الفتيس الستيبترونيك الجديد

[hythum]

كنت عايز اشترى متسوبيشى سوبر اكشن مستعمله ولقيت ان فى نوعين فتيس طبعا مع اختلاف الموديلات فكنت عايز اعرف هل ظهر مشاكل فى الفتيس الجديد و لا مفيش مشاكل يعنى من الاخر انهى الاحسن

[mkhayiat]

طبعا حضرتك بتتكلم على الفتيس الاوتوماتيك....ان كان فعلا فشوف يا سيدى
الفتيس الاول cvtودا بيكون عباره عن ترسين متغيرين فى القطر وبنهم سير حديد على كاوتش .....فتيس ناعم جدا ومفيهوش احساس بالغيارات تماما وبيزود قوه العربيه لانه بيقلل الهدر فى القوه اللى بين النقلات وخاصه عند صعود المرتفعات زى مطالع الكبارى مثلا....عيبه ان لو متعملوش صيانه كويسه ولا قدر الله السير اتقطع لازم تغير الجير بوكس كله
الفتيس التانى هو الستبترونيك وهو فتيس اوتوماتيك عادى مع امكانيه تحريك عصاية الفتيس لحاره تانيه صغيره حتى لو انت دايس بنزين فتتحول العربيه لمانيوال (يعنى تقدر تتحكم فى نقل السرعات) فتدى عزم للعربيه فى الغيار ومتغيروش الا لما انت تغيره لسرعه اعلى ولما انت تقلل السرعه الفتيس ينقل للغيار الاقل اوتوماتيك.......طبعا الفتيس ده بتحس فيه بالغيارات وان كانت بدرجه مش كبيره....بس ميزته انه لو فيه عطل يتصلح يعنى ميتغيرش كله زى الcvt بس بيقولو ان استخدام خاصيه الستبترونيك كتير ممكن احيانا يعلق (انا مش متأكد بس يقال كده)
..........هو دا اللى اعرفه عن الاتنين جير بوكس ....انا شخصيا معايا ستبترونيك بس عربيتى 2012 وهو جير ناعم ونقلاته تحس بيها بس مش اوى وغالبا مبستعملش خاصيه الستبترونيك .......اما عن نصيحتى الشخصيه اذا كنت ضامن صاحب العربيه انه صاينها كويس خد ال cvt اما لو مش متأكد خد الستبترونيك عشان حتى لا قدر الله لو فيه حاجه ممكن يتصلح مش يتغير كله....وربنا يوفقك للصالح دائما

[Samooh_2003]

انا كان معايا لانسر 2007 سي في تي و بصراحة ماكنش فيها الهوا بس كانت صيانتها في وقتها وبعتها على 170000 كم وماكنش فيها حاجة والله وزي الفل واحساس السي في تي جميل جدا بس فعلا عيبه لو السير حصلو حاجة بيكلف كتير ودلوقتي معايا ال الاستربترونيك 2010 بصراحة كمان جميل جدا وعملي بس فرق بتحس بالنقلات وصوت العربية بقى اعلى بس الاتنين بصراحة ماحصتش بفرق مع ان السي في تي انعم بس الواحد بيدور على الاحدث برده وريح دماغك وانشالله هايفيدوك اكتر الاخوا هنا

[hythum]

شكرا للرد
الف شكرررررررررررررررررررررررررررررر