استفسار بخصوص النقلات العكسية للبومة 1300

[elmoski]

السلام عليكم..

العربية 1300 اوتوماتيك ماشية لحد دلوقت 24 الف

الحقيقة انا عندي حاجة بتحصل و مش عارف ده طبيعي ولا لأ

لما بكون ماشي مثلا علي 80 و اجي اشيل رجلي من علي دواسة البنزين بدون الضغط علي الفرامل العربية بتبتدي تهدي و تبدأ النقلات العكسية... الغريب بقي ان عند النقل من الرابع الي الثالث مؤشر ال rpm بيعلي عند النقلة بالظبط وبعدين ينزل تاني بس صوت الموتور طبيعي يعني مش بيعلي ولا حاجة طبيعي و في نفس الوقت بحس بكلبشة كدة في العربية و ده بيتكرر مع باقي الانقلات يعني من الثالث للتاني و هكذا يعني ال rpm بيكون عند 2 مثلا وعند النقلة العكسية يعلي ل3 و بعدين ينزل تاني...

برجاء توضيح هل هذي مشكلة ولا ده عادي علما بأن والدي عنده سيراتو اوتو برده و مش بحس بالكلام ده خااالص

[elmoski]

يا ريت لو حد عارف حاجة يقول يا جماعة

[Dragon78]

أعتقد والله أعلم .. ان الكلبشه اللي حضرتك بتقول عليها دي ممكن تكون فرملة الموتور عشان لو في مشكله ولا حاجه لاقدر الله المفروض ماتدوسش فرامل فالحركه دي بتحصل عشان تهدي سرعة العربيه

بس انا برضه مش متأكد .. بس انا عارف ان في حاجه في اللانسر عندي كده اسمها فرملة الموتور .. وده السبب اللي بيخليك لما تكون ماشي على سرعه عاليه مثلا وتيجي تشيل رجلك من على دواسة البنزين أو نازل من مطلع عالي بينصحك الكاتالوج بعدم تحويل الفتيس على وضع الـ n لأنك لو عملت كده يبقى فرملة الموتور دي مش هاتشتغل .

ده رأيي بصراحه ومش عارف ان كان صح ولا غلط .. استنى برضه شوف آراء بقيت الأعضاء

والله أعلم

تحيـــــاتي