استشاره من ملاك الشارك ... مرفق صور

[hossam_elwani]

كنت بتفرج على عربيه شارك هاى لاين صاحبها بعتلى صورها على الايميل راشه جنبين واكصدامين عامله تقريبا 100000 وصيانتها معموله تمام

بس لاحظت حاجه فى الاكصدام الامامى الى عليها علامات حمرا فى الصوره مش عارف ده كسر ولا ايه

والشبكه نفس الكلام مش عارف ده عيب فيها ولا ايه؟؟ زى مايكون فيها وصلات هو ده طبيعى ولا ؟؟

العربيه مصرى مش خليجى تسوى كام تقريبا؟؟








فى اتظار رأيكم

[hossam_elwani]

[movies]

اللى فى الشبكة اللى فوق دى عادى بتظهر فى اى لانسر شارك خاصة لو قديمة شوية على حد علمى....اما بقا الشبكة اللى تحت فى العربية دى ممكن تكون فالتة من مكانها او كليبسات الشبكة مكسورة و فو الحالتين حاجة بسيطة و الله اعلم

[just_magdy1]

اللى فوق ده كسر فى النيكل اللى حول الشبكة تحت دى الشبكة فلته من الاكصدام واعتقد السعر من ٨٥ الى ٩٠ بالكتير

[فتح الباب]

انا ممكن اجيبلك حاجه بوضعها بكتيرو اوى تكون رشه اكصدام او اكصدامين وفى على وضعه من غير اى بويه لا بره ولا جوه . ما تستعجلش فى الشراء لانه ده قرار محتاج شوية وقت على فكره انا مش بتكلم وخلاص انا عايز لما تكون تحت ايدى لقطه حقيقيه وطبعا اى لقطه ما بتستناش فمش عارف امكانية حضورك عندى هتبقا ازاى لو فى نيه لحضورك قولى وانا ابلغك اولا بأول على اى لقطه وتقريبا فى عربيتين فى معرض جنبى بس مش عارف حالتهم انما لو عايزنى اصورهملك كمبدأ قولى

[hossam_elwani]

اللى فى الشبكة اللى فوق دى عادى بتظهر فى اى لانسر شارك خاصة لو قديمة شوية على حد علمى....اما بقا الشبكة اللى تحت فى العربية دى ممكن تكون فالتة من مكانها او كليبسات الشبكة مكسورة و فو الحالتين حاجة بسيطة و الله اعلم

وليه لازم تظهر فى اى شارك قديمه هيا ضعيفه اوى كده؟؟

[فتح الباب]

اه على فكره اى كسور فى اى من الاكصدامين او الشبكه يعودا كما كانوا تمام عندنا هنا وذلك لعدم الحيره وتعم الفائده على الاخوه الزملاء ... لا لشىء انما لاحترام الناس لى فى المنتدى وحلهم مشكله تخصنى ايضا . كل الاحترام. فتح

[hossam_elwani]

انا ممكن اجيبلك حاجه بوضعها بكتيرو اوى تكون رشه اكصدام او اكصدامين وفى على وضعه من غير اى بويه لا بره ولا جوه . ما تستعجلش فى الشراء لانه ده قرار محتاج شوية وقت على فكره انا مش بتكلم وخلاص انا عايز لما تكون تحت ايدى لقطه حقيقيه وطبعا اى لقطه ما بتستناش فمش عارف امكانية حضورك عندى هتبقا ازاى لو فى نيه لحضورك قولى وانا ابلغك اولا بأول على اى لقطه وتقريبا فى عربيتين فى معرض جنبى بس مش عارف حالتهم انما لو عايزنى اصورهملك كمبدأ قولى

شكرا جزيلا لاهتمامك

انا احضر فى اى وقت ويفضل يوم الجمعه

لو فيه حاجه قدامك وياريت لو بيتى خلينا على تواصل

العربيه الى فوق فى الموضوع اول يد وده يفضل

ياريت لو تصورهم وتبعتهم على الخاص او الايميل

hossamdoaaaa@yahoo.com

لو حضرتك شفتهم يستاهلو

وابقى شاكر ليك جدا

[movies]

وليه لازم تظهر فى اى شارك قديمه هيا ضعيفه اوى كده؟؟

معروف ان الاكصدام الامامى بتاع الشارك خفيف اوى و مابيستحملش مع الوقت كتر الترييح علية للدرجة ان ممكن الكلاكس بتاع العربية يبوظ من الترييح على الاكصدام ..دا اللى قالهولى مهندس فى الرواس

[yyy]

الكسر دا ممكن يكون من تريحيه علي الاكصدام او خبطه
واحد صاحبي معاه شارك و فيها بردو نفس الكسر في النيكل


هوا صاحبها طالب فيها كام ؟

[sherif0333]

العربية دي خليجي مش مصري
المصري فى زجاج فيمية خلفي ومفيهوش زينون