طريقه تغير زرار التكييف للكرستاله

[assaf]

من يوم ما جبت العربيه وزرار التكييف بايظ مش بيثبت في مكانه لازم ازنقه بورقه او حاجه عشان الكومبرسور يشتغل

سألت عن سعر الزرار استعمال عند السمباوي في الزقازيق قالي 120 جنيه وبعد الفصال كان 110 لقيته غالي فطنشت وقلت مش مهم وانا في بورسعيد رحت عند منطقه اسمها بنك الاسكان فها بتوع قطع الغيار الاستعمال لقيت مع واحد الجزء بتاع التكييف كله مش الزرار بس بكام 60 جنيه في الاخر خدته ب 45 جنيه

ودي طريقه تغيير الزرار
الاول فكيت الوش هو ماسك ب 4 كلبسات

حتلاقي الجزء الظاهر فيه وحده التحكم بتاعه التكييف بتتفك ب 4 مسامير


وبعد كدا طلعت الزرار وفكيته من الفيشه



وركبت الزرار الجديد
وجربت الزرار لقيته تمام
واي استفسار انا في الخدمه
واسف لو الصور مش واضحه اوي

[mohammedabdallh]

الله ينور عليك يا كبير
ومبروك عليك

[drmagieed]

دي حاجة محترمة قوي ... وألف مبرووووووووووووووك

[assaf]

دي حاجة محترمة قوي ... وألف مبرووووووووووووووك

الله يبارك فيك الف شكر علي المرور

الله ينور عليك يا كبير
ومبروك عليك

الف شكر ياغالي

[M.Elgergawy]

مجهود ممتاز
وفعلا بورسعيد فيها حاجات لقطة
وخصوصا الناس اللى فارشين على الأرض :)

[assaf]

مجهود ممتاز
وفعلا بورسعيد فيها حاجات لقطة
وخصوصا الناس اللى فارشين على الأرض :)

شكرا
انا فعلا جبتها من واحد فارش كان معاه اكتر من واحده و اكر وزراير

[SASA3]

طيب انت ازاى طلعت الجزء الابيض ده من جوه التابلوه انا حاولت اطلعه قبل كده مفيش مش راضى و بالضبه و المفتاح ملوش طرييقة يطلع بيها


و الاكر بتاعت التكييف مش بتكون مربوطه بسيور صغيرة زى الاساتيك كده عملت فيها ايه ؟؟

[assaf]

طيب انت ازاى طلعت الجزء الابيض ده من جوه التابلوه انا حاولت اطلعه قبل كده مفيش مش راضى و بالضبه و المفتاح ملوش طرييقة يطلع بيها


و الاكر بتاعت التكييف مش بتكون مربوطه بسيور صغيرة زى الاساتيك كده عملت فيها ايه ؟؟

انا فكيت ال 4 مسامير وحركت الوش الابيض لتحت بس هو نزل معايا شويه ودخلت صوابعي وفكيت الكلبس من الزرار وبعدين سحبت الزرار لبره وركبت التاني يعني محاولتش افك الوش كله عشان كان في وايرات من الاكر الي بتنقل الاوضاع

[Bonanza]

تسلم ايدك يا كبير علي الطريقة و الصور

[SASA3]

يعنى شلت مقابض الاكر و بعدها فكيت الاربع مسامير و نزلتها لتحت شوية و قمت ساحب الوش صح كده ولا مفكتش الاكر ؟؟

[prisoner]

مبروك التغيير عقبالي لما اغير النور بتاع زراير التكييف

[prisoner]

مجهود ممتاز
وفعلا بورسعيد فيها حاجات لقطة
وخصوصا الناس اللى فارشين على الأرض :)

معقولة دي ;-)

[assaf]

يعنى شلت مقابض الاكر و بعدها فكيت الاربع مسامير و نزلتها لتحت شوية و قمت ساحب الوش صح كده ولا مفكتش الاكر ؟؟

لا انا مفكتش الاكر

[assaf]

تسلم ايدك يا كبير علي الطريقة و الصور

الله يخليك

مبروك التغيير عقبالي لما اغير النور بتاع زراير التكييف

شكرا انا الخطوه الجايه عايز اغير النور برضه

[prisoner]

الله يخليك


شكرا انا الخطوه الجايه عايز اغير النور برضه

طيب ما انت كنت فاكك الوش كنت اعمله بالمرة اعتقد اسامة باشا كان عامل حاجة زي كده وعارف المض مقاسها كام