يحصل ايه لو الزيت زاد نص كيلو

[Ibrahim Nabil]

السلام عليكم
انا حطيت زيت للانسر بومة بس طلع زيادة نص كيلو عن الطبيعى عن طريق الخطأ فهل يحصل حاجة ولا عادى ؟؟ ارجو الافادة من الخبراء

[m_elkhwalka]

صدقني ده اخطر من انه يكون ناقص نص كيلو
لقد مررت بتجربه عصيبه فة سيارتي السابقه كورولا
الاويل سيلات ضربت ورشحت زيت وبعدين سواء بتوع الكرنك او الاسبراتير
وكمان جوان الكارتيرة ضرب ورشح زيت هو كمان
وعلشان كده خلي بالك وملتستهونش بالموضوع ده

[Haitham10]

من غير قلق وحصل خير

حاول تروح لحد يشفطلك الزيادة او ينزلها قبل ما الزيت يدورله علي مكان يخرج منه

[A.samy]

هات سرنجة كبيرة وخرطوم رفيع واسحب الزيادة من مقاس الزيت

[mody1221]

حصل خير
بكل بساطة روح اى بنزينة خلية يشفطللك الزيادة واديلة جوز جنيهات
بس امشى بالراحة جدا وروح اقرب بنزينة

[SHRIEF_T7]

روح اقرب بنزينة و خليه يشفطهولك في ثواني بس زي ما الاستاذ قال امشي بالراحة بلاش تحرق