فوجات بومة ٢٠١٢

[ahhazem]

صباح الفل يا شباب
انا سألت في التوكيل على الفوجات بتاعة البومة ٢٠١٢
وبسم الله ماشاء الله لاقيت الواحد لوحده ب ٢٣٠٠ جنيه ومحدش يقوللي ليه
المهم انا سؤالي بقى هوا
انا ممكن اشتري الفوجات دي لوحدي لو توصيلاتهم جاهزه وناقص يتركبوا بس واركبهم والا هتتهرش في التوكيل ويسقط الضمان ؟؟؟
وازاي اعرف ان توصيلاتهم جاهزه في العربيه الأول قبل ما اشتري
انا وانا بشتري في المعرض قالولي اني ممكن اعمل كده وان الحكايه كلها زرار بفيشه وفانوسين شبوره استيراد هيتركبوا في مكانهم بس
حد عنده فكره عن الموضوع ده

[Optiplex]

هو كان فى عضوو من فترة كان مر بالتجربة دة بس مش زيروو شرح فكرة تركيبهم و اعتقد كلة كلفة بتاع 500 جنية و فعلا لو انت حبيت تعملهم هايتلككو فنصيحة مش فارق تعملهم دلوقت و شايف ان ضئوهم مش قوى يعنى استنى لحد ما تخرج من الضمان و ابقى ركبهم بنفسك

[ahhazem]

بصراحة فوانيش الشبوره مهمه جداً في العربيه خصوصاً في شوارعنا الجميله اللي مش فيها بالليل ولا لمبه
علشان كده بسأل لاني مش عاوز استنى الضمان يخلص وبعدين افكر

[szaalouk]

2300 جم و طبعا غير الضريبه و مصنعيه التركيب

اللهم لا نسألك رد القضاء و لكن نسألك اللطف فيه

هو التوكيل فاكرنا بنطبع الفلوس و لا بنقطفها من علي الشجر...... يا ريت حد يجاوبني لو كانت بتتزرع ناخدلنا جنينه صغيره ولا حتي نزرعها في البلكونة .

[ahhazem]

2300 جم و طبعا غير الضريبه و مصنعيه التركيب

اللهم لا نسألك رد القضاء و لكن نسألك اللطف فيه

هو التوكيل فاكرنا بنطبع الفلوس و لا بنقطفها من علي الشجر...... يا ريت حد يجاوبني لو كانت بتتزرع ناخدلنا جنينه صغيره ولا حتي نزرعها في البلكونة .

لا متقلقش ياباشا
السعر ده بالتركيب والمفتاح هاهاهاهاهاهاهاهاهاها

احنا فعلاً بنطبع الفلوس وزارعين عندنا شجرتين بنكنوت فئة 200 وقربت تطرح

ياباشا التوكيل بيقولك اصل ده الاورجنال بتاع العربية والكلام الحلو ده ولو ركبته بره هتخرج من الضمان والحاجات اللي بتسمعها دي
مع ان انا اصلاً موش بستفيد من الضمان اساسا
ده انا كل ما اروح صيانة بادفع فلوس قد كده

حسبنا الله ونعم الوكيل