تيل الفرامل ,,,جنني!!!

[مصراوي جدا]

ما هو السؤال ده صعب طبعا

هل التركي او الكوري يغني عن الياباني

اللي اعرفه ان الكوري فيه كتير ركبوه وبيشكروا فيه انما ممكن يصفر في بعض الأحيان

الموضوع جودة وكفائة ومقابلها فلوس - لو يهمك اعلى جودة وكفاءة ومش مشكلة الفلوس يبقى بالتأكيد خليك في الأصلي

لكن فيه كتير ناس بتتضطر تقبل جودة وكفاءة اقل شوية في سبيل فرق السعر الكبير بين الأصلي والكوري او التركي - انما ممكن يقبل انه يسمع صوت صفارة احيانا مش مشكلة

انا بس مش عاوزك تشتري تيل علطول من غير ما تكشف على اللي موجود ليكون كويس انما صاجة التيل هي اللي مش موجودة

لو عاوز التيل الأصلي موجود عندنا في مصرية بسعر 525 جنيه وانصحك تاخد الرمادي مش الاخضر علشان يقعد معاك فترة اطول

[as_samman]

يا كبير التيل ماقعدش 8 الاف دة بسبب الاستعمال والتيل مالوش دعوة التيل الاصلى انضف حاجة ومش عشان ماقعدش معاك كتير يبقى وحش اكيد حضرتك بتستخدم العربية كتير جوة البلد واشارات وكدة .التيل الاخضر حتى لو ماعمرش معاك (بسبب كثرة استخدامك للفرامل وبالذات لو اوتوماتيك)فهو مش حيضر حاجة تانية (الطنبور)
الاصلى عندنا مش بيتباع غير ف التوكيل معرفش عندكو اية النظام ممكن يكون فى محلات بتبيعة الله اعلم

كلام صح 100 %
لسة مغير التيل من الرواس بعد 32000 كيلو و الفتيس اوتوماتيك

[medo666]

برضه ماحدش رد علي في ان فيه تيل بره التوكيل اصلي وبكام ومنين اجيبه ورايكم جميعا في التركي اللي ركبته وهل هو افضل حالا من الكوري ام العكس وجزاكم الله خيرا عن ردودكم جميعا

[bassem_sams]

بشكل عام استهلاك تيل الفرامل في العربيات الاوتوماتيك اعلى من استهلاك العربيات المانوال
وكمان تيل الفرامل من الحاجات اللي استهلاكها بيعتمد على طبيعة اللي سايق العربية يعني فيه واحد رجله علطول على الفرامل وبيستهلك التيل بسرعة وواحد تاني بيحافظ في استخدامه والتيل بيقعد معاه فترة اطول

التيل اللي بينزل في العربية البومة لونه اخضر وطري وغالبا بيتم تغييره في البومة الاوتوماتيك بالذات عند ال20 ألف كيلو
فيه تيل تاني اصلي وبنفس السعر انما لونه رمادي وبيكون انشف شوية وبيقعد فترة اطول حوالي 40 ألف كيلو متر
عندنا في مصرية دايما بيتم تغيير التيل بالتيل الرمادي (ده الديفولت) الا اذا العميل طلب ان يتم تركيب التيل الأخضر اللي بينزل في العربية بيتم تركيبه له لكن بيتم تعريفه انه هيتغير تاني بسرعة

معلومة اخيرة ..ممكن سبب الصفارة دلوقتي مش ان التيل خلص ولكن ان صاجة التيل او سوستة التيل وقعت اثناء التركيب او مش موجودة لسبب او لآخر وده بيسبب صوت الصفارة ...يبقى الافضل يتم الكشف على التيل لتحديد هل التيل خلص ولا العربية محتاجة صاجة تيل

استاذ طارق ازيك انا سعيد بمشاركتك بالنسبه ان تيل رمادى انشف ممكن يبوز طنابير و لا ملهاش علاقه

[medo666]

+1
بالظبط كده
ويخلص في 8 الاف ده معناه غنك حريت فرامل

استاذ طارق ازيك انا سعيد بمشاركتك بالنسبه ان تيل رمادى انشف ممكن يبوز طنابير و لا ملهاش علاقه

طيب سعره كام الرمادي في التوكيل والمصنعيه كام

[Azimco]

يامان ان التيل عندى فضل ل 55 الف كيلو ولو عاوز النصيحه بلاش تعمل اى شغل فى التوكيل لانهم حراميه انت كل ال تعمله تجيب القطع الاصليه من التوكيل ال بيبيع بس ودا فى شارع السودان فى ميدان الكيت كات واى ميكانيكى يغيرهم والتيل ال قدام سهل فى التغيير وانا بنزل المنصوره كتيير لو عاوز اى مساعده
انسى الصيانه داخل التوكيل واسئل مجرب

[medo666]

الله المستعان

[port_smoker]

انا جربت الاتنين
الكورى صفر على طول اصلا
والتركى جميل جدا جدا

عن تجربة