استشارة ممن يفهم جيداً فى اللانســر

[Seifmando]

السلام عليكم
الحمد لله بعت عربيتي من كام يوم و اصبح معايا 80 ألف بس رجعت للحيرة المعتادة بين الفيرنا الزيرو او البدائل الاخرى المستعملة (لانسر - مازدا - النترا - ميجان)
من ضمن البدائل دي بفكر فى لانسر بومة سوبر اكشن موديل 2008 بس مش عارف هل الـ 80 ألف يجيبوا فعلاً سوبر اكشن ولا لأ

والسؤال الاهم ازاي اعرف افرق بين السوبر اكشن الفبريكة وبين السبورت المتعدلة لانى عرفت ان ناس بتعدل السبورت وتخليها سوبر اكشن ويطلبوا سعر مغالى فيه
هل فيه حاجة اعرف منها الفرق بين الاكشن والسبورت
جزاكم الله خيراً

[ehab1eg]

اولا: ابعد عن الفيرنا...واشتري اي حاجه تانيه.
انا عن نفسي افضل اني اشتري كسر زيرو ...استفيد بفرق السعر و في نفس الوقت تكون عربيه حالتها كويسه...و بالنسبه للعربيه اللانسر...اعتقد انها افضل سياره ممكن تشتريها..و المواصفات حسب فلوسك ...بس فروقات الاداء بين طرازات اللانسر مش بعيده اوي

[Seifmando]

اولا: ابعد عن الفيرنا...واشتري اي حاجه تانيه.
انا عن نفسي افضل اني اشتري كسر زيرو ...استفيد بفرق السعر و في نفس الوقت تكون عربيه حالتها كويسه...و بالنسبه للعربيه اللانسر...اعتقد انها افضل سياره ممكن تشتريها..و المواصفات حسب فلوسك ...بس فروقات الاداء بين طرازات اللانسر مش بعيده اوي

باشا
أنا كنت بفكر في الفيرنا عشان زيرو بس يعني كمان خمس سنين علي ما افكر ابيعها
أنا عارف انها مش كويسة أوي بس زي ما بنقول أحسن الوحشين الزيرو

بالنسبة للفرق بين موديلات البومة عن تجربة السوبر أكشن سحبها أحسن من السبورت واللي هي طبعا أحسن من الكلاسيك
المهم أنا نفسي في واحدة أكشن اوتوماتيك بس مش عاوز انزل السوق وأخد علي عيني في تمنها لحسن تطلع في الاخر سبورت اوكلاسيك متعدلة فنفسي اعرف أزاي افرق بينهم بسهولة

[port_smoker]

استبعد لانسر واستبعد الميجان

لانسر .... عربية تصميم شعبى وامكانيات محدودة وصاج ضعيف وعفشة ضعيفة وسعر غير مناسب
ميجان.... عربية ممتازة بس مكلفة جدا فى الصيانة

مازدا .... عربية شديدة الاتزان على السرعات المرتفعة موتور قوى تجهيزات ممتازة صالون فخم وعفشة رياضية تستحمل
بس قطع غيار مكلفة

النتــرا.......... قطع غيار متواجدة بكثرة و اسعار مناسبة صالون جيد وليس بفخم عفشة ممتازة موتور 1600 dohc كامة 2
موفر للبنزين وقوى ايضا متزنة على الطريق و سهلة الصيانة جدا



النتــرا حققت مبيعات كبيرة فى اوروبا و امريكا وهى من السيارات المميزة

[Seifmando]

استبعد لانسر واستبعد الميجان

لانسر .... عربية تصميم شعبى وامكانيات محدودة وصاج ضعيف وعفشة ضعيفة وسعر غير مناسب
ميجان.... عربية ممتازة بس مكلفة جدا فى الصيانة

مازدا .... عربية شديدة الاتزان على السرعات المرتفعة موتور قوى تجهيزات ممتازة صالون فخم وعفشة رياضية تستحمل
بس قطع غيار مكلفة

النتــرا.......... قطع غيار متواجدة بكثرة و اسعار مناسبة صالون جيد وليس بفخم عفشة ممتازة موتور 1600 dohc كامة 2
موفر للبنزين وقوى ايضا متزنة على الطريق و سهلة الصيانة جدا



