شراء سيارة لانسر 98

[P407]

احنا خلاص نوينا على شراء لانسر 98 وحننزل نبص عليها يومالجمعةاوالسبت الجاى تنصحونى اعمل اية بالظبط واية هى خطوات الشراء ولو حد يعرف سمكرى كويس ياريت يقولى علية

[Ahmad]

1.أولا في نصيحة عايز أقولهالك. لو العربية فيها شغل كتير بلاش تاخدها و ابحث عن عربية فيها أقل قدر من العيوب علشان ما تتعبش.
2. من الأفضل قبل الفحص أنك تجربها بنفسك و تسوقها ببطء و بسرعة لان كل سرعة لها عيوب معينة. و خلي بالك متقارنش و انت بتجرب مع عربية تانية انت كنت سايقها.
3. جرب كل حاجة في العربية .الريدياتير والتبريد و اسأل عن مدي نقصان مياة الريدياتير, الأنوار, المساحات و رشاش المياة, التكييف و مفاتيحه بالكامل, الباور, الزجاج الكهرباء, شنطة العربية, كل الأزرار الموجودة لاي غرض, الق نظرة علي الاستبن و عدة السيارة, اسأل عن مستوي استهلاك البنزين , حركة الكراسي, سلامة التابلوة بجميع أجزائه, عمر البطارية و الكاوتش..
4. بالنسبة للفحص , أنصحك تفحصها في مركز خدمة لانسر أو التوكيل. لأني جربت موضوع الرفع في محطة بنزين و للأسف لم يظهر كل العيوب الموجودة في عربية و طبعا تصليحها كلفني الكتير من المجهود و الفلوس.
فحص التوكيل هيكلفك 150 جنيه و لكن هتاخد تقرير مفصل عن حالة كل حاجة في العربية و بالتالي ممكن تحسب تكلفة تصليح الحاجات دي و تنزل في السعر.

أنا متكلمتش عن الأساسيات طبعا و هي الكشف علي الموتور و الصاج و العفشة لان ضمنا الكلام دة هيتعمل في أي فحص. أنا حاولت أذكر الأشياء اللي ممكن الواحد ينساها.

ربنا يوفقك ان شاء الله.

[P407]

الف شكر يا بوب بس عايز اخد رايك لو العربية التقيم العام بتاعها جيد جدا-جبد كويس عليها 48500 ولا كتير ولو تعرف مركز خدمة قريب من مدينة نصر ياريت تقولى علية وأروحة ازاى من زهراء مدينة نصر:)

[HeMa_LanCeR]

الف شكر يا بوب بس عايز اخد رايك لو العربية التقيم العام بتاعها جيد جدا-جبد كويس عليها 48500 ولا كتير ولو تعرف مركز خدمة قريب من مدينة نصر ياريت تقولى علية وأروحة ازاى من زهراء مدينة نصر:)

متهيألي السعر ده هيكون قليل علي عربيه نضيفه انا جالي في عربيتي 53500 وماردتش ابيع مع العلم ان العربيه
فابريكا جوه بالكامل والخارج (ماعدا رفرف خلفي شمال وباب سائق وباب خلفي يمين) وباقي السياره فابريكا والحمد لله
و تكييف وباور وانذار و سنتر (مانيوال)
مع العلم اني ثاني يد
فا ياريت حضرتك تقولنا مواصفات العربيه علشان نقدر نفيدك

[P407]

متهيألي السعر ده هيكون قليل علي عربيه نضيفه انا جالي في عربيتي 53500 وماردتش ابيع مع العلم ان العربيه
فابريكا جوه بالكامل والخارج (ماعدا رفرف خلفي شمال وباب سائق وباب خلفي يمين) وباقي السياره فابريكا والحمد لله
و تكييف وباور وانذار و سنتر (مانيوال)
مع العلم اني ثاني يد
فا ياريت حضرتك تقولنا مواصفات العربيه علشان نقدر نفيدك

1-اخر موديل 98
2-1300cc
3-تكيف
4-باور
5-سنتر
6-زجاج كهرباء
7-كاسيت
8-وحدة رفع
9-فابريقة دواخل (على كلامة لسة ماكشفتش عليها)
10-رشة نظافة ماعدا السقف(على كلامة)
11-كاوتشات جديدة
12-فيهاrbm
13-مانيوال

[HeMa_LanCeR]

1-اخر موديل 98
2-1300cc
3-تكيف
4-باور
5-سنتر
6-زجاج كهرباء
7-كاسيت
8-وحدة رفع
9-فابريقة دواخل (على كلامة لسة ماكشفتش عليها)
10-رشة نظافة ماعدا السقف(على كلامة)
11-كاوتشات جديدة
12-فيهاrbm
13-مانيوال

