لاهل الخبرة هناك هزه بالطارة مع الضغط على الفرامل

[elamerstar]

الى خبراء المنتدى
بعد التحية
هناك هزه بالطارة مع الضغط على الفرامل فقط وعلى السرعات العالية من 120 ك فما فوق
علما بان السيارة لانسر بومة رياضية كاملة اوتو
مع العلم بان السيارة على جميع السرعات بدون الضغط على الفرامل لايوجد اى شى او هزات بالطارة
مع العلم ايضا ان الزوايا 100 %
الترصيص الجنوط 100 %
فما هو السبب اخوانى ارجو الافادة لو تكرمتم

[momo44]

الطنابير بها ريجة
وتحتاج الى خرطها او تغييرها

[ahmed_mido1889]

غير الطنابير وهات معاها تيل نضيف

[mohamedmasoud]

اخرط الطنابير عند اي عفشجي وهات تيل فرام اسباني ب 110
ورصص تاني بس
وشوف الفرق

[ahmed_mido1889]

خرط الطنابير بيضيع المعالجه الحراريه ليها

هتعمل عالي وواطي تاني

[elamerstar]

بالنسبة للطنابير انا سالت ميكانيكى قالى انه طالما لا تكون هناك هزه فى بدال الفرامل عند الضغط عليها فى السرعات العالية فلا توجد اى مشكلة فى الطنابير
وبالفعل لا توجد اى هزة فى بدال الفرامل مع الضغط عليها
برجاء تقديم حلول اخرى لانى تعبت بصراحة

[أبو إياد]

ممكن تعمل استبدال للجنوط والكاوتش الامامى بالخلفى وتجرب وتقولنا فى اختلاف ولا لا ؟

[abubakr1234]

روح مس الطنابير

[robinhood]

دة ميكانيكى كسلان ,خلية يفك العجل و يشوف حالة الطنابير

كسلاان

[oyosof]

حل المشكلة هو خرط الطنابير على مخرطة خاصة بالطنابير وليس مخرطة عادية والنقطة الفنية فى الخرط على المخرطة الخاصة بالطنابير هى تثبيت الطنبورة على المخرطة ثم يقوم الخراط بخرط او مسح الوجهين للطنبورة بدون فك الطنبورة من على المخرطة نهائيا لاكمال خراطة الوجهين و لو ما يهمكشى الفلوس هاتشترى طنابير جديدة

[onsi]

مشكلة الرجة حاجتين
مشكلة كاوتش ودي تعرفها بعمر الفردة واستهلاكها او لو خدت فرملة جامدة والفردة خادت عوجة ودي بردة تعرفها عند واحد محترف زي فيت اند فيكس
الحاجة التانية ان تكون الطنابير عايزة خراطة لان بيها تعريجة ودي بتيجي لما بتحط تيل مش اصلي وحلها انك تخرط ودي عادية وانا عملتها وبعدين تجيب تيل نضيف شوية ويفضل الاصلي ب ٤٠٠ جنية

[hany63]

غالبا ده بسبب ان في السرعه العاليه الفرامل بتخلي الاحتكاك عالي جدا و الطنابير بتسخن فبتحس بالرجه
عشان لو فيه مشكله في الطنابير كنت حسيت بيها من بعد ال60
عموما شيك على ترصيص الكاوتش الخلفي

[limo]

ممكن تكون مش مشكله طنابير لان انا عندى نفس المشكله بتكون على سرعه من 120 الى 150 والغريب انها سعات بتحصل وسعات لا مع العلم انى بغير للتيل الاصلى من ساعه ما جبت العربيه وعمرى ما غيرته بعد ما خلص

[hany63]

ممكن تكون مش مشكله طنابير لان انا عندى نفس المشكله بتكون على سرعه من 120 الى 150 والغريب انها سعات بتحصل وسعات لا مع العلم انى بغير للتيل الاصلى من ساعه ما جبت العربيه وعمرى ما غيرته بعد ما خلص

اول دوستين على الفرامل هتبقى من غير رجرجه عشان الطنابير بارده بعديها الطنابير بتسخن وترجرج

[fsfs8]

انا رأيي عن تجربه انك تشوف الجنوط اللي وره وقدام هتلاقي فيهم واحد او اتنين فيهم رفه وتستعدلهم علي مكبس عند اشرفكو مثلا اللي في المطريه وانسي الكلام