال على عادل كابورليه

[wahibmichael]

يبقا تنزل على لاظوغلى واسال على عادل كابورليه

شكرا يا باشا ممكن مكانه بالضبط في لاظوغلي أو رقم تليفونه

[أبو إياد]

01222842814
هو يوصفلك اسهل علشان ماتوهكش

[wahibmichael]

شكرا لإهتمامك يا باشا

[wahibmichael]

شكرا يابو اياد أنا فعلا رحت للحاج عادل وعمل اللازم والفتحة رجعت زي الأول

[AHMED1718]

شكرا يابو اياد أنا فعلا رحت للحاج عادل وعمل اللازم والفتحة رجعت زي الأول

طب متكمل جميلك وتقلونا عمل ايه وخد كام ؟

[m_fox81]

ياريت و الله عشان انا عندي في حته في اخر فتحة السقف بتبقي عاليه شويه

[أبو إياد]

شكرا يابو اياد أنا فعلا رحت للحاج عادل وعمل اللازم والفتحة رجعت زي الأول

كويس انك عرفت توصله لانى ماكنتش هاعرف اوصفلك بس هو متمكن لانه صلح سقف الكابورليه فى يوم واحد
اما فتحه السقف انا كرهتها خلاص بجد حاجه تخنق

[wahibmichael]

أنا كان عندي مفصلة مكسورة دفر بلاستيك مكسور صلح الاتنين
أخد 270 بفك وتركيب الفرش