تيل الفرامل ,,,جنني!!!

[medo666]

السلام عليكم...هاحكي ليكم علي حكايتي مع تيل الفرامل...انا معايا بومه 2010وغيرت التيل في مركز خدمه العدوي_المنصوره بعد 17 الف كيلو وكان تمنه 505 جنيه...قلت مش مهم لانه هيكون زي الاصليوهايستمر معايا مش اقل من 15 الف.او اكثر..لكن للاسف قعد معايا 8 الاف كيلو وبعدين لاقيته بيصفر..قلت اغيره بره مركز الخدمه طالما طلعوا اي كلام في قطع غيارهم لاقيت نوعين في المحلان نوع كوري اسمه هاي كيو ونوع تركي ..والكل فضل لي التركي اشتريته ب 65 جنيه ...ولما دخلت علي الموقع النهارده لقراءه اللي عملته صح والا غلط اصبحت متذبذب من اللي عملته شويه كاتبين ارائهم ان التركي كويس وشويه كاتبين ان الكوري كويس وشويه يقولوا مافيش احسن من التوكيل...ارجو الافاده العاجله هل اللي عملته ده الصح ام لا..وهل فيه تيل اصلي في السوق وسعره كام وفين مكانه...بجد هاتجنن!!!!!!!

[medo666]

منتظر ردودكم السريعه مع خالص امتناني

[catmaw]

انا برده عاوز رايك فى هذا المركز من ناحية الكفاءة لانى محتار اعمل الصيانة عندهم او عند ميكانيكى كويس ويا ريت تدلنى على نوع فلتر بنزين كويس جدا بدل الاصلى ابو 600 جنيه

[mohammedabdallh]

انا بغير الكورى على طوول وزى الفل معايا وتمنه 65ج انا معايا كرستاله
والى انت عملته صح وزى الفل

[medo666]

أين أنتم يا رجال النتدي أرجو المزيد من الافادات عن موضوعي...........

[semsemworld]

يا باشا عليك و على الاصلى من التوكيل الرواس اللى لونه اخضر من فوق

[mody1221]

طبعا التيل الاصلى هو غالى بس تمنة فية يعنى ولا حيصفر ولا حيغنى (لونة اخضر) وفى ناس بتركب البديل بتاعة الكورى
ومدام حضرتك اشتريت التركى وركبتة فماينفعش تغيرة دلوقتى اقعد بية لحد ما يودع وعليك وعلى الاصلى بعد كدة حتى اشترية من التوكيل وركبة برة

[medo666]

يا باشوات لو قريتم مشاركتي جيدا هاتعرفوان ان اخر مره كنت مغيره في التوكيل ب 505جنيه وهو التيل الاخضر وماستمرش في العربيه 8 الاف كيلو وخلص ىيبقي ازاي اروح اعمله في التوكيل او مراكز الخدمه المعتمده تاني...وعاوز اعرف لو الاصلي موجود بره موجود فين وبكام,,,افيدونا

[mody1221]

يا باشوات لو قريتم مشاركتي جيدا هاتعرفوان ان اخر مره كنت مغيره في التوكيل ب 505جنيه وهو التيل الاخضر وماستمرش في العربيه 8 الاف كيلو وخلص ىيبقي ازاي اروح اعمله في التوكيل او مراكز الخدمه المعتمده تاني...وعاوز اعرف لو الاصلي موجود بره موجود فين وبكام,,,افيدونا

يا كبير التيل ماقعدش 8 الاف دة بسبب الاستعمال والتيل مالوش دعوة التيل الاصلى انضف حاجة ومش عشان ماقعدش معاك كتير يبقى وحش اكيد حضرتك بتستخدم العربية كتير جوة البلد واشارات وكدة .التيل الاخضر حتى لو ماعمرش معاك (بسبب كثرة استخدامك للفرامل وبالذات لو اوتوماتيك)فهو مش حيضر حاجة تانية (الطنبور)
الاصلى عندنا مش بيتباع غير ف التوكيل معرفش عندكو اية النظام ممكن يكون فى محلات بتبيعة الله اعلم

[yoko]

