1300 اوتوماتيك و السحب و التكييف و البنزين

[Rsarabia]

يا ريت يا شباب حد يكون معاه لانسر 1300 اوتوماتيك و يحكى لنا شوية عن السحب و التكييف و استهلاك البنزين و كدا لانى مش عارف هل اللى عندى مظبوطة ولا ايه الحكاية ؟

[fahd_628]

ال 1300 الأوتوماتيك على كلام الأخوة هنا سيئة جدا فى السحب

فية اخ معانا حسبها جابت منعاة من 0-100 فى 21 ثانية

[Rsarabia]

ال 1300 الأوتوماتيك على كلام الأخوة هنا سيئة جدا فى السحب

فية اخ معانا حسبها جابت منعاة من 0-100 فى 21 ثانية

ايوة هى سحبها مش حلو بس ايه اخبار التكييف و استهلاك البنزين

[Hassan Khalil]

لانى مش عارف هل اللى عندى مظبوطة ولا ايه الحكاية ؟

طيب ايه اللي عندك .. و مانيوال و اللا اوتوماتيك .. و ايه الملاحظة بالظبط ..
عموما ..
*اللانسر ( حتكلم علي الاوتوماتيك ) من العربيات المستهلكة للبنزين .. معنديش علم الكتالوجات بتقول ايه .. انا باتكلم علي الواقع العملي ..
* الاستهلاك لم اقوم بقياسه بالضبط .. لكنها تكاد تكون قريبة من السيارات ال 1600 المانيوال ( مع التكييف داخل البلد )
* استهلاكها اسوأ من سيارات نفس الفئة كالسيتي و الياريس و السيريون
* العربيبة وزنها تقيل شوية .. يكاد يكون اثقل العربيات ال 1300 .. اضف لذلك الفتيس الاوتوماتيك + التكييف =
*طول ما انت ماشي في طريق عادي .. العربية زي الفل .. و لا توجد عليها ملحوظة .. تظهر مشكلتها( و انت مشغل التكييف ) في مطالع الكباري - خاصة و انت طالع من سرعة ضعيفة او من الثبات - او اذا كانت العربية فيها اوزان تقيلة ....عندها حتلاقي العربية بقت غلسة شوية .....
--------------
* كل اللي انا بقوله ده .. لا ينفي انها عربية كويسة جدا .. اعتمادية جدا ...متينة هيكل و صاج ( مقارنة بمثيلاتها من نفس الفئة ).. واسعة .. اتزان محترم جدا ..تمنها فيها .. قابلة بشدة للعب و الترويش .. لو حبيت تبيعها ممكن تبيعها بعد الفجر في الصحراء و حتلاقي الشاري في 5 دقائق.. و لو عايز قطعة غيار .. ممكن تلاقيها في اولاد رجب ..
********
العربية بقالها في مصر اكتر من 12 سنة 1300 اوتوماتيك .. و شغالة و زي الفل
---------------
شخصيا .. بحب جدا العربية دي .. مع التيدا .. و شوية عربيات تانية كمان :)
*

[Rsarabia]

انا زيك فى كل اللى قلته بالظبط استهلاكها عالطريق مفيش لكن اول ما تبقى فى الزحمة تلاقى العداد نزل كتيييير بس هى لو بتعمل 230 كيلو فى الصفيحة تبقى كويسة ولا مستهلكة ؟ و انا على طوول بشغل التكييف و الشمس دايما بتعاكس التكييف مفيش حل نمنع ان الشمس تدخل العربية ؟
واحد قالى على حاجة بتتحط على القزاز زى الفيمية بس شفاف خالص و قال مش بيدخل شمس و سعره 120 للعربية كلها هل حد جربه و هل فعلا مش بتدخل شمس و بالتالى تريح التكيف ولا لا ؟

[Hassan Khalil]

انا زيك فى كل اللى قلته بالظبط استهلاكها عالطريق مفيش لكن اول ما تبقى فى الزحمة تلاقى العداد نزل كتيييير بس هى لو بتعمل 230 كيلو فى الصفيحة تبقى كويسة ولا مستهلكة

بالتكييف .. تبقي كويسة ..

