سرقة مرايات اللاانسر الشكل القديم !!!

[tareq_khamesy]

انا لله و انا اليه راجعون... الحمد لله امبارح بالليل كنت راكن ساعتين فى شارع النادى الاهلى فى مدينة نصر و نزلت لقيت وش المراية اليمين مسروق. انا قولت الحمد لله على كل شىء بس اللى قلقنى انى افتكرت انى كنت قرأت هنا من قبل ان الوش الاصلى مش موجود خالص و ان التقليد مش بيركب على المراية الاصلى لاختلاف المقاس ... فهل هناك حل للمشكلة دى ولا هاضطر اغير المراية كلها؟؟؟
ارجو الافادة يا اخوانى .. و يا ريت كل واحد يحاو يركن فى مكان امان و خصوصا فى شارع النادى الاهلى :d

[emadfk]

لى صديق اتسرق 3 مرات عند النادى الاهلى مدينة نصر و بعد كدة كل مايركن يشييل الوش من المرايات و بعدين يركبهم وهو مروح

وعجبى

الرواس الى فى وسط البلد عنده الاصلى انا اشتريتهم منه بحوالى 85 جنية للواحدة علشان عندى سرقوا الاثنين

وربنا معاك

[okmijn]

ربنا يهدي ياباشا

[tareq_khamesy]

يا رب يهدى الجميع .. و الف شكر للاخوة على الرد و الافادة
و ربنا يكفيكم شر ولاد الحرام :d

[shady_elkady]

واحد صحبى امبارح اتسرق منة الزجاجة بتاعة المراية اليمين و الشمال و الشبكة فى ميدان لبنان وراح جاب المراية الوحدة 86 و الشبكة الواحدة 200 من الرواس
فى واحد مشهور اوى زعيم عصاية لسرقة الانسر و كمليتها كان اتمسك من فترة و هرب هوا اكيد السبب فى كل دة على فكرة الراجل دة فعلا ملوش حل بيفتح اى عربيى لانسر باى شكل

[شاهين - بنز]

:arghh::arghh:

[nobody]

انا كنت عامل موضوع قديم عن هذا الشأن و محتواه

ازاز المراية اليمين عندي اتكسر فقلت انزل شارع دمشق اجيب كف مراية

المهم سألت كذا واحد اللي قالي ب120 و 110 و بعدين في آخر الشارع لقيت محل قالي ب 100 قلتله 90 وافق على طول راح مطلعلي مراية من الدرج عنده بدون كرتونة



خدتها ومشيت المهم ببص في الكبلسات لقيتها مبيضة من التركيب والفك و لقيت خدوش في البلاستيك من ورا رجعتله قلتله دي متركبة قبل كده قلي لا يا بيه دي جديدة قلتله طيب فين الكرتونة قلي كانت عندي وشلتها المهم قلتله هاتلي غيرها طلعلي من الدرج بتاع 7 مرايات كلهم نفس الطريقة قلتله بص انا عاوز ال90 جنيه بتوعي (ما حبتش اعمل مشكلة معاه و اقله انو سارقهم) طلعت على التوكيل جبتها بكيسها والكرتونة ب 82.5

انا طرحت الموضوع ده لان في ناس كتير اعرفها معاها لانسر اتسرقت منها المرايات و خصوصا اليمين .ايه رايكوا أبلغ عن المحل ده ازاي؟

على فكرة دي مش استيراد انا متأكد انها مسروقة عشان مكتوب عليها بالعربي (الصورة تبدو أقرب في المرآة) يعني اكيد سارقها من عربيات في مصر

لينك الموضوع

http://www.nilemotors.net/Nile/showthread.php?t=26889&highlight=%E3%D1%C7%ED%C7%CA

[tareq_khamesy]

اشكركم على الردود .. و اظن انك لازم تبلغ عنه لانه امثاله بيساعدوا على انتشار السرقة لانهم بيشتروا البضاعة المسروقة من الحرامى