لانسر 98 اتوماتيك

[wildwest100]

يا جماعة نا معروض عليا لانسر 98 اتوماتيك نضيفة ججدا وكانت مش بتستعمل خالص
ايه ظروف الاتوماتيك فى الموديل دا وهل فيه مشاكل ولا لا

[Ramy.Gamal]

حضرتك ممكن نروح التوكيل تكشف عليها ولو ليك خير فيها إن شاء الله تبقى من نصيبك

[أبو_حمزة]

الفتيس الاتوماتيك بتاع الكريستالة ممتاز أو على الاقل جيد جدا
بس لازم تفحصها كويس طالما مش عارف صاحبها

[sherif_m72]

الانسر عامة ممتاز وبالنسبه للاتوماتك هو كويس ومش هتقابل مشاكل ان شاء الله غير في ثلاث اولهم
بتاكل بنزين اكتر من المنوال
ثانيا
تجميع السرعه فيها ابطىء
ثالثا
صوتها اعلى
وبس
والاهم والاحسن من ده كله
ان سعرها بيكون اقل
وكل واحد بيشترى حسب مزاجه واللى يتوافق معاه

[أبو_حمزة]

معلش بس عمر ما لانسر الاتوماتيك ما كان سعرها اقل من المانوال
لا زيرو ولا مستعمل

[sherif_m72]

لالالا
فى المستعمل بيبقى اقل
وتاكد من كده علشان صيانته بتبقى اغلى شويه
بس مش بيبقى اقل كتير

[أبو_حمزة]

ممكن تكون انت خبرتك اكتر فى السوق بس عن نفسى عربيتى جالى تاجر عرض عليا 57.5 (مع العلم انى كنت مش عارضها بس قابلته مع واحد صاحبى)
العربية موديل99 اتوماتيك عاملة حوالى 140 ألف كم
هل نفس الحالة المانوال تمنها اكتر؟؟ 58 مثلا و ده سعر تاجر
اشك
و بعدين ايه مصاريف الصيانة الاعلى؟
تغيير زيت الفتيس كل 40 ألف كم بيتكلف فى التوكيل حوالى 250 جنية
التيل بيعيش أقل 10 ألاف من العادة
ى نظير ان الموتور و الفتيس حالتهم بتكون احسن
ده غير راحة السواقة اللى لا تقارن فى الزحمة
خد بالك كمان ان فى المانوال لو غيرت طقم دبرياج تكلفته هاتعدى الكلام ده كله بكتير
ف

[bmya]

بص ياباشا انا العربيه دي كانت معايا من الزيرو بس كانت 99 Glx اتوماتيك
الحمد لله 9 سنين عمرها ما وقفت ولا عطلت ولاعملت اي صيانه للفتيس غير تغيير الزيت والفلتر فقططططططط
وعلي فكرهو الله العظيم انا كنت بشد مع عربيات مانوال وبطلع منهم كمان
بالنسبه للسعر طبعا الاتوماتيك في اللانسر وفي الياباني كله بيبقي اغلي 2000 علي الاقل من المانوال في المستعمل وبيبقي 4000 او 5000 في الزيرو
لان معروف ان الفتيس الياباني انضف وانعم فتيس اتوماتيك
والكلام ده في الكوري بس هو اللي ممكن يكون اقل من المانوال في بعض العربيات فقط
بالنسبه لسعرها هي تعملها 55000 مثلا لو نضيفه وممكن تقل عن كده كمان

[sherif_m72]

والله يا جماعه انا الكلام ده سامعه من تجار كبار وتقال اوى ومش جايبه من عندى وبعدين انتم ممكن تكونوا بتدافعوا عن الموضوع عشان انتم اصحابها
وعموما اختلافنا فى وجهات النظر مش هيزعلنا من بعض المهم اننا نستفاد من بعض فى الخبرات
+اننا يهمنا ان اخونا المشترى يطلع في الاخر مستفيد ولا ايه
وانا تشرفت بيكم والله

[HeMa_LanCeR]

والله يا جماعه انا الكلام ده سامعه من تجار كبار وتقال اوى ومش جايبه من عندى وبعدين انتم ممكن تكونوا بتدافعوا عن الموضوع عشان انتم اصحابها
وعموما اختلافنا فى وجهات النظر مش هيزعلنا من بعض المهم اننا نستفاد من بعض فى الخبرات
+اننا يهمنا ان اخونا المشترى يطلع في الاخر مستفيد ولا ايه
وانا تشرفت بيكم والله

هقولك ممكن يكون الاوتوماتيك اغلي في الياباني ليه
لأنك حتي لو باظ هتروح تركب واحد منوال بدون لعب في الشاسيه
لكن في الكوري ديما لازم تغير حاجات في الشاسيه علشان يركب مانوال
والله اعلم