مساعده في فتيس لانسر cvt

[VTC]

بسم الله الرحمن الرحيم
السلام عليكم ورحمة الله وبركاته

الموضوع وما فيه يا جماعه الخير اني حصلت عندي مشكله في فتيس العربيه
وانا ماشي سمعت صوت زي كابل بينقطع وفجأه العربيه مورت لوحدها ومش راضيه تدي غيار ابدا
لما اجي انقل على الـ R او D او Ds او L
العربيه تفضل مموره
يعني مثلا لما اجيب ال D اللمبه عندي في التابلو تنور وفي نفس الوقت لمبه الـ N تفضل تنور وتطفي

علما بأني المفروض هغير زيت الفتيس
العربيه موديل 2006 1.6 فتيس CVT قطعت حوالي 175,000
وياريت لو حد يقدر يفيدني في حل المشكله دي ويقولي ايه السبب في الموضوع دا
ولو حد يعرف ميكانيكي كويس في اسكندريه بيفهم في الفتيس دا
وياريت كمان حد يفيدني منين اشتري زيت الفتيس الاصلي من اسكندريه

اسف على الاطاله وشكرا مقدما

[smsm_nabawy]

طيب ايه رأيك بقا يا كابتشين ! !ان العربية دي مش سي في تي ؟؟

[smsm_nabawy]

أنت أصلاً عربيتك مانويل يا ساحبي :)))

:p :p

[VTC]

انت تاني ؟
مش هرد عليك
هخلي رجاله القسم هما الي يردو xD

[almoslem233]

اطلع بيها عالتوكيل اضمنلك وريح دماغك

[handtools123]

قطع السير المعدني الداخلي للفتيس

[smsm_nabawy]

فعلاً ده الي حصل ،، الي حصل أن الكاتينة الي جوا الفتيس أتقطع !! و الثمن لوحده 1200 جنيه غير المصنعية !

[MR . Gold]

فعلاً ده الي حصل ،، الي حصل أن الكاتينة الي جوا الفتيس أتقطع !! و الثمن لوحده 1200 جنيه غير المصنعية !

طيب معلش علي اد معرفتي بالانسر والسي في تي اللي اعرفة ان الفتيس السي في تي مش بيتفك ولا يتصلح ولو انقطع السير يحتاج تغيير الفتيس ككل وليس لة قطع غيــــــــاااااار

[smsm_nabawy]

بظبط ،، مهو علشان كده موودي حيغير الفتيس كله !!

لأن الراجل قال الفتيس كبس !!

زي العلبة الكلبسات !! :))))

نياهاهاهاهاه =))))

فهو دلوقتي بيدور على واحد استيراد :)

[mazagngi2010]

رغم انه فتيس تحفه ومحترم بس اى عطل فيه بيبقى لعنه مفيش تفاهم

[wdramiz]

حصلت لي مشكلة في الفتيس تكلف الاصلاح حوالي 1000 جنية وبعد اسبوع خرب وكانت العربية ماشية علي السرعة الثالثة فقط وفي النهاية قمت بتغيرة بواحد استيراد .......الراجل خد القديم واعطاني واحد استيراد وخد 3000 غير زيت حوالي 500 جنية ومصنعية الميكانيكي 250 جنية
وهذا للعلم وربنا يعينك

[VTC]

انا خلاص هغير فتيس ان شاء الله

حصلت لي مشكلة في الفتيس تكلف الاصلاح حوالي 1000 جنية وبعد اسبوع خرب وكانت العربية ماشية علي السرعة الثالثة فقط وفي النهاية قمت بتغيرة بواحد استيراد .......الراجل خد القديم واعطاني واحد استيراد وخد 3000 غير زيت حوالي 500 جنية ومصنعية الميكانيكي 250 جنية
وهذا للعلم وربنا يعينك

الف شكر يا باشا على المعلومه دي

[أبو إياد]

سالت عليه والله يا مودى وللاسف السعر مش اقل من 3500ج علشان الطلب عليه بقا كتير مش زى الاول

[VTC]

سالت عليه والله يا مودى وللاسف السعر مش اقل من 3500ج علشان الطلب عليه بقا كتير مش زى الاول

الف شكر يا باشا , معلش انا عارف اني تعبتك معايا :)

[zazaza20002000]

انا العربيه عندي بتخرف احيانا تيجي مره واحده وانا مديها الدي مترضاش تمشي وخاصة لما اغسل الموتور افضل ازود جامد لغاية متطلع وبعدين تظبط واحيانا لمبة الان تنور وتطفي ايه العمل؟