النتــرا حققت مبيعات كبيرة فى اوروبا و امريكا وهى من السيارات المميزة

بس أنا قصدي علي الالنترا ٢٠٠٩ مش ٢٠١٢
كمان سمعت من أصحابي اللي معاهم النترا ٢٠٠٩ انها مش ثابتة خالص ومن كلامهم استنتجت ان البومة اللي كانت معايا ثباتها اكتر من الالنترا بمراحل لدرجة أني كنت بأخد كل ملفات صحراوي إسكندرية علي ١٨٠ من غير اي هزة

[port_smoker]

هو عموما ثبات اى متسوبيشى قوى جدا جدا حتى بعد 160
بس توتل الامكانيات او مجمل الصفات الجيدة فى صالح النترا


هذة فى الاخر مجرد وجهه نظرى الشخصية وليس اكثر

[ehab1eg]

نصيحة عدم شراء الفيرنا هي عن تجربه شخصيه....هي غربية بتاعة جري بس بدون ثبات او امان.....بصراحة انا بعد النوبيرا ملقيتش عربيه تلبي طلباتي غير اللانسر (تجربه شخصيه) ...الالنترا ما قبل 2011 ممتازه و سعرها قريب من اللانسر....بس بصراحة الياباني حاجه تانيه...بغض النظر عن الفروقات بين السوبر اكشن و غيرها..وفي النهايه هذا رأيي الشخصي...و ربنا يوفقك

[MITSUKERO]

اعمل كشف علي السيارة في توكيل قليوب ب 180 جنية تقريبا و هتبقي مطمن علي الاخر علي الاقل

[Seifmando]

وجزاك الله كل خير انك نبهتنى لحاجة زي دي

اعمل كشف علي السيارة في توكيل قليوب ب 180 جنية تقريبا و هتبقي مطمن علي الاخر علي الاقل

فكرة جامدة جداً وكانت غايبة عنى
بس الــ180 جنيه دول شاملين الكشف كله يعنى موتور وعفشة واذا كانت رشة جوة او برة وشاسيه وكماليات و كمان يقوللى اذا كانت اكشن ولا سبورت ؟!

هو اكيد بيبقى مش فاتح الجمعة صح؟
ولو حبيت اروح عشان اكشف على العربية لازم ميعاد قبلها ولا اطب عليهم فجأة

وجزاك الله كل خير انك نبهتنى لحاجة زي دي

[أبو إياد]

السوبر اكشن هى الوحيده فى موديلاتها بفتحه سقف

[Seifmando]

السلام عليكم

السوبر اكشن هى الوحيده فى موديلاتها بفتحه سقف

ابــو ايــاد حبيبي

تصدق كنت هزعل جداً لو انت مكنتـش شاركت فى الموضوع دا
الــ 80,000 يجيبوا اكشن 2008 ولا يجيبوا اكشن موديل كم

[أبو إياد]

ابــو ايــاد حبيبي

تصدق كنت هزعل جداً لو انت مكنتـش شاركت فى الموضوع دا
الــ 80,000 يجيبوا اكشن 2008 ولا يجيبوا اكشن موديل كم

انا تحت امرك وشرف ليا اشارك فى موضوعك طبعا
المبلغ ده يخليك تركب سوبر اكشن رشه جانبين موديل 2007

[mohamedway]

بالنسبة للفرق بين موديلات البومة عن تجربة السوبر أكشن سحبها أحسن من السبورت واللي هي طبعا أحسن من الكلاسيك

لا توجد فروق فى السحب والأداء بين جميع موديلات الانسر البومه الـ 1600 حيث ان الموتور والعفشة هى هى بس الفروق ما هى الا كماليات فقط وربما تكون السبورت اللى انت جربتها كانت فيها مشكلة عشان كده ما عبكش سحبها.

[Seifmando]

السلام عليكم

أبو ايــاد يا صديقي
انا عرفت دلوقتى ان السبورت بتنزل بفتحة سقف زيها زي الاكشن

انا كدا اتلخبطت تانى
ايه رأيك ولا الموضوع مش جايب همه يعنى فرق الفلوس بين الاكشن والسبورت مش هيبقى كتير (يا دوب حق الفرش الجلد وبس)

[semi]

اشتري مستعمل طبعا احسن
ومش تشتري فيرنا جديد او لانوس او اي عربية تمنها اقل من 80
دي عربيات عقبال ما تفرج
بس انت هتتعب شوية عقبال ما تلاقي عربية كويسة ومضمونة
فضي نفسك اسبوع وعدي على كم عربية
العربية اللي تعجبك خد ميكانيكي معاك يكشف عليها
وبعدين استخير ربنا وتوكل على الله
نصيحة متخليش المظاهر تخدعك سواء العربية او صاحبها