عزل سوست المساعدين ؟!

[movies]

يا ريت حد يفيدنى يا جماعة.... انا عندى صوت طقة فى العفشة بتاعت العربية لما المساعدين ييجوا يريحوا فى المطبات. أخر مرة عملت صيانة للعربية من اسبوع كدا اقولتلهم على المشكلة دى و جربوا العربية و قالولى العربية محتاجة عزل سوست المساعدين ,سألتهم اية المشكلة بالظبط ؟ عرفت ان السوست فى المطبات بتخبط فى الطبق اللى فوقيها و محتاجة تتعزل بخراطيم و عشان تتعمل لازم المساعدين الاربعة يتفكوا و السىوست تتعزل و الفيلم دا هيتكلف حوالى 500 جنية مصنعية فى التوكيل !!! فانا سؤالى لو حد عمل الموضوع دا قبل كدا او سمع عنه يقوللى ممكن اعمله فين برة التوكيل و هل لازم افك المساعدين خالص و لا ممكن اعمله هما راكبين و يتكلف كام ؟؟
شكرا مقدما

[movies]

نسيت اقول العربية لانسر شارك

[movies]

معلش يا رجالة انا كنت كاتب الموضوع علشان احطه فى ورشة نايل موتورز نسيت و حطيته فى ميتسوبيشى علشان كدا كنت بحكى قصة الطقة الشيهرة من قولها

[IronHead]

هو انت لسه فى الضمان ولا ايه ياريس؟
عموما الصوت ده عندى بيطلع سعات ولما بيطلع بروع اغسل الرفرف كويس قوى من جوه والصوت بيروح
الاخوه هنا قلولى على الموضوع ده لانه بسبب كوتشت التراب

[movies]

هو انت لسه فى الضمان ولا ايه ياريس؟
عموما الصوت ده عندى بيطلع سعات ولما بيطلع بروع اغسل الرفرف كويس قوى من جوه والصوت بيروح
الاخوه هنا قلولى على الموضوع ده لانه بسبب كوتشت التراب

لأ انا مش فى الضمان .... انا عارف الحل دا بس انا عايز حل نهائى للمشكلة دى

[M.Al-Hefnawy]

كانت عندي المشكلة دي وراحت لما العفشجي عمل عزل بخرطوم للفة الأولى من السوستة من فوق ومن تحت وكانت راحت فعلاً الطقة.

بس كان فيه حاجة تانية كمان عندي ان بيضة مقص كانت مبوشة فاكشف على بيض المقص الاول.

[A7MED_PHARMA]

عز الخرطوم فكرة حلوة

او جلدة جاوتش عريضة ..... فوق السوستة كلها بينها وبين الطبق

[A7MED_PHARMA]

ومبروك لمصر
فارما بقا عضو ذهبي

[ma7oo]

انا كنت فى التوكيل من شهر كده وكنت بسمع الصوت ده ساعات والمهندس قلى دى بيركبلها حاجة اسمها جيوب مساعدين وفعلا الصوت راح

[A7MED_PHARMA]

جيوب مساعدين ؟
وشكلهم ايه دووول ؟؟؟

[movies]

جيوب مساعدين ؟
وشكلهم ايه دووول ؟؟؟

+11111111111111

[movies]

عز الخرطوم فكرة حلوة

او جلدة جاوتش عريضة ..... فوق السوستة كلها بينها وبين الطبق

ممكن يا باشا تفاصيل اكتر ؟!! يعنى بس علشان ابقا عارف اقول اية للعفشجى ؟
و الحل بتاعك اسهل و لا عزل السوست بخرطوم علشان زى منا عرفت من المنتدى ان العزل بالخرطوم لازم افك المساعدين و السوست خالص برة العربية ؟

[momo44]

الخراطيم اكيد لازم تحتاج فك المساعدين كلهم

[ma7oo]

انا شفتهم وهو بيركبهم كانت حتة جلده او كوتشة كده فوق المساعد وكانت رخيصه بس معرفش ركبت فين بالزبط

[M.Al-Hefnawy]

عزل الخرطوم لازم فك المساعدين والسوست بتاعتها والموضوع مش مشكلة هو بيحط حتة شحم على السوستة عشان الخرطوم يدخل سهل.