بالله عليكم مساعدة ضرورى جدااااااا

[just_humen]

السلام عليكم ورحة الله و بركاته
وكل عام و انتم و كل المسلمين و المسيحيين و الموحدين بخير
و الهم اعز الاسلام و المسلمين فى هذا الشهر الكريم اميييين

اخوانى اعضاء المنتدى الكرام
ارجوكم و ارجو من الله فيكم ان تساعدونى فى مشكلتى
انا املك بومة 2006 و مسقط عليها موتور 2000 سيسي اوتو
من فترة لقيت دخان ازرق من الشكمان وسالت قالولى شنبر بس لسة بدرى امشي
عليه شوية..
ومن اسبوعين بدأت اسمع رنة و صوت غريب و خصوصا مع التكييف
و لقيت العربية و هى باردة بتلت و بعدها تعدل
سالت قالولى دة بييل واحسنلك تعمل عمرة و تخرط
وصديق ليا قالى بتكلفة العمرة ممكن تدخل موتورك فى موتور زيه بالظبط و تدفع نفس
تكلفة العمرة ويبقى احسن من الخرط على الاقل حيبقى تقفيل بلاده
عجبتنى الفكرة جدا و فعلا نزلت بور سعيد ولفيت هنا وسمعت عن حاجة اسمها
شورت بلوك وتكلفنى فى حدود 2000 الى 2500 واللى فهمته انها زى تغير
الموتور بس من غير حاجاته
ممكن حد يوضحلى يعنى اية الكلام دة لانى قلقت لما قالو كانك عمرت برضه؟
يعنى مش حيبقى تقفيل بلاده؟
بالله عليكم دلونى موتور بالفيتسي دة فى دة ولا اللى بيقولو عليه شورت بلوك
اسف على الاطالة
وكل عام وانتم بخير
وارجو من يستطيع المساعدة بجد الاتصال على هاتفى الخاص
وساحاول وضعه فى البروفيل بتاعى
وشكرا لكم
ويجازيكم الله كل خير ان شاء الله

[M.Ayman]

انا كنت عند ميكانيكى و سمعت هناك -يا اما من الميكانيكى نفسه او من حد من الزباين اللى عنده مش فاكر والله- ان تغيير البلوك ده برضه اى كلام خليك فى موتور جديد و قيس كبسه مادام 75% فاعلى يبقى كويس

[walidadel81]

سيدي الفاضل شورت بلوك المقصود متور متقفل ببعضه بس بتاخده بدون اداوت التغذيه زي كمبروسر التكيف والدينمو والمارش وطرمبه الباور والمانفو وطبعا بدون البوابه والحساسات بتاعتها والفرن وساعات بيخلعو مسطره الرشاشات وكمان الموبينه سواء كانت واحده او اتنين وانت بتركب الحاجات دي من ماتورك القديم
بس نصيحه لوجه الله لو ماتورك اول فكه ليه اعمل ماتورك انت افضل عشان قصه تغير الماتور مش مضمونه لحد ما نتايجها وكمان بتدخل بقصه انك لازم تسبت الماتور علي الرخصه وانت عارف بقا التعامل مع المرور في مصرنا الحبيه
واخيرااا كل عام وانت بالصحه والسلامه واستني لما الماتور يجيب اخره وبعدها فكه عمره وتبقا عارف انت بتصرف فلوسك فين

[prisoner]

سيدي الفاضل شورت بلوك المقصود متور متقفل ببعضه بس بتاخده بدون اداوت التغذيه زي كمبروسر التكيف والدينمو والمارش وطرمبه الباور والمانفو وطبعا بدون البوابه والحساسات بتاعتها والفرن وساعات بيخلعو مسطره الرشاشات وكمان الموبينه سواء كانت واحده او اتنين وانت بتركب الحاجات دي من ماتورك القديم
بس نصيحه لوجه الله لو ماتورك اول فكه ليه اعمل ماتورك انت افضل عشان قصه تغير الماتور مش مضمونه لحد ما نتايجها وكمان بتدخل بقصه انك لازم تسبت الماتور علي الرخصه وانت عارف بقا التعامل مع المرور في مصرنا الحبيه
واخيرااا كل عام وانت بالصحه والسلامه واستني لما الماتور يجيب اخره وبعدها فكه عمره وتبقا عارف انت بتصرف فلوسك فين

+1111111111111111111111111111
كلام سليم جدا افقلمقصود بدون ادوات تغذية بس انا مش مع تعمير اي موتور عمره ما هايرجع زي الاول نهائي. تقبلوا مروري تحياتي

[just_humen]

ربنا يبارك فيكم
وشكرا جدا على ردودكم
لكن لسة محتار بين تكاليف عمرة
ولا تغير؟
وكل عام وانتم بخير

[just_humen]

اذا اذنت لى الادارة والاخوة المشرفين و الاعضاء
اريد اضافة رقم هاتفى للموضوع حتى يساعدنى من يستطيع هاتفيا
او مباشرا
وان كان ها يخالف قوانين المنتدى فارجو الادارة اظهار رقم هاتفى
فى بيانات ملفى الشخصى
ولكم الشكر
وكل عام و انتم بخير