هل يوجد فرق في الكماليات

[mragh]

السلام عليكم

هل يوجد فارق في الكماليات بين اللانسر ١٥٠٠ سبورت خليجي و المصري

مثلاً أعتقد أن المصري لا يجد بها زنون

شكراً

[tote_ide]

الخليجى بينزل فيها زينون وعدسات انما المصرى لأ
ويقال ان البساتم بتاعت الخليجى أكبر من بتاعت المصرى
والبويا والجلد بتاع الخليجى مصممة لكى تستحمل درجات الحرارة العالية

دى بعض المعلومات اللى انا ااعرفها

مع الاعتراف ان انا عربيتى خليجى

[مصراوي جدا]

الفرق بيكون كماليات فقط لا غير

يعني البوية هي هي والكلام ده من مهندس السمكرة والدهان في التوكيل واللي راح من شهرين دورة لميتسوبيشي اليابان عقدت في دبي عن الدهان وكانت لكل الوكلاء في الخليج والشرق الأوسط وأفريقيا ، وأكد لي ان مفيش حاجه اسمها دهان الخليجي بيفرق عن المصري او اي دولة اخرى وان فيه طبقات ومكونات محددة للدهان وثابتة في كل الدول

ونفس الكلام بالنسبة للتكييف - حيث انه عندما يقوم الوكيل باختيار كماليات العربيات وتحت بند التكييف فيه اختيار للتكييف العادي وفيه اختيار اضافي اسمه تكييف مخصص لدول المناطق الحارة Capacity Up Air condition for hot zones واحنا في مصر بنختاره من زمان لجميع الموديلات وبالتالي تكييف العربيات المصري هو نفسه الخليجي حيث ان كلها مضاف لها الاضافة الخاصة بدول المناطق الحارة

المحرك بتاع المصري هو نفسه بتاع الخليجي مفيش اي فرق الاتنين 1500 مايفك وموضوع البساتم اكبر ده غير صحيح بالمرة

طبعا كل اللي بيتقال ده ما هو الا فتي من السادة الجهلاء بائعي المعارض واللي بيستعرض جهله الشديد بتقديم قائمة طويلة عريضة من الافتاء والاكاذيب ما انزل الله بها من سلطان وطبعا معروف انه بيقول الكلام ده علشان يحقق مصلحة شخصية وهي انه يبيع العربيات في معرضه

اما بخصوص الفروقات الحقيقية وهي في الكماليات فهي كذلك بتفرق من عربية خليجي للتانية ومن دولة للتانية واعتقد الكويتي افضلهم من حيث كم الكماليات بها
وفروقات الكمياليات كالتالي :

- المصري فيه زجاج ابواب خلفية وزجاج خلفي غامق Privacy Glass ومانع للآشعة فوق البنفسجية وده مش موجود في الخليجي

- المصري الفانوس الأمامي عادي اما بعض الخليجي فانوس امامي عدسات وفانوس داخلي يضاء مع الحركة يمينا ويسارا

- الخليجي فيه سنسور للمطر والاضاءة (وحدة موجودة على الزجاج الأمامي خلف المراية) لما المطر ينزل تشغل المساحات آليا ولما الدنيا تليل ينور العربية آليا

- بعض الخليجي فيه راديو كاسيت سي دي تشنجر روكفورد بـ 9 سماعات وامبلفاير اما المصري وباقي الخليجي بيكون راديو كاسيت سي دي تشنجر بـ 6 سماعات وامبلفاير

[engahmed82]

و ماذا عن abs and ebd هل هى موجودة فى الخليجى

[Ramy.Gamal]

و ماذا عن abs and ebd هل هى موجودة فى الخليجى

موجود فى اللانسر المصرى والخليجى كله ماعدا اول فئه فى الخليجى مفهاش abs