السعر دة غالى ولا رخيص

[HeMa_LanCeR]

بالنسبة لطقم الدبرياج والتيل ياريت تقولى انت جايبهم منين ولو ياحبذا رقم تليفون عشان عايز اجيبهم
والف الف الف الف الف شكر ياباشا:)

بس ياباشا انا جبت الحاجات دي من التوفيقيه ومعلش هتلف عليها شويه علشان تجيب الياباني وخلي بالك هتلاقي كوري كتير ومش شرط تكون الحاجه دي للكريستاله فقط يعني الديسك والاسطوانه عندي كانو ينفعوا للأكسنت والمازدا 323 المهم يكونو مقاسهم مظبوط ويكونو يا باني وصدقني هتلاقي كتير بس مين بالظبط كل اللي هقدر اقولهولك لما تنزل التوفيقه أسأل عند المحلات اللي بره في شارع رمسيس امام السنترال واللي يقولك مش عندي قوله الأقيهم فيهم لأنه هتلاقيه عارف
والله الموفق ,,,

[mohamed ibiza]

الف مبروك علي العربية:)
السعر في رأيي كان يخلص 54 بس الزيادة مش جامدة يعني الف مبروك

[bmya]

الف مبروك اولا
السعر غالي شويه لاني لسه ابن خالتي شاري وحده موديل 99 كريستاله Glx
كامله اتوماتيك رشه بعض اجزاء بره وفبريقه جوه وفيها كل حاجه ورخصه 3 سنين ب 55000
بس اهم حاجه ان العربيه بتاعتك تكون نضيفه لان الفرق مش كتير وكده كده انتي هتركبيها مش هتبيعيها

[smah]

يعنى لو فكرت ابيعها بعد سنتين او تلاتة هخصر فيها كتير انا كل الى شغلنى ان عشان هى مستعملة هتروح كتير للمكنيكى وهتتعبنى معاها

[bmya]

ممكن تقوليلي هي ماشيه كام كيلو
وبعدين شرط عشان مستعمله تبقي لازم كل شويه تروحي للميكانيكي وبعدين انتي لما روحتي تشتريها مش خدتي حدمعاكي بيفهم في العربيات

[smah]

انا مش عرفةهى مشيت اد ايه بس لما اشترتها المكنيكى بتاعى شفها وقاللى ان حالتها كويسة اوى وعلى العموم انا اشترتها من قريب ليا

[bmya]

عندك فيه العداد بيبقي مكتوب الكيلوات في شاشه صغيره كده

علي العموم مادام الميكانيكي قالك انها كويسه يبقي خير ان شاء الله
لكن انتي مثلا حاسه ان فيه حاجه غلط في العربيه او حاسه ان فيه صوت غريب مثلا او حاجه غريبه

اصل انا كان معايا اللانسر دي من الزيرو وبايعها قريب
بس كانت 99 Glx اتوماتيك وعندي الحمد لله خبره جامده في اللانسر لو فيه حاجه ان شاء الله اقدر اساعدك

شريف

[kemo_nagy]

شكرا يا أب نيمو.معلومة اخيرة بس شوفلى علبة الدريكسيون عندك وانت بتلف والعربية واقفة بس تكون دايرة شوف كدة هاتسمع صوت تكتكة ولا لآ عشان التوكيل قالى موجودة فى كل العربيات الانسر وبصراحة انا مش مقتنع وودتها عند ميكانيكى قالى ان الصوت دة من العلبة و هى مبوشة ورحت اظبط زوايا قالى مافيش بوش ولا حاجة وودتها لعفشجى قالى ان الصوت دة عادى و ماقلقشى منة بجد الموضوع دة هايجننى والف الف الف الف شكر يا باشا

[bmya]

طبعا ياباشا صوت التكتكه ده مش طبيعي ومفيش حاجه اسمها موجود في كل اللانسر انا عربيتي قعدت معايا 9 سنين وبعتها ومفيش صوت التكتكه صوفبس عفشجي كويس وروحله او روح التوكيل تاني
وبعدين اللانسر اسكاتره مش علبه

