أفضل مساعدين للكريستالة

[أبو_حمزة]

أخوانى
اخوكم هايز مشورة ضرورى
اثناء الكشف الدورى على العفشة اللى متعود اعمله كل شهر او 2 بالكتير العفشجى اشار عليا بتغيير المساعدين الامامى
مع العلم ان العفشجى شاطر وامين و اخويا الكبير و اصحابه بيعاملوه من اكتر من 10 سنين
المساعدين الحاليين هما الاصلى وعاملين حوالى 140 ألف
انا عارف ان الاصلى هو الافضل بس من الاخر السيولة غير متوفرة حاليا و كمان و احد زى حالتى معاه نفس الموديل ومغير مساعدين قريب قال ان اللى فى التوكيل مش اصلى و هم بيجيبوا نوع يابانى كويس بس مش الاصلى
الله اعلم بمدى صحة الكلام ده و خلينا فى المهم
العفشجى اشار عليا ب Kyb و قال انهم فى جودة الاصلى و سعرهم مش ها يعدى 450 و قال بلاش مونرو عشان ناشفين
اللى له تجربة مع تغيير مساعدين يا ريت يقول لى تقييمه
و كمان اللى يعرف اسعار يا ريت يقول لى

[casper1500]

كل اللي اقدر اقولة ان المونرو ناشفين فعلا بس كويسيين , هما عندى

[nobody]

والله اللي اعرفه ان Kyb ماركة محترمة جدا جد جدا توكل على الله وهاتهم

[Ahmed Selim]

لو حضرتك عاوز تحسن ثبات العربية جيب المونرو ( أو كونى ) بس ده هيبقى فى مقابل شوية نشوفية تحس بيها فى المطبات
لو مش فارق معاك موضوع الثبات هات Kyb

[islamaboelnaga]

بس بصراحه لو اللى فى التوكيل ده مش اصلى تبقى مشكله دا الواحد يروح ل اى عفشجه و خلاص تبقى كده مساويه بعضها و التوكيل اغلى بمراحل كمان

[SAbuhashem]

KYB


Thanks
Eng.Sherif Shaker

[مصراوي جدا]

انا عارف ان الاصلى هو الافضل بس من الاخر السيولة غير متوفرة حاليا و كمان و احد زى حالتى معاه نفس الموديل ومغير مساعدين قريب قال ان اللى فى التوكيل مش اصلى و هم بيجيبوا نوع يابانى كويس بس مش الاصلى
الله اعلم بمدى صحة الكلام ده و خلينا فى المهم

يا جماعة الله يكرمكم انا زهقت بأه من كتر الاشاعات السخيفة اللي الناس بتطلعها دي

المساعدين الأمامي الأصلي في التوكيل للانسر الكريستالة الواحد بـ 685 ج + 10% ض.م. يعني الاتنين بـ 1507 ج شامل يعني اكتر من 3 أضعاف KYB وبعدين يقول لك مش اصلي وياباني .. طيب يثبت انه مش اصلي ولا هو كلام وخلاص
دي حاجه تفلق والله

[أبو_حمزة]

اخويا الكبير الباشمهندس طارق
انا قلت انى ما اعرفش مدى صحة الكلام ده و احد اسباب ذكره ان حضرتك موجود معانا و لو مش صحيح ها تكدبه زى ما عملت كده و بالتالى الاشاعة تنتهى هنا
وانا كمان قلت ان السبب الاساسى فى انى مش ها اروح التوكيل هو الفلوس و فرق السعر اللى مش ها اقدر عليه حاليا وان اكيد الاصلى هو الافضل فى الاداء بلا منازع فى كل قطع الغيار
يا ريت ما يكونش فى زعل

[مصراوي جدا]

اخويا الكبير الباشمهندس طارق
انا قلت انى ما اعرفش مدى صحة الكلام ده و احد اسباب ذكره ان حضرتك موجود معانا و لو مش صحيح ها تكدبه زى ما عملت كده و بالتالى الاشاعة تنتهى هنا
وانا كمان قلت ان السبب الاساسى فى انى مش ها اروح التوكيل هو الفلوس و فرق السعر اللى مش ها اقدر عليه حاليا وان اكيد الاصلى هو الافضل فى الاداء بلا منازع فى كل قطع الغيار
يا ريت ما يكونش فى زعل