يا كبير التيل ماقعدش 8 الاف دة بسبب الاستعمال والتيل مالوش دعوة التيل الاصلى انضف حاجة ومش عشان ماقعدش معاك كتير يبقى وحش اكيد حضرتك بتستخدم العربية كتير جوة البلد واشارات وكدة .التيل الاخضر حتى لو ماعمرش معاك (بسبب كثرة استخدامك للفرامل وبالذات لو اوتوماتيك)فهو مش حيضر حاجة تانية (الطنبور)
الاصلى عندنا مش بيتباع غير ف التوكيل معرفش عندكو اية النظام ممكن يكون فى محلات بتبيعة الله اعلم

+1
بالظبط كده
ويخلص في 8 الاف ده معناه غنك حريت فرامل

[medo666]

حد يرد علينا وينورنا بدل الجنان اللي انا فيه من التيل

[ossamayk]

الأصلي لا يعلى عليه والرك على الاستخدام

[medo666]

برضه ماحدش رد وافادني طالما اغلبكم اجمع علي الاصلي هو فين وبكام

[مصراوي جدا]

بشكل عام استهلاك تيل الفرامل في العربيات الاوتوماتيك اعلى من استهلاك العربيات المانوال
وكمان تيل الفرامل من الحاجات اللي استهلاكها بيعتمد على طبيعة اللي سايق العربية يعني فيه واحد رجله علطول على الفرامل وبيستهلك التيل بسرعة وواحد تاني بيحافظ في استخدامه والتيل بيقعد معاه فترة اطول

التيل اللي بينزل في العربية البومة لونه اخضر وطري وغالبا بيتم تغييره في البومة الاوتوماتيك بالذات عند ال20 ألف كيلو
فيه تيل تاني اصلي وبنفس السعر انما لونه رمادي وبيكون انشف شوية وبيقعد فترة اطول حوالي 40 ألف كيلو متر
عندنا في مصرية دايما بيتم تغيير التيل بالتيل الرمادي (ده الديفولت) الا اذا العميل طلب ان يتم تركيب التيل الأخضر اللي بينزل في العربية بيتم تركيبه له لكن بيتم تعريفه انه هيتغير تاني بسرعة

معلومة اخيرة ..ممكن سبب الصفارة دلوقتي مش ان التيل خلص ولكن ان صاجة التيل او سوستة التيل وقعت اثناء التركيب او مش موجودة لسبب او لآخر وده بيسبب صوت الصفارة ...يبقى الافضل يتم الكشف على التيل لتحديد هل التيل خلص ولا العربية محتاجة صاجة تيل

[medo666]

بشكل عام استهلاك تيل الفرامل في العربيات الاوتوماتيك اعلى من استهلاك العربيات المانوال
وكمان تيل الفرامل من الحاجات اللي استهلاكها بيعتمد على طبيعة اللي سايق العربية يعني فيه واحد رجله علطول على الفرامل وبيستهلك التيل بسرعة وواحد تاني بيحافظ في استخدامه والتيل بيقعد معاه فترة اطول

التيل اللي بينزل في العربية البومة لونه اخضر وطري وغالبا بيتم تغييره في البومة الاوتوماتيك بالذات عند ال20 ألف كيلو
فيه تيل تاني اصلي وبنفس السعر انما لونه رمادي وبيكون انشف شوية وبيقعد فترة اطول حوالي 40 ألف كيلو متر
عندنا في مصرية دايما بيتم تغيير التيل بالتيل الرمادي (ده الديفولت) الا اذا العميل طلب ان يتم تركيب التيل الأخضر اللي بينزل في العربية بيتم تركيبه له لكن بيتم تعريفه انه هيتغير تاني بسرعة

معلومة اخيرة ..ممكن سبب الصفارة دلوقتي مش ان التيل خلص ولكن ان صاجة التيل او سوستة التيل وقعت اثناء التركيب او مش موجودة لسبب او لآخر وده بيسبب صوت الصفارة ...يبقى الافضل يتم الكشف على التيل لتحديد هل التيل خلص ولا العربية محتاجة صاجة تيل

اولا مشكور لاهتمامك بس يا ريتك تكون قريت مشاركتي الاساسيه وتردلي عليها وهي تتلخص في الاتي..هل التيل التركي اللي ب 70 جنيه يغني عن الياباني اللي ركبته قبل ذلك في التوكيل وتمنه 505 جنيه ومقعدش غير 8 الاف كيلو ولو فيه اصلي موجود فين وبكام..واكرر شكري