الي ملووووك اللانسر

[zidane 10]

السلام عليكم

كان معروض عليا عربيه لانسر مودل 2009 اوتوماتيك علي 46

علي اساس انها كانت مقلوبه فرشت من فوق

بس الراجل اللي جايبهالي بيشكرلي فيها

وانا كده كده هكشف عليها لسه

انا لسه مشوفتهاش اصلا

بس مبدأيا كده ايه الكلام يا شباب ؟

[yousefsemsem]

مقلوبه وايه اللي متغير فيها بالظبط لان لو سقف الي متغير بس عمر سعرها ينزل كده انا معايا واحده بتاعت اخويا سوبر اكشن كامله اتوماتيك ومغيره سقف جيابنها ب76 الف واللي خلانا ناخدها انها مارشتش الا مكان اللحمات بس والسقف كان واقع عليه طوب هو ده اللي بوظه وفي فتحه سقف كمان لكن 46 الف دول ديه يبقي العربيه مغيره حاجات كتير وموديل 2009 يبقي فيها شك اكشف كويس وسيبك من اللي بيشكرلك فيها معلشي يعني ممكن يقولك كده علشان عمولته وتبقي العربيه معجونه وتقابلك مشاكل بعد كده

[mohammedabdallh]

46 الف ؟؟؟؟؟؟؟؟؟؟؟1!!!!!!!!!!
اكشف عليها كويس مش هقولك اكتر من كدا ومتسمعشى كلام حد غير التوكيل

[zidane 10]

تمااام الف شكر يا شباب

[hamdth]

انا من رايي تبعد عن العربيه ديه خالص

هيقابلك مشاكل بعد كده كتير
واحب اقلك حاجه منظومة العربيه فيها حجات كتير جدا حاجه واحده لما تكون مش مظبوطه ومش عارف توصلها بتعكنن عليك وبتكرهك في العربيه

وانا من رايي عندما تشتري عربيه يجب علي الاقل علي الاقل علي الاقل فابريكه دواخل ومفهاش بونطة لحام واحده

والله المستعان لك

[M.FOUAD]

روح شوفها الاول و على فكرة دة سعرها لو 1300 اوتوماتيك و مغيرة سقف

[zidane 10]

الف شكر يا رجاله وجزاكم الله خيرا

[yousefsemsem]

روح شوفها الاول و على فكرة دة سعرها لو 1300 اوتوماتيك و مغيرة سقف

معلشي ياباشا ديه سعرها ازاي وموديل 2009 واهو السقف بقي مش بينزل سعرها زي النص اللي بيتركب
لو قدامك واحده علي السعر ده وسقف متغير انا اشتريها من بكره وتكون موديل 2008 مش 2009 كمان
انا معايا بروتون ويرا 2004 واحد قريبي دفعلي 45 الف انا ماردتش بالرغم ان ده سعر كويس جدا كمان ان ابيع بيه واكون كسابن فيها جامد

[M.FOUAD]

يا باشا دية مغيرة سقف و غالبا هتلاقي كمان خبطة في وش العربية او الشنطة ما هي اكيد متقلبتش لوحدها و العربية لو دواخلها زيرو و راشة برة بس 1300 اوتو بتعمل 68-70 اخصم بقى عربية معيوبة تعمل كام
دة فية اختها مانيوال 1300 فضي واخدة خبطة في القايم الخلفي شمال بس و و راشة الحتة دية جوة و باقي العربية زيرو برة و جوة واللة اعلى سعر جة لحد دلوقتي 58و نص و العربية مع واحد معرفة لو حابب تشوفها

[yousefsemsem]

ايوه كده ياحج مهو بنقول انها لو بالسعر ده يبقي لابسه في حيطه ومش عيب انها تكون كده ومتصلحه مهو صاحبها برضه مش هيرميها واهي عربيه وبتنفع ولو انت لاقيها كويسه ومش باين فيها بهدله ومتصلحه بنضافه اتوكل علي الله وخدها