تحسين اداء التكييف

[husseinthemaster]

السلام عليكم انا التكييف بتاعي مكنش عاجبني بصراحة لان تكييف البطة احسن منة ففكرت وكان في موضوع هنا عن نفس الفكرة وهو اننا نعزل ماسورة الساقع الخارجة من الكباس الي الكويل فجبت هواية سخان بتكون زي ورق الفويل بس تخين عنة وانشف ب30 جنية وقصيتها شريط رفيع ولفيتها علي ماسورة التكييف الساقع وفعلا فرق جدا التكييف لان الماسورة دية ماشية جنب فرن الشكمان غير البطة البطة كباسها عند سدر العربية وراء الموتور فبعيد جدا عن سخونية الفرن والشكمان عشان كدة تكيفها احسن ولان فريونها 12 مش 134 المهم بعد العزل التكييف بقي تمام تمام اقصي حاجة لو الجو نار 3 والعادي 2 او 1 وجربوا وقولولي وشكرا

[mohammedabdallh]

فكره لذيذه
بس ياريت صور يبقى افضل بكتييير

[port_smoker]

جميلة جدا الفكرة

[yoga]

تفاصب اكثر الله يكرمك ................... الصور ...نشترى الهوايه منين .............

[hhhhhm]

الفكره واضح أنها ممتازه بس بنستأذنك نعرف أسم ورق الفويل ده أيه ونجيبه منين ؟

[hhhhhm]

وياريييييييييييييييييييييييييييييييييت الصور الله يكرمك أنا بصيت على العربيه دلوقتى حسيت أن الماسوره مش قريبه قوى من السخان

[husseinthemaster]

شكرا علي كل الردود هو مش ورق فويل هو هواية سخان عبارة عن ورق فويل بس تخين زي اللي موجود في العربيات الاوبل علي ماسورة التكييف وهي ب30جنية وجبتها من شارع الجمهورية والصور حاضر وبالنسبة للماسورة مهما كان الشكمان بيطلع سخونية هتاثر برضة علي الخط الساقع وشكرا

[m_sebaey]

هوايه السخان نشتريها منين فى شارع الجمهوريه .
أسم المحل أيه اللى هنشتريها منه وهيه معروفه هناك باسم هوايه السخان ولا لها أسم تانى
وشكرا

[husseinthemaster]

ايوة معروفة هواية سوستة عند اي حد في ش الجمهورية

[m_sebaey]

أولا شكرا على الرد السريع يا باشا
أنا عربيتى لانسر بطه ينفع برده أعمل فيها هوايه السخان ده
,انت حضرتك تفضلت وقلت هنقطعها شرائح رفيعه ويا ترى هنثبت الشرائح أزاى على الماسوره ولا مجرد هنلفها
حول الماسوره وخلاص أرجو الأفاده وشكرا

[husseinthemaster]

العفو بس البطة مش محتاجة الا لو كان تكيفها مش مضبوط انت بتقطعها بحيث انك تلف الفويل علي الماسور وهو بتلف باليد لانة ناشف شوية ومش بيتفك يسهولة

[yoga]

طيب بيتلزق ازاى ولا هى دبل فيس

[husseinthemaster]

لا هو مقوي فبيمسك في الماسورة لوحدة

[bmya]

انا عامل الموضوع ده عندي بقالي يجي سنه ونص كده وكنت ناقل الفكره من قسم تويوتا
وفعلا الموضوع ده بيفرق اوي

[S O P H O S]

بس هو مش المفروض الفريون يتعرض لسخونة ؟؟؟