سؤال لمالكى بومه 2012

[mkhayiat]

يا ترى نوع الكاسيت اللى فى العربيه ايه (عربيتى 1600 اوتوماتك جنوط وواحده ايرباج) ....انا استلمتها لقيت نوعه تليفونكن وافتكرت ان كله كده....بس شفت عربيه فى المصريه (تقرير عن العربيه على النت) نازل فيها الميتسوبيشى الاصلى؟؟؟؟؟؟

[civilpharaoh]

اعتقد ان دا النوع الي بينزل في عربيات الوكيل الكلاسيك اما النوع التاني المتسوبيشي بينزل في الرياضية او السوبر اكشن او في العربيات الخليجي

[mkhayiat]

بس بصراحه كده يبقى الوكيل اى كلام عشان يحط كاسيت زى ده.....بس اكيد هو دا النوع اللى نازل ولا فيه حد عنده نوع غير ده

[mhmdeissa]

أنا معايا 2012 1600 سبورت و فيها الكاسيت تليفونكن بردوو... واستغربت جدا لما كنت فى ال شو رووم بتاعت دياموند وشوفت الكاسيت الأصلى, بس بصراحة ماسألتش..

[mkhayiat]

أنا معايا 2012 1600 سبورت و فيها الكاسيت تليفونكن بردوو... واستغربت جدا لما كنت فى ال شو رووم بتاعت دياموند وشوفت الكاسيت الأصلى, بس بصراحة ماسألتش..

انا سالتهم وقالو ان العربيه بتنزل اساسا من غير كاسيت واحنا بنركبه هنا .....فيه لوطات مركبينلها تليفونكن ولوطات مركبينلها كينوود....على فكره انا شلته اساسا وحطيت مكانه سونى cdx 700 تحفه على التابلوه تليفونكن ده كان مبوظ شكله

[mhmdeissa]

انا سالتهم وقالو ان العربيه بتنزل اساسا من غير كاسيت واحنا بنركبه هنا .....فيه لوطات مركبينلها تليفونكن ولوطات مركبينلها كينوود....على فكره انا شلته اساسا وحطيت مكانه سونى cdx 700 تحفه على التابلوه تليفونكن ده كان مبوظ شكله

ولله ياأخى الواحدقرف ومحبط فعلا من السوق المصرى ده.... المهم ياباشا ربنا يباركلك فى الكاسيت الجديد، ولو قدرت تصوره فى التبلوه وتفرجهولنا يبقى 100 100
:))

[mkhayiat]

ولله ياأخى الواحدقرف ومحبط فعلا من السوق المصرى ده.... المهم ياباشا ربنا يباركلك فى الكاسيت الجديد، ولو قدرت تصوره فى التبلوه وتفرجهولنا يبقى 100 100
:))

جارى التنفيذ يا باشا

[mkhayiat]

الصور يا باشا


مش عارف ارفع الصور مع انى ارفقتها

[tarekiooo]

هى دى مصر

[ahhazem]

ممكن تخليهم يغيروه في التوكيل

بص ياباشا
زي ما الشباب قالو
هما بيركبوه في مصر ففي عربيات راكب فيها الكاسيت ده وفي عربيات راكب فيها كينوود
انا وواحد زميلي اشترينا عربيتين ٢٠١٢ بتاعتي راكب فيها كينوود وهوا لأ
بس لما استخدمه فتره بقى يهنج منه ولما راح صيانه في التوكيل قاللهم على المشكله قاموا مغيرينه وش من غير ما ينطقوا وقالوا انهم عارفين ان المشكله دي من عندهم علشان الكاسيتات دي تعبانه وركبوله واحد كينوود
انت ممكن تستخدمه لحد ما تخربه وروح قولهم انه تعبان ومش شغال كويس وهما هيركبولك واحد كينوود مكانه فوراً
على فكره المفروض ضمانه ٦ شهور زي ما انا اعرف يعني
فبلاش تفكه وتركب غيره على حسابك

[mhmdeissa]

