استفسارات على الماشى للكريستاله

[m.aligamal]

السلام عليكم ورحمه الله و بركاته
عيد سعيد
انا عندى العربيه بتاعتى كريستاله كان الكاوتش بتاعها 13و دلوقتى جبت جنوط 14 هل الصح انى اغير الطنابير لمقاس 14 ولا اسيبها زى ما هيا !!!؟؟؟
مقاس الكاوتش عندى 185\65 هل المقاس ده غلط لانى سمعت ان المفروض يكون على 60 هل الكلام ده صح !! وايه تاثير المقاس الغلط على العفشه و السياره عموما ؟؟؟
العربيه عندى استهلاكها فى البنزين جامد قوى يعنى مبتعملش 180 حتى فى السفر هيا اتوماتك وبحطلها 80 ولما كنت بحطلها 90 برضه نفس الموضوع مش فارق العربيه مغيرلها البوجيهات و فلتر البنزين و منضف الكربراتير بس الميكانيكى بقولى عايزه طقم اصلاح كربارتير عشان الاساتك ولفيت على الطقم ده مش لقيه ايه الحل ؟؟ وعلى فكره لقيت خرم فى التنك من عند الزور كده ممكن ده يكون بيسرب البنزين على اساس ان البنزين بيتطاير بس خرم صغير مش كبير
عندى صوت تزيق فى العفشه من ورا و الصوت ده بيظهر لما امشى كثير او يكون فى حد راكب ورا
يا ترى من ايه
حاجات جبتها من بور سعيد من على الارض
غطا تانك 5 جنيه
فبره الكاسيت بالولاعه و فبره الساعه بالانتظار 40 جنيه
طاره دركسيون بالايرباج 20 جنيه
كاسيت ب 200 جنيه دبل دين وام بى 3 DPX-7021MPiكينوود
2 مكن رفع زجاج 85 وكتاوت وحده الرفع الاصلى 20 جنيه
2 زرار خلفى للزجاج 20 جنيه
و المفاجئه اكثر من 10 اسبراتير كامل مع احد البائعين لا يعرف ماركتهم الواحد ب200 جنيه طبعا انا جربته على عربيتى و عمل شرز جامد و اشتريت واحد
انا حبيت اقلكم فى حاجات كثير على الارض بتتباع و اسعارها كويسه جدا عشان الى ينزل بور سعيد ممكن يلاقى حاجت كثيره مع بياعين و مش عارفين الحاجات دى بتاعه عربيه ايه

[m.aligamal]

و بالمناسبه المره الوحيده الى ندمت فيها على حاجه مشترتهاش من بور سعيد كان جوز المريات كهربا بالضفيره الراجل بيتحايل عليا اخدهم ب 80 جنيه وانا اقول اعمل بيهم ايه انا مرياتى سليمه وبعدين سالت على المريات دى بالصدفه لقيتهم ب 400 جنيه ساعتها زعلت قوى

[m.aligamal]

؟؟؟؟؟ يا ترى فين الاعضاء

[momo44]

السلام عليكم ورحمه الله و بركاته
عيد سعيد
انا عندى العربيه بتاعتى كريستاله كان الكاوتش بتاعها 13و دلوقتى جبت جنوط 14 هل الصح انى اغير الطنابير لمقاس 14 ولا اسيبها زى ما هيا !!!؟؟؟
مقاس الكاوتش عندى 185\65 هل المقاس ده غلط لانى سمعت ان المفروض يكون على 60 هل الكلام ده صح !! وايه تاثير المقاس الغلط على العفشه و السياره عموما ؟؟؟
العربيه عندى استهلاكها فى البنزين جامد قوى يعنى مبتعملش 180 حتى فى السفر هيا اتوماتك وبحطلها 80 ولما كنت بحطلها 90 برضه نفس الموضوع مش فارق العربيه مغيرلها البوجيهات و فلتر البنزين و منضف الكربراتير بس الميكانيكى بقولى عايزه طقم اصلاح كربارتير عشان الاساتك ولفيت على الطقم ده مش لقيه ايه الحل ؟؟ وعلى فكره لقيت خرم فى التنك من عند الزور كده ممكن ده يكون بيسرب البنزين على اساس ان البنزين بيتطاير بس خرم صغير مش كبير
عندى صوت تزيق فى العفشه من ورا و الصوت ده بيظهر لما امشى كثير او يكون فى حد راكب ورا
يا ترى من ايه
حاجات جبتها من بور سعيد من على الارض
غطا تانك 5 جنيه
فبره الكاسيت بالولاعه و فبره الساعه بالانتظار 40 جنيه
طاره دركسيون بالايرباج 20 جنيه
كاسيت ب 200 جنيه دبل دين وام بى 3 dpx-7021mpiكينوود
2 مكن رفع زجاج 85 وكتاوت وحده الرفع الاصلى 20 جنيه
2 زرار خلفى للزجاج 20 جنيه
و المفاجئه اكثر من 10 اسبراتير كامل مع احد البائعين لا يعرف ماركتهم الواحد ب200 جنيه طبعا انا جربته على عربيتى و عمل شرز جامد و اشتريت واحد
انا حبيت اقلكم فى حاجات كثير على الارض بتتباع و اسعارها كويسه جدا عشان الى ينزل بور سعيد ممكن يلاقى حاجت كثيره مع بياعين و مش عارفين الحاجات دى بتاعه عربيه ايه

