عملت حادثة بسيطة بالكولت و عندى بعض الأسئلة

[OldVic]

مساء الخير يا جماعة،

كنت عائد للمنزل أمس و عند الU-turn قبل مدخل دجلة من جهة طريق طره اصطدمت بسائق أرعن حاول المرور بين سيارتى و الجزيرة الوسطى، المهم، عندى سؤالين، أحدهم للاخوة هنا عامة و الاخرللباشمهندس طارق.

أولا، هل يمكن اصلاح الاكصدام و اعادتة لحالته؟ و كم يتكلف ذلك تقريبا فى ضوء خبرة الاخوة الاعضاء. أيضا- و فى ضوء خبرة الاعضاء هنا مع شركات التأمين- هل يمكن تغييره أم ستصر شركة التأمين على الاصلاح علما بأننى مأمن لدى شركة اعتقد أنها محترمة (AIG) أم هل الموضوع بسيط؟.

ثانيا، و هذا للمهندس طارق :)، كم سعر الاكصدام الامامى للكولت؟ و هل متوفر حاليا؟

أشكركم جميعا و شكر خاص ل م/طارق.

[MoToRiZeR]

الحمد لله بسيطة إن شاء الله
صديق ليا معاه تريوس عمل حادث كانت خسايره مشابهة تقريبا او اقل قليلا
و التأمين غيرله الاكصدام و لكن معرفش كان مأمن تبع ايه

اكيد باشمهندس طارق هيفيدك أكتر

[3mr Farrag]

رايي حرام يتغير الاكصدام....مهما كانت العربيه جديده و فابريقه
و شايف ان سهل تصلحها بدون رش بقيه الاكصدام

[مصراوي جدا]

اهلا يا استاذ احمد وحمدلله عالسلامة


هو الاكصدام بشكل عام مبيتصلحش والتأمين مش هيعترض على تغييره


الاكصدام موجود وسعره 1500 ج + 10% ودهانه حوالي 300 ج

وطبعا المفروض التأمين متحمل بالكامل

[OldVic]

أهلا يا باشمهندس طارق :)

أتمنى أن تكون بخير و شكرا على الرد السريع و المعلومة المطمئنة. سأجىء إلى قليوب غالبا يوم الاحد القادم صباحا (هل سأحتاج حجز؟). و لكن عندى سؤال، كم تستغرق من الوقت؟ لا يوجد سمكرة فى الموضوع، فقط تغيير و دهان الاكصدام (و تثبيت الفانوس حيث لاحظت اليوم أنه قد تحرك بضعة ملليمترات من مكانه و ليس ثابت جدا كالناحية السليمة).

أشكر جميع الزملاء على ردهم.