مروحه السيارة تعمل عند تدوير الكونتاكت

[mi22do]

انا كنت في التوكيل النهاردة و المهندس لما حط المفتاح في الكونتكت لقي المروحه اشتغلت , قالي عندك حاجه عايزة تتغير و شاورلي عليها بس مش فاكر اسمها , هي قد كف اليد كدة
وسعرها في التوكيل في حدود 500ج- قلتله لا خليها زي ما هي :))
لحد لما اشوف بقي و افهم ايه الحكايه,, حد يعرف القطعه ديه اسمها ايه ؟
ووظيفتها ايه بالضبط

[muhammed essa]

هيه عربيه نوعها اي يا استاذ ميدو ؟؟

[Ralliart]

كنترولر مروحة

[MITSUKERO]

لو بومة يبقي كنترول مروحة لو كريستاله او مكوه يبقي ثرموستات ريادياتير بس اظن من السعر اللي اتقال انها بومه

نصيحة : ياريت تغيرها لان كده المراوح هتبوظ لانها هتفضل شغاله علي طول و العربية هتاكل بنزين لانها هتبرد

[mi22do]

هيه عربيه نوعها اي يا استاذ ميدو ؟؟

العربيه لانسـر بومه 2006

[mi22do]

لو بومة يبقي كنترول مروحة لو كريستاله او مكوه يبقي ثرموستات ريادياتير بس اظن من السعر اللي اتقال انها بومه

نصيحة : ياريت تغيرها لان كده المراوح هتبوظ لانها هتفضل شغاله علي طول و العربية هتاكل بنزين لانها هتبرد

تقريبا هي كنترول مروحه - بس مفيش حد بيصلحها ؟ - لان ديه قطعه صغيرة اوي متجيش
15سم * 15 سم - طيب لو مش بتتصلح ينفع اجيبها جديدة تايواني مثلا لو فيه

[alzelafy]

هاتها استيراد مش هتعدة 150 جنيه و اعتقد بتاعه الكريستاله تشتغل لان فكرتها بسيطه مش معقدة لدرجه انها توصل 500 جنيه

[mi22do]

هاتها استيراد مش هتعدة 150 جنيه و اعتقد بتاعه الكريستاله تشتغل لان فكرتها بسيطه مش معقدة لدرجه انها توصل 500 جنيه

خايف اجيبها استيراد و ترجع تبوز تاني بعد شهر ولا حاجه ,علشان كدة بفكر اجيبها جديدة بس تكون تايواني مثلا دة لو فيه طبعا

[eng.ghost]

مهمه جدا و سمعت من الكهربائى انها بتبوظ كثير

[mi22do]

حد يعرف فيه منها تـايواني ولا لا ؟

[abtammam]

في البومة يسمي Cooler Controller و السعر 364 جنية مصري و مهمة جدا لأن بعد كده ستجد أن المكيف أتجنن شوية يشتغل و شوية يقفل فلا بد من تغييرها

[abtammam]

لابد من شرائها جديدة لنها مجموعة من الدايودات الكهربية و لها عدد ساعات شغل ... فالإستيراد حيبوز بعد فترة قصيرة وانت و حظك