انا تعبت بجد

[megamoudy]

سلام عليكم ازيكم يا جماعه


انا بجد كرهت نفسي من كتر البحث عن عربية

لاقيت هنا على المنتدى الناس بتقول ممكن اجيب بومه 1300 موديل 2006 بستين الف

انزل الف على المعارض عندنا ف الزقازيق ...... ألاقي اسعار هلامية 75 الف جنيه

بجد انا اتعقدت

حد يقولي ممكن اجيب لانسر ب 60 ولا اكبر دماغي و اجيب حاجة تانية :(

[megamoudy]

ياريت تساعدوني لأني في قمة الاحباط

[cafe]

يا سيدي الفاضل .......... كل الي بتسمعة دة كلام ملوش اي لازمة , لأن الواقع غير واديك جربت بنفسك .....أحسن حاجة واحد يقولك صاحبي لسة جايب زيرو برة وجوة الفين وخمستاشر بخمسين الف بس !!! يااااااااة دة انت جامد والناس كلها بتتخم على كدة

المهم وخلاصة القول ........كلعربية وحسب حالتها ............وكماليتها وفئتها
بالنسبة للبومة الي بتدور عليها عندك فية منها
اولا خليجي و مصري
1300 اوتو و 1300 عادة
1600 اوتو و 1600 عادة
دة غير فئة السوبر أكشن الي موديل 2008 بيوصل معاك ل 90 الف لو حالتها ممتازة

فحدد انت عايز اصلا تدفع كااااااااااام وهو دة العامل الاساسي عشان تختار منهم

حكاية بأة دة واحد جايب و واحد بايع ........ خد الكلام من هنا وطلعة من هنا


وحقولك على كام حاجة تساعدك كتير.......الاوتو مفيش اسهل ولا اريح منة .. وأعطالة معدومة طول ما انت يبتستعملة صح وبتديلة سيانتة في وقتها طبعا ( زمن الترفيس بالمانيوال انتهى)
والطلب على الاوتو زايد جدا الفترة دي لان على الاقل اصبح فية ناس بتصلحة ودة بجانب الاستيراد .........الي هو بدل ما تصلح تجيب واحد لو وصل معاك الف ونص ولا حاجة وهو بخيرة كدة انت الكسبان ........ و دة لو اباظ اساسا لان دة اوتو ياباني !!!! لية كامل الاحترام , وحكاية الكام لتر بنزين زيادة في الاستهلاك فدة ثمن الرفاهية بأختصار . وللعم طول ما الموتور مظبوط صح حتلاقي الفرق لا يزكر وعن تجربة ( انا عندي المانيوال و الاوتو ) وبقول طظ في المانيوال.

الف و تلتمية او ستمية ......... الضريبة هنا تخليني اقول 1300(وسمعت انها حتنزل على ال 1300 كمان الفترة الي جاية , ولو تلاحظ دايما اتجاة الشركات ميال لتصنيع مواتير صغيره بكفاءة واداء اعلى (وعشان كدة وصلو للانجكشن)) بالاضافة لفرق البنزين.....انت مش مهتم بالفرق هات 1600.......... و كدة كدة ال 1300 حيكفي وزيادة

خليجي او مصري هات مصري طبعا لاعادة البيع و توافر جميع قطع الغيار لدرجة جوان او اويل سيل

سوبر اكشن او عادي بأة دي ترجع للفلوس وطبعاااااااااا السوبر اكشن

حوضحلك دي ........السوبر اكشن عندك عفشة رياضي وفتحة سقف كهربا و جنوط اسبور وطبعا اصلي مش الزبالة المتداولة في السوق ومش فاكر فية اسبويلر ولا لأ بس مش حتفرق في اسبويلر
فكل ما تدفع اكتر تجيب افضل

معلومة :- اقل بومة ( عادة مش اوتو و عادية جدااااااااا بسسسسسس نضيفة وبحالتها ومارشتش دواخل فعلا مش حتلاقيها اقل من ستة وستين سبعة وستين ) يعني دي بدايتك
متهيألي انت كدة حتنزل تشتري النهاردة
وشكرا

[megamoudy]

انا متشكر جدا لرد حضرتك ....... طمنتني كتير

[S O P H O S]

60 ولانسر صعب
زود شوية وشوف الصني او الميجان الخ
موفق اخي الكريم

[megamoudy]

الله يكرمكو

طيب 65 شغال ولا هتعب :d

[Hesham94]

سيبك من اللانسر لان فعلا اسعارة مستفزة جدا !!!

الميجان 2006 حالات شاذة اخرها 60 الف او ازيد شوية صغيرين

او زود وهات فيرنا او لوجان زيرو واهو افضل من 100 عربية استعمال

[megamoudy]

شكرا لنصيحة حضرتك

:)

[motoxp]

النترا 2005 او 2006 والله عرية ممتازة فى كل حاجة و متقلش عن اللانسر بس ممكن تزود ل 67 الف عشان تبقى حالة كويسة

[megamoudy]

شكرا لنصيحتك

[Hesham94]

انا حقول لحضرتك حاجة كدا انا اعرفها ومتاكد منها

شوفت مواقع يامه بتاعت عربيات وبتبين مزايا وعيوب السيارات

طبعا كل عربية لازم ماتبقاش كامله ( الكمال لله وحده )

بس والله شوف كدا عيوب الميجان مش حتلاقيلها ولا عيب تصنييع وعربية برقبة الفففف لانسر مع احترامى لملاك اللانسر

الاوروبى ركوبه تانيه خاالص والله

انا والدى معاه تمساحة من سنه 80 من الزيرو اقسم بالله العربية دى افضل من اى عربية جديدة وعمرها ماكسفتنى فى حاجة وفخامة ووالوالد مش راضى يفرط فيها ابداااااا

وادى لينك للمزايا والعيوب

Renault Megane (2006 - 2009) - Prices & Specs - Drive Arabia >> UAE (Dubai / Abu Dhabi), Saudi, Oman, Qatar, Bahrain, Kuwait & GCC

وادى لينك للانسر

Mitsubishi Lancer (2004 - 2012) - Prices & Specs - Drive Arabia >> UAE (Dubai / Abu Dhabi), Saudi, Oman, Qatar, Bahrain, Kuwait & GCC

[ehab1eg]

انا جايب لانسر بومة اوتو 1300 حالتها زيرو...و ماشيه 38000 كيلو ب 76000 جنيه اوائل فبراير اللي فات....اللي يقول لانسر موديل فوق 2006 اقل من 74000 يبقي بيفتي يا أما العربيه حالتها زفت............ونصيحه...لو تقدر تكمل فلوسك و تجيب لانسر تبقي كده تمام...

[Hamdy22]

ابعد عن الميجان ام 60 تصل الى 120 مصاريف حساسات وتغيير رفارف فايبر وايضا الفتيس وما ادراك مالفتيس

[megamoudy]

طيب ايه الاخبار الاوتو ف ال 1300

تقيلة فعلا ولا مقبوله

[Hamdy22]

انا عندى بومة 1300 مانيوال ماشاء اللة فى كل شىء مو 2005 احسن من الاوتو