سؤال من مبتدئ وأرجو الرد

[temo2005]

أنا ربنا كرمنى الحمد لله وجبت لانسر 1300 أتوماتيك موديل 2006 عامله 130000 كيلو أشتريتها ب63 ألف بس بعد فتره أكتشفت ان الصدر متغير
أولا: هل السعر كويس ؟
ثانيا: هل لما هأجى أبيعها هأخسر فيها بسبب الصدر ده ولا لاء علشان بصراحه العربيه مريحانى قوى بس فى واحد قالى لو جاتلك بيعه كويسه ليها بيعها؟

ثالثا: أنا على طول بأمشى على ال دى بس مش عارف امتى أستخدم 2و3والال ولو مشيت على حاجه فيهم أنقل على طول على ال دى؟

أنا عارف أنى تقلت عليكم بس بصراحه ده من عشمى فى هذا المنتدى الملئ بالاعضاء المحترمين

وشكرا مقدما

[yousefsemsem]

الف مبروك
طالما مريحاك سيبها مش هياثر في حاجه الصدر الامامي في المشي لكن ياثر في اعاده البيه تاثير بسيط
وسعرها كده كويس مش غاليه ولا حاجه
هي سياسه عندنا غبيه شويه اننا نقول ده متغيرلها كذا وكذا حتي ولو سير كتينه هو غباء من المصرين
بره انشاله تكون معجونه اهم حاجه المكنه بس هو ده المصريين زي مابيقولوا التليفون ده مفتوح ده مش عارف ايه مهو كان بايظ هسيبه بايظ ولا اصلحه مثلا
فحضرتك ماتخدش علي كلام الناس وخليها معاك وربنا يكرمك باللي احسن منها
اما موضوع النقلات ديه مالهاش لازمه الا في المطالع القويه خليك علي d

[temo2005]

الف مبروك
طالما مريحاك سيبها مش هياثر في حاجه الصدر الامامي في المشي لكن ياثر في اعاده البيه تاثير بسيط
وسعرها كده كويس مش غاليه ولا حاجه
هي سياسه عندنا غبيه شويه اننا نقول ده متغيرلها كذا وكذا حتي ولو سير كتينه هو غباء من المصرين
بره انشاله تكون معجونه اهم حاجه المكنه بس هو ده المصريين زي مابيقولوا التليفون ده مفتوح ده مش عارف ايه مهو كان بايظ هسيبه بايظ ولا اصلحه مثلا
فحضرتك ماتخدش علي كلام الناس وخليها معاك وربنا يكرمك باللي احسن منها
اما موضوع النقلات ديه مالهاش لازمه الا في المطالع القويه خليك علي d

ألف شكر على الرد والأهتمام وربنا يطمن قلبك علشان أنا كنت متنكد قوى من ساعة ماجبتها وكنت حاسس أنى لما هأجى أبيعها هأخسر فلوسى كلها

[salah_86]

خد بالك من الفتى الكتير خلى بالك ان عربيتك لو خليجى لون الكبود من جوة هو والصدر مش بيكون بلون العربية بيكون سادة كدا زى الفبريكة خالص مش مرشوش بلون العربية خد بالك لحسن يكون فى حد بيفتى عليك

[momo44]

اى خبطة فى العربية من الامام هتأثر على لصدر
وكويس انه متغير
مادام مفيش اى حجة تانية يبقى مفيش مشاكل ان شاء الله

[S O P H O S]

طالما الحوض سليم مش مهم اوي الصدر
السعر معقول جدا
مبروك وان شاء الله خير ..

[A7MED_PHARMA]

هي طالما مغيرة صدر..يبقا كانت تقل شوية
المهم ياسيدي انها مريحاك

والسوق في مصر .. يوم عااااااااااااااالي ويوم وااااااااااااااااطي

[yousefsemsem]

في حجاه برضه بتباب لو الصدر متغير وبعدين بيكون بلحمات مش بتبان لان ده صاج بيركب علي صاج لو صنايعي تبان اللي شغال فيه هيتعرف لكن لو صانيعي كويس اذا كان متغير عمره مايبان بيبان لو مش عليه فلتو لكن لو متغير معمله فلتو عمره لو صنايعي يعرفه

[ossamayk]

طالما مريحاك بلاش تفرط فيها عشان متخسرش في بيعها خاصة إللي هيشتريها هيستغل نقطة الصدر دي

[matrix_amr11]

والله انت فنان سيبك انت :)

[matrix_amr11]

عربية محترمة وفكك من الناس , ومن غير ما اعرفك انت جايب تركب مش تبيع , اهم حاجة فى الدنيا انها تكون عجباك , معايا اختها 2008

سيبك انت , ال 1300 مريحة اوي فى البنزين خصوصا واحنا اوتوماتيك

ربنا يباركلك فيها ,, تمتع بقيادة اّمنــة d:

[temo2005]

عربية محترمة وفكك من الناس , ومن غير ما اعرفك انت جايب تركب مش تبيع , اهم حاجة فى الدنيا انها تكون عجباك , معايا اختها 2008

سيبك انت , ال 1300 مريحة اوي فى البنزين خصوصا واحنا اوتوماتيك

ربنا يباركلك فيها ,, تمتع بقيادة اّمنــة d:

شكرا لردك وفعلا العربيه الحمد لله مريحانى قوى بس بقى انت عارف لما تتعقد من حاجه ولا حد يعقدك منها

[Ayman999]

عربية كويسة جدا