البومة بتسخن لية

[Hamdy22]

الكل حدد العطل اما غطاء الرايدراتير او طلمبة المياة اوجوان وش السلندر او الحساس الحرارى ولكن فنى تصليح رايدراتير قام بفك الفلانشة المتصلة بالخرطوم المياة المتصل بالموتور واخرج منها حاجة مثل السكس بلف وقال دى مواصفات اوربية ولا ليها اى لازمه وبعد زالك السيارة اصبحت تمام هل صح ام غلط

[MR . Gold]

الكل حدد العطل اما غطاء الرايدراتير او طلمبة المياة اوجوان وش السلندر او الحساس الحرارى ولكن فنى تصليح رايدراتير قام بفك الفلانشة المتصلة بالخرطوم المياة المتصل بالموتور واخرج منها حاجة مثل السكس بلف وقال دى مواصفات اوربية ولا ليها اى لازمه وبعد زالك السيارة اصبحت تمام هل صح ام غلط

ياباشا دي الترموستات ودة منظم لدرجة حرارة السيارة يعني لازم تركبة تاني ولو فية عطل ومش بيفتح حاول تغيرو انما لازم وجودة في السيارة لانة مهم جدا .. وممكن تسال الباشمهندس / طارق وهو يفيدك اكثر .. وتقبل تحياتي

[yoga]

تشترى واحد جديد وتركبه افضل ... لكن فيه ناس كتيرر بيشيلو التيرموستات وعااادى

[SAMEH_FOUAD]

اسف لتدخلى

بس اللى حضرتك شيلتة دة اسمة ثيرموستات الكوعة ودة ليعا ثلاث وظائف منهم اتنين بيبان تأثيرهم فى الشتاء

1- سرعة تسخين السيارة اثناء الصباح تحت درجة حرارة منخفضة نسبيا مثلا 15 درجة

2- المحافظة عند السير بسرعة عالية على ثبات مؤشر الحرارة عند مكانة الطبيعى

3- المحافظة على درجة حرارة المحرك بما يتلائم مع درجة حرارة الجو الخارجية فلا يؤثر على وش سلندر المحرك وخصوا فى جو الشتاء

يعنى فى الصيف مش هتحس بتأثيرة لكن اول لما الشتاء يجى اتفرج على اللى هيحصل

بالنسبة لمشكلتك اسباب ارتفاع درجة الحرارة

1- الردياتير عايز يتغير مش بعترف بالتنظيف

2- استبعد طلمبة المياة عشان مش هيبان ضعفها غير وانت واقف او انت على السرعات العالية فوق ال130

3- شوف المياة بتنقص ولا لأ

4- بالنسبة لجوان وش السلندر لو فية اى انخفاض فى مستوى اداء المحرك , انخفاض فى مستوى سائل التبريد بدون وجود تسريب اعرف كدة انة منة وعموما ممكن تكيف على كبس الدورة

وممكن كمان تعمل الاختبار بنفسك :

1- افتح غطاء الردياتير وتبقى عينك علية
2- دور العربية لو المياة طلعت خارج فتحة الردياتير يبقى كدة فية نفخ فى الدورة وعايزة جوان
3- امشى مشوار كويس وبعد كدة اركن على جنب وخلى العربية دايرة واضغط على خرطوم الرديايتر العلوى لازم يكون ناشف جدا لان دة بيبقى دليل على عدم وجود تسريب لكبس دورة الرديايتر

* غطاء الردايايتر مايسخنش العربية غير فى حالة واحدة لو كان هو السبب فى نقص مياة الردياتير لانة مش بيفتح الصمام بتاعة اثناء ارتفاع الضغط عشان يودى للقربة ويخف الضغط الناتج من ارتفاع الحرارة

يعنى لو العيب من غطاء الردياتير هتلاقى الردياتير بينقص والقربة بحالها

[Hamdy22]

شكرا لك منسق قسم هوندا ولكل من شارك للافادة