انفجار داخل السيارة بسبب عبوة تلميع التابلوة..ارجو المساعدة

[Ahmed Assem]

الحمد لله الذى لا يحمد على مكروه سواه

فوجئت اليوم بعد عملي بانفجار حدث داخل سيارتى بسبب عبوة تلميع تابلوه كانت موجوده داخل الدرج نتيجة للحرارة الشديدة و قد نتج عنها بعض الخسائر مثل درج التبلوه و هوايات التكيف
ارجو مساعدتي في معرفة مكان يصلح لي التابلوه (بنظافة)
جزاكم الله خيرا

[Nistelrooy]

الحمدالله علي كل حال وكويس ان ماكنش فية حد في العربية ساعتها

[mohamed ibiza]

اطلع علي التوكيل اعتقد ان العربية لانسر1600 صح؟؟؟

[modux]

yaaaah yama 7asaltly
Rbna yostor

[NaderNabil]

يا نهار أزرق!!!!

ربنا يكون في عونك بجد....

انت ممكن تنزل عند محل استيراد تشوف الحاجات اللي باظت

أو تجيبها من التوكيل أحسن

و ربنا يعوض عليك :(

[FLYINGPEUGEOT]

قدر الله ماشاء فعل...
بص ياباشا....انت ممكن اصلا ما تلاقيش الحاجات دى فى التوكيل ولو لاقيتها هتلاقيها غاليه اوى

عموما لو لاقيتها فى التوكيل حتى لو غاليه...وهتشتريها وتريح دماغك كان بها..

لو بقه عايز توفر او لو مالاقيتهاش
فمفيش اودامك غير.

(.وسط البلد -ميدان لاظوغلى-شارع مجلس الامه.. )

فى شركه هناك...بتصللح وتجدد وتصننع وتعددل تابلوهات...
عن تجربه مفيش زيهم فى مصر...!!

لو غلبت خالص رحلهم ولو التابلوه ميت حته هيرجعوهولك زى الاول...والتكلفه طبعا حسب الشغل

انا مش فاكر اسم الشركه دى ايه بالظبط...بس انت روح هناك واسأل وألف مين يشاورلك عليها

[atolba]

sorry to hear that man !

but if u can we wanan see a picture of the damage!

[l0new0lf]

also, take care of cigarrette lighters, they also explode producing lots of damages.

[mada121977]

قدر الله و ما شاء فعل
واهم حاجه ان مفيش حد كان فى العربيه وياريت مفيش حد يحط اى عبوه مضغوطه جوه العربيه سواء (مزيل عرق او ملمع او بيرسول او ولاعه او اى حاجه من الحاجات دى ) لان الضغط والحراره جوه العربيه ممكن لاقدر الله زى ما حصل مع الاخ احمد تنفجر وخاصه اذا كان زجاج العربيه كله مقفول ومافيهوش فتحه صغيره تعادل الضغط جوه العربيه

[mahamedaraby]

بجد شكرا على التنبيه انا اول مره اخد بالى من المعلومه دى

وقدر الله وماشاء فعل الحمد لله على كل شء بردوا

[eng_mkhalaf]

لا حول ولا قوة إلا بالله - كان الله فى العون بس ممكن نعرف نوع العبوة بالظبط

[Karim_Monir]

معلش قدر الله وما شاء فعل
وفعلا انا بنزل الاقي العربية مؤشر درجة الحرارة الداخلية معدي ال ال60

[M.Nasr]

الحمد لله انها جات على قد كده وقدر الله وماشاء فعل
بصراحة منظر الدرج يخوف وحاجة تضايق فعلا وكان الله فى عونك بس الحمد لله على كل شىء وان شاء الله تتصلح وترجع احسن من الاول

[Ahmed Assem]

الحمد لله .. عادت الامور الى طبيعتها

الحمد لله
بعد اسبوع مرير اخيرا صلحت التابلوه في التوكيل بعد ان قدرت حجم الخسائر في تغيير هواية التكيف اليمين و تثبيت الساعة و الهوايات الامامية في مكانها
في البداية في التوكيل كانوا عا يزيين (يشتغلوني) _و اسف علي التعبير بس هى دى الحقيقة-
كانوا عايزيين يفوككوا التابلوه
طبعا انا مارضيتش خاصة ان العربية لسة بقالها 4 شهور بس و ايضا قالولي ان فك و تركيب التابلوه هايتكلف 700 جنيه و هايستغرق يومين و بعد محاولات اقنعت المهندس انه ممكن يركب الهواية من غير فك التابلوه وشرحتله الطريقة

و الحمد لله رغم كل الاشتغالات فانهم شهادة حق رجعولي التابلوه زي ما كان

وهذه هي التكاليف للاستفادة

200 جم ثمن هواية تكيف يمين
80 جم مصنعية تركيب الهواية و تثبيت الساعة و الهوايات الامامية
70 جم لحام مفصلات الدرج (لحام فيبر في الحرفيين)


اشكر كل من ساعدني بالرد علي

جزاكم الله خيرا و سلمكم من كل سوء

[fahd_628]

الف مبرووووووك و الحمد لله انها رجعت زى الأول