واحد قالى على حاجة بتتحط على القزاز زى الفيمية بس شفاف خالص و قال مش بيدخل شمس و سعره 120 للعربية كلها هل حد جربه و هل فعلا مش بتدخل شمس و بالتالى تريح التكيف ولا لا ؟

للاسف .. معنديش علم باسعاره و انواعه ..

[fahd_628]

واحد قالى على حاجة بتتحط على القزاز زى الفيمية بس شفاف خالص و قال مش بيدخل شمس و سعره 120 للعربية كلها هل حد جربه و هل فعلا مش بتدخل شمس و بالتالى تريح التكيف ولا لا ؟

دة حاجة اسمها V-kool و دة غالى جدا و فية منة انواع ممكن يوصل ل 7000 جنية و فية حاجات ب 2000 و ب 3000

[aly2008]

يا جماعه انا لسه شاري لانسر 1300 اوتوماتيك موديل 2007 و كنت راكب قبلها لانسر 1300 اوتوماتيك موديل 1999 و بجد انا حاسس ان ال2007 احسن كتير من حيث السحب و التكيف و كل حاجه واكيد ال1600 احسن من حيث تجميع السرعه و السير علي سرعات عاليه .بس ال1300 بردو حلوة و عمليه في استهلاك البنزين
انا كان نفسي في ال1600 و لما وقعت قدامي لانسر 1300 لقطه قولت اشتريها ولو طلعت وحشه ابيعها و اجيب ال1600 بس فعلا لما ركبتها حبيتها ومش هغيرها دلؤتي خالص

[medo_cars]

ياااااه محدش يجيب سيرة اللانسر 1300 اوتوماتيك اصل كل ما افتكرها بضحك وبفتكر زكريات قديمه

[Rsarabia]

يا جماعه انا لسه شاري لانسر 1300 اوتوماتيك موديل 2007 و كنت راكب قبلها لانسر 1300 اوتوماتيك موديل 1999 و بجد انا حاسس ان ال2007 احسن كتير من حيث السحب و التكيف و كل حاجه واكيد ال1600 احسن من حيث تجميع السرعه و السير علي سرعات عاليه .بس ال1300 بردو حلوة و عمليه في استهلاك البنزين
انا كان نفسي في ال1600 و لما وقعت قدامي لانسر 1300 لقطه قولت اشتريها ولو طلعت وحشه ابيعها و اجيب ال1600 بس فعلا لما ركبتها حبيتها ومش هغيرها دلؤتي خالص

انا برده كنت عاوز اجيب 1600 اوتوماتيك بس صاحبى عرضها للبيع و هى كانت 1300 قلت هو دا نصيبى بقا و خلاص

[Rsarabia]

ياااااه محدش يجيب سيرة اللانسر 1300 اوتوماتيك اصل كل ما افتكرها بضحك وبفتكر زكريات قديمه

يا ريت تقولنا تجربتك

[Hassan Khalil]

انا برده كنت عاوز اجيب 1600 اوتوماتيك بس صاحبى عرضها للبيع و هى كانت 1300 قلت هو دا نصيبى بقا و خلاص

نصيبك حلو وزي الفل .. وربنا يباركلك فيه

[شاهين - بنز]

ال 1300 الأوتوماتيك على كلام الأخوة هنا سيئة جدا فى السحب

فية اخ معانا حسبها جابت منعاة من 0-100 فى 21 ثانية

لأ بتجيبها في 14

http://www.youtube.com/watch?v=3biM3TcvdLE

بس بعد ال 150 فرق السما والأرض بينها وبين ال 1600
وكمان تفرق عن ال 1600 ب ألف RPM عند سرعة 140
يعني ال 1300 على 4 عند 140 كم
وال 1600 على 3 عند 140 كم

[som3aa]

و لو عايز قطعة غيار .. ممكن تلاقيها في اولاد رجب ..

:D:D:D:D:D

[Rsarabia]

احنا مش عاوزين لا 150 ولا 140 انا اخرى اصلا 80 :d و رضا كدا على الطرق الزفت بتاعتنا