يا ابو حمزة انا مش زعلان منك .. انا متضايق من الاشاعات السخيفة اللي الناس بتطلعها بدون علم وانا لما قريت الموضوع امبارح سكت ومعلقتش خاصة لما قلت (خلينا في المهم) فقلت خلاص مش هاعلق على النقطة دي

لغاية النهارده الصبح لما دخلت ولقيت التعليق ده من الاستاذ اسلام

بس بصراحه لو اللى فى التوكيل ده مش اصلى تبقى مشكله دا الواحد يروح ل اى عفشجه و خلاص تبقى كده مساويه بعضها و التوكيل اغلى بمراحل كمان

فقلت كده يبقى فيه اعضاء هتصدق الاشاعة دي ولازم أرد عليه

ببساطة يا جماعة أي توكيل ميقدرش يبيع قطع غيار مش أصلية لأنه كده بيعرض نفسه ان الشركة الأم لو عرفت تسحب منه الوكالة فورا ، وده اكيد شرط واضح وصريح في جميع عقود وكالات شركات السيارات في مصر

فمين مستعد يضحي بالتوكيل بالكامل (ده أولا ويسوء سمعته ثانيا) علشان يكسب اكتر في صنف ولا اتنين ما هو من الأصلي كسبان كويس برضه

انما طبعا يا أبو حمزة حضرتك اخ عزيز وبالمناسبة فعلا انا سمعت ان KYB كويس جدا بس المهم تتأكد انه الأصلي لأن فيه منه مضروب في السوق

[أبو_حمزة]

باشمهندس طارق
كلامك موزون و صدقه واضح لأنه مقترن بمنطق صحيح جدا و بجد نفسى اجى عندكو على الاقل عشان اشوفك
و طالما نت معانا يبقى لازم اهريك اسئلة
المساعدين للى فى التوكيل ايه مواصفاتهم
يعنى زيت وللا غاز
و هل Mono tube or double tube
ولو جيت غيرت المساعدين بالبطاحات و كل ما يلزم الموضوع كله يتكلف كام
و سؤال كمان
المساعدين عندى فابريقة يعنى عاملين مع لعربية 140 ألف تقريبا. هل ده كده عمر طبيعى و لا كان المفروض يفضلوا كمان شوية

[مصراوي جدا]

المساعدين للى فى التوكيل ايه مواصفاتهم
يعنى زيت وللا غاز

المساعدين زيت

و هل Mono tube or double tube

double tube

ولو جيت غيرت المساعدين بالبطاحات و كل ما يلزم الموضوع كله يتكلف كام

المساعدين الأمامي زي ما قلنا : 2 × 753.5 شامل الضريبة
البطاحات : 2 × 302.5 شامل الضريبة
التركيب : 154 ج شامل الضريبة

و سؤال كمان
المساعدين عندى فابريقة يعنى عاملين مع لعربية 140 ألف تقريبا. هل ده كده عمر طبيعى و لا كان المفروض يفضلوا كمان شوية

طبعا بالنسبة لمصر ده عمر طبيعي جدا وكويس

مدير الصيانة عندنا لما الضمان زاد على موديلات 2008 من 60 ألف كيلو متر الى 100 ألف كيلو متر كان زعلان من كده علشان موضوع المساعدين بالذات وبيقول اصلهم في اليابان ميعرفوش الشوارع في مصر عاملة ازاي وازاي المساعد يصمد فيها 100 الف كيلو

[أبو_حمزة]

متشكر جدا يا باشمهندس
شكلها كده ها ترسى على Kyb و ربنا يكرمنا
اصل كده سعر التوكيل اغلى من اللى كنت مستغليه

[sharkawy]

الاستاذ المحترم طارق برجاء الافادة كرستالة 99اتوماتيك

الى الاستاذ المحترم \طارق بعد التحية وكل تقدير والاحترام انا اشتريت لانسر م 99 اوتوماتك والحمدالله عربية ممتازة جدا بس فى صوت ظهر من اسبوع تقريبا مع اانى ليسة شريها من شهرين انا مش عارف اوصف الصوت هو مش سفارة او تخبيط لا انا بحسة فى مطبات الهواء اوالصبح فقط بحس ان الكوتش خشن على الارض او فى مطبات الهواء بحس بصوت الهواء مع تجويف المطب ولا اية انا كشفت على زيت الفتيس كويس وبعدين الصوت دة مكنش موجود ابل كدة وهوة مش متواجد على طول برجاء الافادة وكيفية التصرف