دعوة للمتسوبيشية لتوحيد قطع غيار عربياتنا

[Amr Axel]

بسم الله الرحمن الرحيم
السلام عليكم و رحمة الله و بركاته

طبعا الناس اول ما هتشوف العنوان هيستغربوا لكن لما تقرأوا الموضوع ده هتاخدوا بالكم من قصدي

http://www.nilemotors.net/Nile/289056-a.html (قطع غيار نيسان هي قطع غيار سوزوكي و البقية تأتي !!!)

و ده اقتباس من الموضوع

نيجي للمهم يا صقور النيسان

من كام يوم زميل ينتمي لنسور السوزوكي معاه اس اكس فور SX4

كان بيسأل ع قطع غيار اس اكس فور SX4 تحديدا تيل الفرامل الأمامي لأنه مش في القاهرة و مش عارف يجيبه فقولتلوه يا اما يشوف التوكيل ياما يفك التيل و يولف عليه تيل من عربية تانية

http://www.nilemotors.net/Nile/287551-sx4.html

و اذ يتضح ان تيل الفرامل هو هو بتاع النيسان غالبا الصني !!!

طب يعني كده ممكن قطع الغيار الداخلية تطلع هي هي و نقدر نولف من هنا لهنا
لوملقناش هنا يبقي هنا ايه رأيكم ؟؟؟
و اعتقد ان الموضوع مش هيكون مستحيل لسبب بسيط احنا الاتنين نفس التوكيل و الاتنين ياباني فممكن أغلب القطع البسيطة ديه بتنزل زي بعضها باختلاف الموديلات
بل بالعكس ممكن نشوف للسوزوكي و النيسان في الهوندا و التويوتا

زي مثلا تيل الفرامل في الماروتي هو تيل هوندا سيفيك 88
و ابلاتين ماروتي تقريبا هو ابلاتين تويوتا كورولا موديل تسعينات تقريبا

فممكن في الماروتي و الالتو برده نشوف قطع غيار نيسان
او نشوف قطع غيار النيسان و السوزوكي عامة لو ملقناش قطعة معينة و مزنوقين نفكها و ندور عليها عند قطع غيار الهوندا و التويوتا او متسوبيشي كمان بما انهم كلهم ياباني لأني لاحظت في العربيات الياباني ان القطع الغيار بتتشابه باختلاف الموديلات

ايه رأيكم في الكلام ده ؟؟؟

فايه رأيكم يا رجالة لما نولف من بعض
و نعمل موضوع متجدد مثبت في كل قسم من الياباني لكل قطعة و نسختها في الموديلات التانية
و عملت دعوة برده لأغلب اقسام الياباني للمشاركة

[A7MED_PHARMA]

هي الفكرة جامدة
بس دي إلي يعرفها أكتر .. واحد يكون معاه لانسر مثلا .. معاه عربية تانية أو كان راكب عربية تانية
علشان يكون جرب موضوع قطع الغيار


.
مممممممممممم

بس الفكرة هايلة ياأكسيل

[ossamayk]

يا ريت كان فيه قطع غيار توافقية بين اللانسر وحاجة كوري زي اللانوس مثلاً

[mohammedabdallh]

موضوع مميز يا اكسل باشا
مثلا فلتر هوا الكرستاله هو هو بتاع الكورى عربيات كتير وتمنه 25ج

والى يعرف حاجه يكتبها

[Amr Axel]

هي الفكرة جامدة
بس دي إلي يعرفها أكتر .. واحد يكون معاه لانسر مثلا .. معاه عربية تانية أو كان راكب عربية تانية
علشان يكون جرب موضوع قطع الغيار


.
مممممممممممم

بس الفكرة هايلة ياأكسيل

احمد باشا عامل ايه ؟؟
ايه يا راجل فينك كل المدة ديه مختفي اختفاء تام حمد الله ع السلامة


انا بفكر ان كل واحد اي قطعة يغيرها يشيلها عنده و نشوف عليها و نتجمع في يوم واحد بلانسر و واحد سوزوكي و واحد هوندا و نيسان و نشوف مع بعض ع الاقل سيور و تيول بوجيهات الخ الخ

و راجعوا الموضوعين دول

http://www.nilemotors.net/Nile/289056-a.html

http://www.nilemotors.net/Nile/289060-a.html

انا عملتها مبادرة في كل الاقسام بس الهوندا لسه مصدومين ههههههههههههههه

[Amr Axel]

يا ريت كان فيه قطع غيار توافقية بين اللانسر وحاجة كوري زي اللانوس مثلاً

لا اكتشفت ان قطع غيار الكوري زي بعضها
و الياباني زي بعضه :)

[Amr Axel]

موضوع مميز يا اكسل باشا
مثلا فلتر هوا الكرستاله هو هو بتاع الكورى عربيات كتير وتمنه 25ج

والى يعرف حاجه يكتبها

اعتقد أغلب فلاتر الهوا بتتشابه سواء الفلات سواء مستطيل او مستطيل والاطراف مختلفة او المدور
المهم في باقي الموديلات و يلا همتك معانا
انا عن نفسي بدور ع فلتر ليا لأن فلتر الهوا عندي 55-60 ج :(

[husseinthemaster]

'طرمبة المياة بتاعة البطة والكريستالة هي نفس بتاع الاكسيل كاوتش الصبابات بيض البارات بتاع البطة واحد فلتر الزيت سير الكاتينة كوبلن البطةهو بتاع الاكسيل طمبورة البطة هي نفس طمبورة الكريستالة

[bito]

متابع بهتمام

[A7MED_PHARMA]

مممممممممم

طيب هزود معلومة مالهاش دعوة بالموضوع
صبابات الكريستالة .. مش هي صبابات المكوة مع إن الموتورين 1300 كاربيراتير لانسر

[momo44]

فكرة جميلة

[Mohammedgamal]

ta2m el debriage bta3 el cristala 1300 w 1500 howa howa bta3 el excel

sorry for franko bas m3ndiish 3rby wallahi

طقم الدبرياج بتاع الكريستالة 1300 و 1500 هو هو بتاع الاكسيل

سوري للفرانكو بس معنديش عربي والله

نرجو الحرص على الكتابة بالعربي مستقبلا

او الكتابة انجليزي بلغة بسيطة

مشرف القسم

[Amr Axel]

'طرمبة المياة بتاعة البطة والكريستالة هي نفس بتاع الاكسيل كاوتش الصبابات بيض البارات بتاع البطة واحد فلتر الزيت سير الكاتينة كوبلن البطةهو بتاع الاكسيل طمبورة البطة هي نفس طمبورة الكريستالة

طب تمام انا لاحظت ان فيه تشابه في حاجات كتيير بين الكريستالة و البطة و الاكسيل
المهم الموديلات الاحدث زي البومة

[Amr Axel]

مممممممممم

طيب هزود معلومة مالهاش دعوة بالموضوع
صبابات الكريستالة .. مش هي صبابات المكوة مع إن الموتورين 1300 كاربيراتير لانسر

معلومة جديدة و ديه تفتح المجال ان الصبابات تكون في انواع تانية برده

[tarekiooo]

معقول الكلام ده
حد جرب الموضوع ده قبل كده؟