كنترول في رادياتير لانسر بومة

[htotisum]

انا معايا بومة 2004 1300 cc

من سنة و نص تقريبا حصلت معايا مشكلة ان مروحتين الرادياتير شغالين على طوول
ولما روحت كشفت عليها قالولي هتغير كنترول ب 500 جنيه تقريبا
و غيرته والمشكلة اتحلت
من يومين حصلت معايا نفس المشكلة بس العكس
الكنترول باظ و فصل المروحة التانية
و العربية سخنت مني و وقفت على الدائري لحد ما بردت

دلوقتي الحل اني اغيره تاني
بس محتاج اعرف ايه السبب الاساسي للمشكلة دي

هتلاقوا في اللينكات اللي تحت شكل الكنترول ده عامل ازاي

Cooling Fan Motor Drive Control Unit For Mitsubishi Outlander CU2W CU5W Lancer CS3A CS9A 1355A124 - Detailed info for Cooling Fan Motor Drive Control Unit For Mitsubishi Outlander CU2W CU5W Lancer CS3A CS9A 1355A124,cooling fan motor drive controller

[wahibmichael]

حضرتك جبته جديد ولا استيراد ؟

[htotisum]

كان باظ من سنة و 8 شهور و جبت واحد جديد وركبته

القديم لما باظ كان بيشغل المروحتين اول ما بشغل العربية

لكن اللي موجود حاليا خلى مروحة فيهم ما تشتغلش نهائيا

و الكهربائي عمل كوبري مؤقتا لحد ما اجيب قطعة مكانها لعدم توافرها

[PANERAI]

لو محتاج كونترولر نصف عمر عندي واحد

[wahibmichael]

الاستيراد حيبقى افضل من الجديد

[szaalouk]

الموضوع ده نفسه كان حصل معايا
انا عربيتي 2005 و كان حصل بعد سنتين و شويه كنت وقتها عامل حوالي 55 الف و كسور علي العداد و برضه المراوح كانت شغاله علي طول علي السرعه العاليه و غيرته في توكيل مصريه اللي في امبابه وقتها كان في حدود ال 500 جم برضه بالضريبه و مصنعيه التركيب .
و لم يكن عندهم سبب او مبرر لعطل هذه الوحده لا صنايعي عنده سبب ولا مهندس التوكيل عنده سبب
بس بيقولوا هي عمرها كده .
طبعا كلام يوجع و يحرق الدم لكن انت مجبر انك تعمله لأن طبعا العربيه ايد الواحد و رجله و ما ينفعش يستغني عنها او يركنها .
فمعلهش حضرتك حاول تجيبه جديد من الرواس ( ياباني - قطع غيار اصليه ) او فيه محمد جابر في شارع دمشق - مصر الجديده و ده عنده قطع غيار اصليه من التوكيل ( موزع معتمد ) و لو ما لقيتش حاول تشوفها استيراد متشاله من عربيه و حاول تاخد من المحل ضمان شهر مثلا لكن اوعي تفكر تجيب اي حاجه يتقال لك عنها انها شغاله و متوافقه مع العربيه و تكون صيني ولا تايواني ولا حتي الماني ( الحاجات دي ما فيهاش هزار ) لأنها ممكن بعد كده تطير حاجات تانيه .
و ربنا يوفقك لما فيه الخير لك .

[htotisum]

الف شكر يا باشا
انا من سكان 6 اكتوبر
ممكن تقولي اقرب فرع للتوكيل فين
و لو كده انزل اعملها على طول

[walidadel81]

في المصريه اللي باخر شارع السودان من ناحيه الكيت كات

[MoStAfA MaHmOuD]

انا لسه جايبه جديد يابانى ب 370 جنيه
ومش مستاهلة التوكيل علشان تركيبه سهل .بتفك صواميل القديم و3 كابلات اتنين منهم تحت وواحد ع الشمال.وتركب الجديد

[htotisum]

الف شكر يا رجالة
انا جبت القطعة من التوكيل و كلفت 470 جنيه
و الحمد لله شغالة تمام و العربية رجعت زي الفل
انا سالت عليها بره لقيتها موجودة ب 450 - - 460 جنيه
ولقيت الموضوع مش فارق الفرق كله في ضريبة المبيعات اللي بتتضاف على الفاتورة من التوكيل
الف شكر

[alqami]

الف شكر يا رجالة
انا جبت القطعة من التوكيل و كلفت 470 جنيه
و الحمد لله شغالة تمام و العربية رجعت زي الفل
انا سالت عليها بره لقيتها موجودة ب 450 - - 460 جنيه
ولقيت الموضوع مش فارق الفرق كله في ضريبة المبيعات اللي بتتضاف على الفاتورة من التوكيل
الف شكر

انا عندي نفس المشكله في بومه 2005
بس مع اختلاف أن المروحتين بيشتغلوا مع بعض ويفصلوا مع بعض وصوتهم عالي جدا ولما اطفي العربيه بيفضلوا شغالين حوالي 20 ثانيه هل ده مشكله في الكنترول ولا ايه