[smah]

الباغة بتاعة الفانوس الى ورا اتكسرت عندى اجبها منين والا لازم اغير الفانوس كله

[أبو_حمزة]

الفانوس كله أو تلحميها عند بتاع فوانيس و يصب الجزء الناقص
بس ها يبان من قريب
على فكرة العربية ما دام واخداها من حد معرفة و عارفة تاريخها و الحالة ممتازة تبقة مش غالية
انا عربيتى 99 Glx اتو ماتيك فابيريقة بالكامل و كان تاجر عايز يقنعنى ابيعها له ب57.5 يعنى لسه ها يكسب فيها

[HeMa_LanCeR]

شكرا يا أب نيمو.معلومة اخيرة بس شوفلى علبة الدريكسيون عندك وانت بتلف والعربية واقفة بس تكون دايرة شوف كدة هاتسمع صوت تكتكة ولا لآ عشان التوكيل قالى موجودة فى كل العربيات الانسر وبصراحة انا مش مقتنع وودتها عند ميكانيكى قالى ان الصوت دة من العلبة و هى مبوشة ورحت اظبط زوايا قالى مافيش بوش ولا حاجة وودتها لعفشجى قالى ان الصوت دة عادى و ماقلقشى منة بجد الموضوع دة هايجننى والف الف الف الف شكر يا باشا

مافيش حاجه اسمها صوت طبيعي كده
يا مان انت راكب ياباني مش كوري
بس سيبك من شغل التوكيل لأني مابعترفش اصلا بشغلهم وانا قولتهالهم الف مره انهم****ومابيفهموش حاجه والله مافيه مهندس عدل في اي توكيل في مصر كلهم****مدام بياخد مرتبه وماشي تمام يبقي هيتعب نفسه ليه هي بس ميزه التوكيل قطع الغيار الاصليه بس طبعا بأسعار مبالغ فيها فا تغور قطع الغيار بالسعر ده والله اعلم مش بعيد يكونو هما كمان ضربين قطع الغيار
بس كل اللي اقدر انصحك بيه انك حاول تروح لعفشجي بيفهم شويه وياريت تقولي انت ساكن فين علشان ممكن اوصفلك واحد برنس

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
برجاء عدم التجاوز بالإساءة للغير
و خاصة أن هناك مهندسين محترمين أعضاء في المنتدى

الإشراف...

[HeMa_LanCeR]

الباغة بتاعة الفانوس الى ورا اتكسرت عندى اجبها منين والا لازم اغير الفانوس كله

ده طبعا حسب المزاج
يعني في واحد
يجيب وش مصري ويركبه
وفي واحد يلحمه
وفي واحد يغير الفانوس كله (زي حلاتي كده)
وفي واحد يحط لزق علشان الفانوس مايتوسخش من التراب
وفي واحد يسيبه كده
وفي واحد مابتفرقش معاه اصلا يعني بالنسباله موضوع عادي جدا وممكن يشيل الباغه كلها

[smah]

يعنى وش الفانوس الخارجى بيتباع وحدة عند بتوع قطع الغيار من غير ما اغير الفانوس كله

[Ahmad]

يعنى وش الفانوس الخارجى بيتباع وحدة عند بتوع قطع الغيار من غير ما اغير الفانوس كله

هو الوش موجود بس شكله بيبقي سيء جد بعد التركيب و هيفرق عن التاني السليم في الشكل و الاضاءة.
الأفضل انه يتغير كله و مش شرط تشتري الياباني, أعتقد ان فيه منه ماليزي أو حاجة تانية بس نظيف و مش غالي .
و في حل أحسن, و هو انك تشتري واحد تاني استيراد (مستعمل يعني) و دة هيبقي أصلي و كل الي بيحتاجه هو غسلة كويسة قبل التركيب و بس :) و سعره هيبقي مناسب جدا .