موتور الشارك والتكييف وزيت ليكولى مولى

[M_Marwan]

كل ما أشغل التكييف الاقى المروحه كل شويه تشتغل وتفصل ( شتغل 1 دقيقه وتفصل 15 ثانيه وتشتغل)

هل ده طبيعى ولا فى حاجه غلط ؟؟ أنا شاكك فى زيت ليكولى مولى ده مش عارف ليه

[akmm]

هو مش طبيعى ... ولكن أيه علاقه الزيت بالمروحه ؟؟؟؟ ممكن توضيح اكتر للحاله ؟ ...

[DarkMagician]

مروحة العربية ولا مروحة التكييف

لو مروحة العربية حتلاقي امبير الحرارة بيلعب ممكن حتلاقيه بيتحرك حاجة بسيطة
وساعتها اقولك ممكن تشك في الزيت
رغم ان في عوامل تانية زي دورة التبريد

لو مروحة التكييف
الزيت ملهوش اي علاقة

[M_Marwan]

هو مش طبيعى ... ولكن أيه علاقه الزيت بالمروحه ؟؟؟؟ ممكن توضيح اكتر للحاله ؟ ...

بحس ان الموتور بيسخن جامد عشان كده المروحه كل شويه تشتغل

[M_Marwan]

مروحة العربية ولا مروحة التكييف

لو مروحة العربية حتلاقي امبير الحرارة بيلعب ممكن حتلاقيه بيتحرك حاجة بسيطة
وساعتها اقولك ممكن تشك في الزيت
رغم ان في عوامل تانية زي دورة التبريد

لو مروحة التكييف
الزيت ملهوش اي علاقة

أعتقد مروحه الموتور وأمبير الحراره عندى ماخدتش بالى لان صعب الأحظ الموضوع ده على البار

بتاع مؤشر الحراره

هو المروحه بتشتغل مع التكييف فقط وطول ما أنا قافله مش بسمعه

طب هو مروحه التكييف المفروض بتفضل شغاله على طول طول ما التكييف شغال ؟

[ma7oo]

ده طبيعى جدا ياباشا المفروض ان مروحة التكييف بتشتغل مع التكييف علطول ومروحة العربية بتشتغل وتفصل والكوممبروسور بيلقط ويفصل برضه ده طبيعى جدا متقلقش انا كنت متابعها زيك كده هو بس صوتها بيبقى عالى شوية كل متشتغل ملحوظ يعنى

[M_Marwan]

ده طبيعى جدا ياباشا المفروض ان مروحة التكييف بتشتغل مع التكييف علطول ومروحة العربية بتشتغل وتفصل والكوممبروسور بيلقط ويفصل برضه ده طبيعى جدا متقلقش انا كنت متابعها زيك كده هو بس صوتها بيبقى عالى شوية كل متشتغل ملحوظ يعنى

الله يطمنك فعلا المروحه صوتها عالى أوى

[DarkMagician]

أعتقد مروحه الموتور وأمبير الحراره عندى ماخدتش بالى لان صعب الأحظ الموضوع ده على البار

بتاع مؤشر الحراره

هو المروحه بتشتغل مع التكييف فقط وطول ما أنا قافله مش بسمعه

طب هو مروحه التكييف المفروض بتفضل شغاله على طول طول ما التكييف شغال ؟

بص هي بتشتغل وبتفصل عادي وتسمع صوت التكة ده لما بتفصل

في الشتا بيكون موضوع انها تفضل اقل لان طبعا الحمل على مروحة التكييف اقل

[Giorgio]

عندي نفس الموضوع .. دة عادي متقلقش

[Ahmedhussein007]

اتطمن ياكبير الموضوع ده عادى اما التكييف بيشتغل المروحه بتشتغل معاه على السرعه العاليه وبتفصل السرعه العاليه اما الكباس بيفصل بتبقى على السرعه البطيئه بس صوتها فالسرعه البطيئه مش مسموع بس طالما انت دايس على زرار التكييف مشغله هى شغاله سواء سرعه بطيئه او سرعه عاليه وده مرتبط بالكباس لو شغال سرعه عاليه فصل بتشتغل سرعه واطيه فانت مش بتسمعها
بالنسبه للزيت ده ممتاز انا حاطه عندى وحاطط السيراتك وماشى 3000 عليه بس رااااااااااائع

[mohammedabdallh]

ده العادى يا هندسه
مع التكييف

[M_Marwan]

الف شكر يا رجاله واضح ان الجو الحر ده هو السبب ان المروحه كل شويه تشتغل

[IronHead]

يا باشا ده معناه ان دوره التبريد والتكييف كمان تمام, لان لو المروحه شغاله على طول يبقى فى مشكله فى دوره التبريد او كومبرسور التكييف مش بيفصل
عموما مافيش فى العربيه غير مروحه واحده سرعات, بتشتغل كده او كده مع كومبريسور التكييف على السرعه البطيئه, ولو درجه حراره الموتور عليت شويه تشتغل على السرعه السريعه لحد متنزل لحد معين, ولما كمبريسور التكييف يفصل ودرجه الحراره مضبوطه تفصل المروحه وهلم جراً