اللانسر ال 1300

[batros]

السادة اعضاء رابطة اللانسر .. محتاج مساعدة بسيطة .. عايز اجيب لانسر بومة اتوماتيك بس الفلوس اللى معايا تجيب ال 1300 مش ال 1600 .. فكنت عايز اعرف من الناس اللى مجرباها هل هى كويسة ولا لا ؟ عشان سمعت انها مش بتسحب حلو ومع التكييف والناس فى العربية بتكون العربية بطه خالص .. فهل الكلام ده صح ولا عادى
افيدونى
واسف للاطاله

[salah_86]

مش قوى كدا
العربية حلوة ماشاء الله بس طبعا بتفرق معاك فى الوقت اللى بتوصل فيه لسرعة 100 مثلا بينها وبين ال 1600

[ahmedShafie]

بص حضرتك انا كنت من ملاك الانسر وكانت معايا بومه موديل 2007 - 1300 سى سى

العربيه ممكن تكون معاك ماشيه زى البطه وممكن تمشى معاك زى الحلاوه

اهم حاجه وانت ماشى فى عز الحر ومشغل تكييف وتعمل مناورات مش هتجيب معاك خالص هتبقى سلحفاء مش بطه , اما لو على طرق مفتوحه وتشبع الغيار براحه كده مش كبس مره واحده العربيه هتبقى ميه ميه

طبعا 1600 احسن بكتير وهتحس بفرق شاسع

وبالتوفيق ان شاء الله

[batros]

thanks alot for salah & ahmed