الكاوتش الصح على 60
لو سبته زى ماهو الاضرار هى
قراءة العداد مش هتبقى مظبوطة (فرق بسيط)
ممكن الكاوتش يححك فى الكارتيرة فى مطبات الهواء
استهلاك بنزين زيادة

كده فى مشكلة كبيرة فى استهلاك البنزين فى موضوع ال 180 ده
بالنسبة لحاجات بورسعيد هى فعلا بتبقى لقط
بس تبقى متأكد انها بتاعة العربية فعلاااااااااا
وبالنسبة للطارة اعتقد انها مش بتاعة العربية (انت ركبتها ولا لسة ؟ )
وايه مكن وحدات الرفع (مش فاهم )
والزار الخلفى للزجاج (بتاعها الاصلى )؟؟

[momo44]

و بالمناسبه المره الوحيده الى ندمت فيها على حاجه مشترتهاش من بور سعيد كان جوز المريات كهربا بالضفيره الراجل بيتحايل عليا اخدهم ب 80 جنيه وانا اقول اعمل بيهم ايه انا مرياتى سليمه وبعدين سالت على المريات دى بالصدفه لقيتهم ب 400 جنيه ساعتها زعلت قوى

اتأكد انها بتوع الكرستالة الاول
عشان كنا هناك انا ومصطفى وجرجاوى ولقيناهم ب 100 جنيه
ومطلعوش بتوع العربية
على الرغم من ان البياع بيأكدلنا انهم بتوع العربية

[momo44]

؟؟؟؟؟ يا ترى فين الاعضاء

بياكلو الكحككككككككككك
ههههههههههههه

[m.aligamal]

شكرا يا بهوات على ردودكم وكل عام و انتم بخير و يارب الكحك يكون تمام
مكن الرفع الى بيرفع الزجاج بتاع الباب
بالنسبه للمرايات كانت بتاعتهم لانى حطتها على عربيتى و طلعت بتاعتها بس مشترتيش
بالنسبه للزراير الخلفيه بتاعتهم يباشا
الطاره بتاعه موديلات 2000 الى فيها الايرباج عشان انا عندى طارتى من غير الايرباج و جربت و ركبتها و تمام
وعلى فكره القطمه كامله بالطاره بتاعه اى عربيه هناك على الارض بتعمل حوالى 150 جنيه و اكثر طارات موجوده الهيونداى و الدايو

دلوقتى اعمل ايه فى الاستهلاك الزائد للبنزين ؟؟؟؟؟؟؟

[Ramy_2R]

جرب حطها على ال n
وزود بنزين جامد
شوف في دخنه سوده و لا لأ
لو في
يبقى عايزه ظبطه كربياتير
و بص على التاكيهات برضه مظبوطه ولا لاء

[momo44]

