إعـــــــلان

Collapse

.

,
See more
See less

خبراء الانصر 1600 الشكل القديم ناوى اشترى ياريت تفيدونى

Collapse
X
 
  • Filter
  • الوقت
  • Show
Clear All
new posts

  • خبراء الانصر 1600 الشكل القديم ناوى اشترى ياريت تفيدونى

    السلام عليكم ورحمة الله وبركاتة

    خبراء الانصر انا محتار والله بين الياريس 1300 والانصر 1600
    بما ان طبعاً الياريس سمعت انها مابتجريش فافكرت فى الانصر 1600
    عايز اعرف اللى معاة الانصر 1600 الشكل القديم مانيوال
    اية انطباعة عنها وعلى الطريق عاملة اية وفى السحب كمان والسرعة والعربية عايز اعرف مريحة فالسفر البعيد ولا لا
    لان انا اول مرة اشترى عربية وعمرى ماركبت الانصر ولا جربتها بصراحة
    وكمان عايز اعرف االعربية بتاعت جرى وكدة ولا لا واية هيا السرعة القصوى ليها اية
    وهل العربية 1600 الشكل القديم مانيوال بيكون فيها سبويلر ولا لا لان انا شفت لانصر فيها سبويلر كتير وشكلها بالسبويلر احسن بصراحة
    وكمان ياريت رقم توكيل مصرية

  • #2
    فينكم ياشباب

    Comment


    • #3
      المشاركة الأصلية كتبت بواسطة body مشاهدة المشاركة
      السلام عليكم ورحمة الله وبركاتة

      خبراء الانصر انا محتار والله بين الياريس 1300 والانصر 1600
      بما ان طبعاً الياريس سمعت انها مابتجريش فافكرت فى الانصر 1600
      عايز اعرف اللى معاة الانصر 1600 الشكل القديم مانيوال
      اية انطباعة عنها وعلى الطريق عاملة اية وفى السحب كمان والسرعة والعربية عايز اعرف مريحة فالسفر البعيد ولا لا
      لان انا اول مرة اشترى عربية وعمرى ماركبت الانصر ولا جربتها بصراحة
      وكمان عايز اعرف االعربية بتاعت جرى وكدة ولا لا واية هيا السرعة القصوى ليها اية
      وهل العربية 1600 الشكل القديم مانيوال بيكون فيها سبويلر ولا لا لان انا شفت لانصر فيها سبويلر كتير وشكلها بالسبويلر احسن بصراحة
      وكمان ياريت رقم توكيل مصرية
      ناخد كلام سيادتك واحدة واحدة
      *مين قال ان الياريس مبتجريش!!!!!!!!!!
      الياريس دي ( و خاصة المانيوال ) عربية بنت لذينا .. جراية جدا ..لدرجة اني كنت بخاف منها و انا مسافر بيها مرة علي الصحراوي .. علشان مكنتش متعود عليها ..
      *اللانسر 1600 عربية ممتازة ... استهلاكها في البنزين حيكون اعلي شوية من الياريس .. في السفر حتكون اريح شوية بحكم اتساع الصالون ( عرضا ) و شكل الكراسي ... صوت موتورها اعلي من الياريس ..اتزانها افضل من الياريس ...الاسبويلر مابينزلش مع اللانسر المانيوال.. بس موجود في كل حتة و في التوكيل و عند سبير كار و في كل مكان ..الوكيل ( مصرية ) موجود في اول شارع رمسيس امام جمعية الشبان المسلمين ..للاسف التليفون مش عارفه

      Comment


      • #4
        اهلا بيك يا استاذ body معانا في المنتدى

        اولا انا لفت نظري كتابتك لكلمة (لانصر) لأن كل الناس بتكتب (لانسرLancer) بس تصور انا عجبتني الفكرة اصل كل الناس برضه بتنطقها (لانصر) بس حسيت انها كده هتكون نصر لانصر مش ميتسوبيشي لانسر :) :)..

        هي الياريس بتقارن باللانسر 1300 اما اللانسر 1600 فأكيد المقارنة لصالحها

        المانوال سعرها في التوكيل 99000 ج ورقم تليفون (مصرية) المبيعات 19830
        كمالياتها : تكييف وباور وسنتر وريموت كنترول وايموبيليزر وزجاج كهرباء ومرايات كهرباء وفرامل ABS , EBD وايرباج واحدة للسائق واعتاب جانبية
        ضمان 3 سنوات او 100 ألف كيلو متر (ضمان الوكيل مصرية)


        بخصوص الاسبويلر فالاصلي في التوكيل غالي جدا والافضل تجيب واحد من محلات الاكسسوار (سبير كار مثلا) وده اعتقد في حدود 350 جنيه وفيه كذا موضوع هنا في منتدى ميستوبيشي عنه (ممكن تعمل بحث بكلمة سبويلر)
        [CENTER][SIGPIC][/SIGPIC][/CENTER]

        [CENTER][URL="http://www.nilemotors.net/Nile/255987-a.html"][SIZE=4][COLOR=blue]مصرية - ميتسوبيشي (صيانة وقطع غيار أصلية)2012[/COLOR][/SIZE][/URL][/CENTER]
        [CENTER][URL="http://www.nilemotors.net/Nile/60728-2.html"][SIZE=4][COLOR=blue]أنت تسأل واستشاري منتدى ميتسوبيشي يجيب 2009-2011[/COLOR][/SIZE][/URL][/CENTER]
        [CENTER][COLOR=darkgreen]مهندس / طارق زويل[/COLOR][/CENTER]

