غسل الموتور

[salehgharib]

هل غسل الموتور لسيارة 2007 1300 ي}ثر على حالة الموتور وحتى لو إن الموتور بارد لانى شوفت ناس فى محطة البنزين بيغسلوا الموتور عادى

[Sleepy]

أثناء صيانة ال 1000 كم في توكيل مصرية في محطة بنزين موبيل المعادي نصحني الفني بعدم غسل الموتور. و ممكن غسل كل السيارة عدا الموتور و ممكن تنضيفة بالهواء فقط. اخدت كلامة بدون مناقشة.

[eng_mkhalaf]

الهواء لوحدة مش كفاية فى بعض الحالات - فى فوم مخصوص لغسيل المحرك وأنا مجربة وكويس جدا فى المصرى فى حدود 8 جنية والمستورد دة ممكن من 20-30 جنية

[Sleepy]

عموما هو الكلام مختلف في الموضوع دة و لكن لو السيارة قديمة مفيش حاجة هتأثر معاها سوا كان غسيل هواء أو فوم أو غيره و دايما كان الميكانيكي القديم بيقولي إغسل الموتور. أما مع السيارة الجديدة و في التوكيل قالوا لا. و خليها هواء بسز شوف اللي مناسب ليك و لكن الافضل غن غسيل الموتور يكون للضرورة القصوى بس. يعني شاكك في حاجة في تسرب زيت في حاجة مش مريحاك و ناوي تعمل فحص شامل للموتور و عموما الموتور متغطي تحت الكبوت و إنت بس اللي بتشوفه و كدة كدة علاقتك بالسيارة طالما سليمة و مافيهاش حاجة هو تغيير الزيوت و المياه في مواعيدهم و ربنا يباركلك فيها و يحفظطريقك من سواقين الاجرة عموما وغرز سواقين الموتوسيكلات في الطريق المزدحم.

[M.Nasr]

اكيد غسيل الموتور فى العربيات الجديدة بالمياه له تأثير عليها وانصحك ماتغسلش الموتور بالمياه خالص ولو حتى هيخبيلك الاسبراتير بحتة كيس بلاستيك زى ما اغلب محطات البنزين بتعمل
ممكن تنضفه بالهوا زى ما الاخ اتفضل وقال وفى حاجة جديدة انا جربتها اسمها غسيل كيميكال chemical دا كان كويس اوى ونضف الموتور وكان شكله كأنه لسه جديد بس كان اغلى من الغسيل العادى طبعا (حوالى 25 او 30 )

[Ramy.Gamal]

بص هو الفوم بتاع غسيل الموتور احسن بكتير ان جبت كام مرة abro امريكى هو ب20 جنيه بس بيخلى الموتور كأنه جديد هو بيكفى مرتين اعتقد مش هتحتاج اكتر من مرتين فى السنه لو موتورك مظبوط ومفهوش حاجة بتنقط ودائما وابدا وانت بتغير زيت اتأكد ان اللى حط الزيت حاطط كميه مظبوطه لا زيادة علشان متلقيش الزيت طلع على المحرك ولا قليل فيزيد الاحتكاك