بص ياباشا
زي ما الشباب قالو
هما بيركبوه في مصر ففي عربيات راكب فيها الكاسيت ده وفي عربيات راكب فيها كينوود
انا وواحد زميلي اشترينا عربيتين ٢٠١٢ بتاعتي راكب فيها كينوود وهوا لأ
بس لما استخدمه فتره بقى يهنج منه ولما راح صيانه في التوكيل قاللهم على المشكله قاموا مغيرينه وش من غير ما ينطقوا وقالوا انهم عارفين ان المشكله دي من عندهم علشان الكاسيتات دي تعبانه وركبوله واحد كينوود
انت ممكن تستخدمه لحد ما تخربه وروح قولهم انه تعبان ومش شغال كويس وهما هيركبولك واحد كينوود مكانه فوراً
على فكره المفروض ضمانه ٦ شهور زي ما انا اعرف يعني
فبلاش تفكه وتركب غيره على حسابك

معلومة حلوة،
باشا طيب انت ايه رأيك فى ال كينوود؟ يستاهل مشوار للتغيير وللا ايه ؟
وياريت تقولنا رأيك بردو فى الاتى:

العربية بومة 2012 تبترونيك 1600.. فيها صوت تكتكة مسموعة من الجزء الخلفى.. فى التوكيل (داياموند) قالوولى السبب ان الجريدة (الكاوتشات يعنى) بتاعة الزجاج الخلفى مش بتكون ملزوقة باحكام مما يؤدى الى دخول التراب تحتها!! وانهم بعتوا لميتسوبيشى المشكلة دى فى موديلات 2011 و 2012 عشان يشوفوا حل دائم.

[ahhazem]

والله ياباشا مسمعتش لسه تكته ورا الحمد لله لحد دلوقتي
انت عارف بقى الشوارع أصلاً كلها أصوات فالواحد موش بيدقق مع الحاجات دي بس انت كده هتخليني اركز في الموضوع ده
ههههه

الكاسيت الكينوود شغال يعني مش حاجة وحشه يعني ماشي حاله والحمد لله
يمكن يكون ليك مزاج معين في الكاسيت بس انا بالنسبه ليا باسمع الراديو اغلب الوقت ومعايا شوية سيديهات مزيكا لما بيكون المزاج رايق وده نادراً يعني.............

انا بقى اللي عاوز اسألك على رأيك في الباور بتاع العربيه علشان مش حاسس بصراحة اني راكب عربيه موديل ٢٠١٢ أصلاً

وكمان ايه رأيك في عفشة العربية ؟؟؟ يعني بتحس بالمطبات والتكسيرات اللي في الشوارع والا حاسس انها ناعمة معاك..................؟

احسن بصراحة انا حاسس اني ندمان اني اشتريت عربية موديل ٢٠١٢ بالمبلغ ده وبالامكانيات المتواضعة دي ودايماً ببقى ماشي الوم في نفسي طول مانا سايقها


الحمد لله طبعاً

[mhmdeissa]

والله ياباشا مسمعتش لسه تكته ورا الحمد لله لحد دلوقتي
انت عارف بقى الشوارع أصلاً كلها أصوات فالواحد موش بيدقق مع الحاجات دي بس انت كده هتخليني اركز في الموضوع ده
ههههه

الكاسيت الكينوود شغال يعني مش حاجة وحشه يعني ماشي حاله والحمد لله
يمكن يكون ليك مزاج معين في الكاسيت بس انا بالنسبه ليا باسمع الراديو اغلب الوقت ومعايا شوية سيديهات مزيكا لما بيكون المزاج رايق وده نادراً يعني.............