كده يبقي سعرها حلو بس يارب تطلع حلوه واهم شيء تكون رايقه يعني متاخدش عربيه مبهدله وتقول اروقها بجد هتصرف منك كتير لأنك هتصرف عليها حاجات كتير اول ما تيجي
فلتر هواء
فلتر بنزين
طقم بوجيهات
تيل امامي وخلفي
طقم سيور كامل واهم شيء الكاتينه
غيار زيت ( موتور و فيتيس )
وطبعا كل دي اعباء مصاريف عليك
فالازم تخلي بالك كويس
واي خدمه انا تحت الامر

[Ahmad]

بالنسبة لمركز خدمة في مدينة نصر. فيه مركز "أميرو جوزيف" من شارع مكرم عبيد ادخل الشارع اللي علي ناصيته صيدلية أفريقيا أمام حديقة الطفل. دول متخصصين ميتسوبيشي و زي التوكيل.
يفضل تروح بدري أي يوم ما عدا السبت علشان 1/2 يوم و الأحد علشان أجازة.

بالنسبة للسعر, أعتقد لو بالمواصفات المذكورة اللانسرالنظيفة لن تقل عن 55 ألف بأي حال من الأحوال. و زي ما نصحتك لو فيها شغل كتير دور علي حاجة أنظف. و سيبك من رش النظافة لان انت مش بتبقي عارف حالتها قبل الرش. المهم افحصها كويس قوي و اتأكد ان الرش مش مداري حاجة زي البارومة أو حادثة لاقدر الله.

بالمناسبة انت مقلتش العداد عامل كام ؟؟ دة بيفرق في السعر أيضا.

[P407]

كده يبقي سعرها حلو بس يارب تطلع حلوه واهم شيء تكون رايقه يعني متاخدش عربيه مبهدله وتقول اروقها بجد هتصرف منك كتير لأنك هتصرف عليها حاجات كتير اول ما تيجي
فلتر هواء
فلتر بنزين
طقم بوجيهات
تيل امامي وخلفي
طقم سيور كامل واهم شيء الكاتينه
غيار زيت ( موتور و فيتيس )
وطبعا كل دي اعباء مصاريف عليك
فالازم تخلي بالك كويس
واي خدمه انا تحت الامر

هى الحاجات دى حتكلفنى قد اية

[P407]

بالنسبة لمركز خدمة في مدينة نصر. فيه مركز "أميرو جوزيف" من شارع مكرم عبيد ادخل الشارع اللي علي ناصيته صيدلية أفريقيا أمام حديقة الطفل. دول متخصصين ميتسوبيشي و زي التوكيل.
يفضل تروح بدري أي يوم ما عدا السبت علشان 1/2 يوم و الأحد علشان أجازة.

بالنسبة للسعر, أعتقد لو بالمواصفات المذكورة اللانسرالنظيفة لن تقل عن 55 ألف بأي حال من الأحوال. و زي ما نصحتك لو فيها شغل كتير دور علي حاجة أنظف. و سيبك من رش النظافة لان انت مش بتبقي عارف حالتها قبل الرش. المهم افحصها كويس قوي و اتأكد ان الرش مش مداري حاجة زي البارومة أو حادثة لاقدر الله.

بالمناسبة انت مقلتش العداد عامل كام ؟؟ دة بيفرق في السعر أيضا.

مش عارف هى عاملة كام كيلو متر بس حاسئلة واقولكو وبعدين حوار البارومة دة لو العربية طلع انة كان فيها بارومة واترممت(لحقها يعنى) هل دى حاجة خطيرة اوى

[أبو_حمزة]

بص انا لما كنت با اشترى عربيتى كانت صاحبتها جارتنا و عارفين العربية كويس
بس كانت مصممة على 59 عشان العربية فابريقة بالكامل رغم انه كانت عاملة 100 ألف كم
و كان قدامى عربية تانية نفس الموديل على 55 و تقريبا نفس الكيلومتر
صاحبها عمل لى البحر طحينة و رشة نضافة و كلام من ده
جبت ابن خالى الخبير بتاعنا و شاف لعربية و مسك صاحبها بهدله قدامى من كتر ما هو كداب
فى الاخر اخدت المضمونة و مش ندمان و السعر كان يستاهل
البيع و الشرا بيبقى فيه كدب كتير و ربنا يعافينا
من الاخر اكشف على العربية كويس قوىىى
و لو صاحبها رفض يروح التوكيل يبقى سيبك منه

[Ahmad]

مش عارف هى عاملة كام كيلو متر بس حاسئلة واقولكو وبعدين حوار البارومة دة لو العربية طلع انة كان فيها بارومة واترممت(لحقها يعنى) هل دى حاجة خطيرة اوى

دة بيعتمد علي حجم البارومة و كيفية علاجها. بس في الغالب لو لحقت البارومة بدري بتبقي سهل علاجها.
عموما اللانسر 98 مفيش أكتر منها و هتلاقي كتير منها مش متهان. مفيش داعي تشتري عربية كان فيها بارومة و اتعالجت. لان البارومة مش موضوع صاج و صدأ فقط. دة بيبقي دليل علي ان العربية دي مش متحافظ عليها عامة.