شكرا يا بهوات على ردودكم وكل عام و انتم بخير و يارب الكحك يكون تمام
مكن الرفع الى بيرفع الزجاج بتاع الباب
بالنسبه للمرايات كانت بتاعتهم لانى حطتها على عربيتى و طلعت بتاعتها بس مشترتيش
بالنسبه للزراير الخلفيه بتاعتهم يباشا
الطاره بتاعه موديلات 2000 الى فيها الايرباج عشان انا عندى طارتى من غير الايرباج و جربت و ركبتها و تمام
وعلى فكره القطمه كامله بالطاره بتاعه اى عربيه هناك على الارض بتعمل حوالى 150 جنيه و اكثر طارات موجوده الهيونداى و الدايو

دلوقتى اعمل ايه فى الاستهلاك الزائد للبنزين ؟؟؟؟؟؟؟

ياريت لو تقولى بتاع المرايات ده فين بالظبط ؟؟
وهل المراية كانت كلها لون واحد ولا كانت لونين (قطعتين كل قطعة بلون )
ومعلش ايه هى كتاوت الرفع الاصلية دى ؟؟

وبالنسبة للبنزين
1-تاكيهات
2- كربراتير

هل العربية متلتة معاك ولا شغالة 4 بستم عادى ؟؟ ( تحس ان الشكمان بيقطع )

[nonnos5]

نضف الكربراتير وظبط التيكيهات

بس ياباشا اولا انا معايا كريستاله 99 اوتوماتيك كانت بتعمل معايا فى السفر بدون تكييف حوالى 180 الى 190 فى الصفيحة فى السفر زراعى..... وداخلى ما كانتش بتفرق كتير حوالى 160 الى 170
روحت ظبطت التيكيهات وفكيت الكربراتير ونضفته وظبطت جدا الحمد لله بقت فى السفر دلوقتى ممكن تعدى ال 270 فى الصفيحة وداخلى 210 الى 220 وكل ده طبعا بنزين 80
الكربراتير بتاعها مالوش طقم اصلاح علشان ما تدورشى عليه هوه اللى بيتغير فيه حاجتين بس الاستكين الصغيرين بتوع ابرة البنزين ودول الميكانيكى بيجبهملك من عنده والجوان الحرارى الفاصل بين جسم السخان وجسم الكربراتير وده انت هتاخد الجوان القديم وتروح لوحد بتاع جوانات يعملك زيه بس قوله عاوزه حرارى وخليه يعملك 3 جوانات علشان تنقى انت منهم افضل واحد يكون 100% زى الاصلى ...ومع ضبط مسمار البنزين مع مسمار الهواء وتظيف الكربراتير وضبط التيكهات العربية هتظبط معاك جامد فى البنزين ان شاء الله
اه وفيه حاجة مهمه جدا لازم تاخدها فى الاعتبار انك 180 كيلوا اللى انت بتقول عليهم دول ممكن يكونوا 200 كيلوا والفرق ده جاى من تغيير مقاس الكاوتش من 13 الى 14 لان كل ما مقاس الكاوتش كبر كل ما العداد بيدى قراة اقل
ولو عاوز رقم تليفون الميكانيكى اللى عملى الشغل ده قولى انا من المنصورة

[nonnos5]

خرم التنك

اه وبالنسبة لخرم التانك ده طبيعى فى اى كريستاله هتلاقيه كده عند الزور وده مش بيسرب بنزين ده خرم الفايص بتاع الهواء

[m.aligamal]

بمناسبه المرايات الموضوع ده من اكثر من ثلاث شهور و كان واحد واقف على فرش عند ابو المعاطى بتاع التيوتا مشهور هناك قوى وكان عارض عليا المرايات بالضفيره بميه جنيه وانا حطتهم على عربيتى و طلعوا اخواتهم بس مشترتش قلت هعمل بيهم ايه منا عندة مرايات سليمه و المرايه لونها واحد كانت سمرا و شفت مرايه تانيه عند واحد تانى و كانت مرايه واحده و كان بيبعها بعشرين جنيه
كتاوت وحده الرفع دى كتاوت عاديه عشان تقفل الزجاج من ريموت السياره لما تنزل و تحب ترفع الزجاج اتوماتك هيا مش مكنه ولا حاجه ده مجرد كتاوت ممكن يرفع اتنين مع بعض او الاربع بالتبادل ودى موجوده هناك كتيره ولا تتعدى عشرين جنيه هتلاقى بتاعه التيوتا الاصلى الدينسو او الانسر تقريبا زى بعض اساسا كتاوت الرفع الى فى السوق صينى و تعمل مع جميع الموديلات