انا بقى اللي عاوز اسألك على رأيك في الباور بتاع العربيه علشان مش حاسس بصراحة اني راكب عربيه موديل ٢٠١٢ أصلاً

وكمان ايه رأيك في عفشة العربية ؟؟؟ يعني بتحس بالمطبات والتكسيرات اللي في الشوارع والا حاسس انها ناعمة معاك..................؟

احسن بصراحة انا حاسس اني ندمان اني اشتريت عربية موديل ٢٠١٢ بالمبلغ ده وبالامكانيات المتواضعة دي ودايماً ببقى ماشي الوم في نفسي طول مانا سايقها


الحمد لله طبعاً

LOL
شووف يا حازم باشا.. انا موافقك طبعا ان العربية كلها على بعض كدة شديدة التواضع أنا كنت عارف كدة بس فضلت اليابانى عشان الإعتمادية واعادة البيع وتنازلت عن الفخامة والكماليات. علشان كدة مش بلوم نفسى ولا حاجة.. المهم ربنا يبارك ويهديها :))

بالنسبة للباور أنا شايف انو معقوول جدا بالمقارنة بالأوروبى (أنا أصلا مش بحب الباور الناعم أوى يعنى) .

العفشة فعلا مش ناعمة.. أتمنى تتحسن شوية مع الوقت..

بسس أنا عايز أباركلك على العربية، ولو عايز رأيى استمتع بيها وبإنها زيروو ولما يقابلك عيب حاول تحللو مع الوكيل أو معانا.. وبلاش تلوم نفسك عشان ده هيخلييك تقفل منها على الفاضى

[ahhazem]

شكراً ياباشا على ردك المريح
انا فعلاً قررت ان انا اروحلهم كل ما الاقي مشكله او تضايقني حاجة في العربية

انا بالفعل حجزت ميعاد صيانة لإني مش عاجبني التكييف بقاله فتره وبحاول احايل نفسي بس قولت لازم اتأكد منه صح والا غلط

وكمان عندي مشكله في السحب بتاع العربيه حاسس انه مش تمام وفيه نفضة كهربة كده في العربيه قولتلهم عليها من ساعة صيانة الالف وقالوللي تلاقي البنزين مش نضيف وقالولي اغير المحطة اللي بحط منها ( شغل تكبير دماغ يعني ) وانا قولت اجرب فعلاً علشان محدش يبقى عنده حجة وكمان حطيت بنزين ٩٥ علشان ابقى جربت كل حاجة وهاروحلهم ان شاء الله يوم السبت علشان اطمن
وهابقى اقولكوا ان شاء الله على التفاصيل

عاوزين نعمل موضوع بقى لمالكي البومة ٢٠١٢ بس علشان كل واحد يقولنا رأيه وخبراته ومشاكله اللي شافها في العربية عموماً وتجاربه كمان مع التوكيل

[eng_mero82]

اولا : انا سعيد جدا انى معاكم واتمنى تقبلونى صديق.
ثانيا : بالنسبة لموضوع الكاسيت فعلا هو فيه نوعين وانا برضو كان عندى مشكلة فى الكاسيت انه كان بيقطع بعد 10 ثوانى من تشغيله وفى صيانة الالف غيرولى الكاسيت بس بنفس النوع الغريب اللى هما حطينوا ده ولما سالت المهندس رد عليا قالى مهو ده برضو كاسيت اصلى .
ثالثا: بالنسبة لموضوع الباور هو فعلا تقيل شوية على عربية 2012 وعربية لانسر تحديدا ده طبعا من وجهة نظرى .
رابعا : بالنسبة لموضوع تمن العربية وما يقابله من اوبشن ورفاهية انا شايف ان فعلا العربية ينقصها الفخامة والرفاهية اذا ما قورنت بالكورى مثلا وايضا الشكل الخارجى وهو ازواق متواضع او خلينا نقول تقليدى زهقنا منه على اساس ان حلو ووحش دى عملية ازواق .
خامسا : بالرغم من اعتراضنا على الفخامة والاوبشن انا شايف اننا راكبين عربية محترمة ليها اسمها اللى مبنى على الكفاءة والاعتمادية بجد انا عن نفسى ساعات كتير تحدثنى نفسى انى كان ممكن بالتمن ده اشترى عربية شكلها واوبشنها افضل لكن بتغنينى عن الفكرة دى اداء العربية اللى من وجهة نظرى كويس جدا واعتمادى جدا وثبات رائع وهكذا والحمد لله انه اكرمنى بهذه العربية من غير حول منى ولا قوة
اخيرا : انا اتكلمت كتير لانى فرحان انى بتكلم معاكم اسف لو كنت صدعتكم او طولت عليكم