        Comment


        • #5
          الف شكر يااستاذ Hassan Khalil
          والف شكر ليك يااستاذ طارق "مصراوي جدا"

          وبالنسبة لكلمة لانصر انا اسف جداً انا كنت بكتب وانا مستعجل فامخدتش بالى

          انا كنت عايز اسالك يااستاذ طارق
          بالنسبة للانسر 1600
          مابتنزلش بسبويلر هل الاتوماتيك هيا اللى بتنزل بسبويلر ؟ ولاى النسخة الرياضية اللى هيا بـ 120
          وكمان عايز اعرف السبويلر هو بيكون شكل بس فالعربية ولا لية ميزة تاينة يعنى مثلا بيدى ثبات للعربية وكدة ولا لا اصل انا ماعنديش خبرة والله فالعربيات خالص واول مرة اشترى عربية فاهتلاقينى متردد
          انا عايز حضرنك تقنعنى بالانسر 1600
          وكمان ياريت ماتضحكش عليا انا ماعرفش يعنى اية ABS و EBD
          انا ماليش اوى فالعربيات
          وكدة انا باخد العربية كاشكل وكراحة وانها جراية وكدة لاكن انا ماعرفش الحاجات دى
          وكمان ياريت حضرتك تقولى هل الانسر 1600 يعنى بتاعت جرى وكدة وسفر كل يوم او لسفر بعيد يعنى مثلا 250 كيلو او 300
          وكمان عايز اعرب فى السحب عاملة اية اهم حاجة تقنعنى انها بتجرى لان انا بحب اجرى بالعربيات وكدة واسابق مع صحابي وكدة فامعلش استحملنى شوية واستحمل اسئلتى
          انا عايز اقتنع بالانسر انها بتجرى ومريحة فالسفر البعيد وكدة

          Comment


          • #6
            بالنسبة للانسر والكماليات فالموضوع متشعب شوية

            فيه لانسر مصري وده محدد كالتالي :

            - 1300 مانوال واوتوماتيك

            كمالياتها تكييف وباور وسنتر وزجاج كهرباء ومرايات كهرباء وريموت كنترول لفتح الابواب

            - 1600 مانوال واوتوماتيك
            ودي زي ما قلنا كمالياتها تكييف وباور وسنتر وريموت كنترول
            ايموبيليزر يعني مفتاح مشفر لا يمكن ان يدور المحرك بدون المفتاح الأصلي (يعني مانع للسرقة)
            مرايات كهرباء وزجاج كهرباء
            فرامل ABS يعني Antilock Brake System يعني نظام الفرامل المانعة للانغلاق ونظام EBD يعني Electronic Brake force Distribution يعني نظام توزيع قوة الفرامل على العجلات الأربعة ودي نظم متطورة في الفرامل وموجودة دلوقتي في كل العربيات الحديثة
            اعتاب جانبية وايرباج للسائق يعني كيس هوائي طبعا معروف

            - 1600 اوتوماتيك سبورت ودي بيكون فيها مجموعة كماليات ضافية عن المذكور في ال 1600 العادية وهي :
            سبويلر خلفي بلمبة فرامل داخلية - جنوط المونيوم اسبور - فتحة سقف - كساحات امامية واعتاب خلفية - فوانيس شبورة ودي اللي تمنها 120 ألف

            وفيه كمان 1600 اوتوماتيك سوبر اكشن موديل (سام) ودي هي نفسها السبورت لكن بتزيد فرش جلد طبيعي وسعرها 123 ألف

            - اما الخليجي فبتلاقيه في موضوع الكماليات ده سمك لبن تمر هندي يعني منوعات وعلشان كده المعارض بتسميها هاف سبورت لأنه بيجيب شوية كماليات من المذكورة وشوية لأ

            - موضوع السبويلر والثبات اعتقد المفروض انه بيزود الثبات للعربية انما بالتأكيد برضه معظم الناس بتركبه علشان بيدي شكل جميل جدا للعربية

            - بخصوص العربية في الجري والسحب والسفر فهي ممتازة جدا جدا في الموضوع ده وبشكل عام كل ما حضرتك قضيت مع منتدى ميتسوبيشي وقت اطول كل ما عرفت معلومات اكتر عن العربية
            [CENTER][SIGPIC][/SIGPIC][/CENTER]

            [CENTER][URL="http://www.nilemotors.net/Nile/255987-a.html"][SIZE=4][COLOR=blue]مصرية - ميتسوبيشي (صيانة وقطع غيار أصلية)2012[/COLOR][/SIZE][/URL][/CENTER]
            [CENTER][URL="http://www.nilemotors.net/Nile/60728-2.html"][SIZE=4][COLOR=blue]أنت تسأل واستشاري منتدى ميتسوبيشي يجيب 2009-2011[/COLOR][/SIZE][/URL][/CENTER]
            [CENTER][COLOR=darkgreen]مهندس / طارق زويل[/COLOR][/CENTER]

            Comment


            • #7
              هل يوجد انذار فى ال 1300 و ال 1600 و هل يوجد وحدة رفع؟؟

              Comment

              Working...
              X